Cinque di maghju sacralizatu : quandu a legge supraneghja a a LFP
Più ch'una vittoria, hè una prumessa pigliata dopu à u drama, chì hè tenuta.
Cinque di maghju sacralizatu : quandu a legge supraneghja a a LFP
U Senatu, hè andatu u 14 d’ottobre scorsu, in u sensu di l’Assemblea Naziunale, vinti mesi fà, per dà u so accunsentu à a pruposta di legge per sacralizà u cinque di maghju. Più ch’una vittoria, hè una prumessa pigliata dopu à u drama, chì hè tenuta.
U quattordeci d’ottobre scorsu marcherà un mumentu maiò per u cullettivu di u cinque di maghju. Hè issu ghjornu quì chè i Senatu hà cunfirmatu, guasgi à l’unanimità, u votu di l’Assemblea Naziunale di u 2019. A pruposta di legge, d’ùn ghjucà, in umaggiu à e vittime di u drama di Furiani, alcunu macciu di ballò un cinque di maghju, hè stata ritenuta. Sta volta, e cuzzate di a FFF o di a LFP circhendu i peli inde l’ovi dapoi vinti anni sò compie una volta per sempre. A pulitica hà pigliatu a suprana nantu à elli ind’un cartulare regulatu in quattru è trè sette. U scrittu mintueghja ch’oramai, ùn ci serà nè macci di Lega una ou dui, nè cuppa di Francia nè trufeu di i campioni (macci prufessiunali). Per ciò chì tocca à d’altre partite urganizate da a FFF (amatori), si tratta d’una minuta di silenziu. Una vittoria per u Cullettivu di u cinque di maghju chì si batte dapoi tanti anni per a sacralisazione d’issu ghjornu. « Hè più un appatimentu chè una sola vittoria, spiega Ghjaseppa Guidicelli, una di i respunsevuli di u Cullettivu, aspettavamu è sopratuttu speravamu issa decisione in u sensu di quella di l’Assemblea Naziunale. A prumessa fatta da M. Mitterrand dopu à u drama in u 1992 hè tenuta...Ma anu messu guasgi trenta anni. »
Natu u lindumane di u drama per dumandà nanzu à tuttu, ghjustizia, u cullettivu s’era appena piantatu dopu à prucessu nanzu di ripiglià à partesi da u 2010 dopu à una ghjurnata di campiunatu di Lega una (a 36a) ghjucata un cinque di maghju. « Tandu, avemu ripugliatu u cullettivu, per un impegnu diferente, aghjusta a respunsevule, si trattava à issu mumentu quì d’ùn ghjucà più macci di ballò issu ghjornu. Masimu chè ci n’era statu dighjà...Ùn pudiamu cuncepisce a cummemurazione d’un drama d’un cantu è a festa dopu à una vittoria, da l’altru (In u 2010, l’OM era statu campione di Francia di Lega una à l’occasione di a 36a ghjurnata, un cinque di maghju...) »
Una altra missione : sensibilizà
Issa ricunniscenza ùn hè solu u fattu di u Cullettivu. À fiancu à ellu dapoi tanti anni, u mondu spurtivu isulanu ma dinò puliticu. Michele Castellani, u Deputatu, fù à l’origine di a pruposta di legge, seguitatu, dopu, da eletti corsi cum’è Paulu Santu Parigi è Ghjuvan Ghjacumu Panunzi, i dui senatori di u Cismonte è u Pumonte. Una demarchja chì hà sensibilizatu a sucetà corsa, pocu impreme e scelte pulitiche...
Aldilà d’issa ricunniscenza, u Cullettivu di u cinque di maghju vole cuntinuà à impegnà si, à pro di i valori spurtivi sta volta. « Vuliamu creà un prezzu ma ùn l’avemu pussutu fà per via di l’impegnu à prò di a nostra demarchja. Oghje ch’avemu francatu issu passu, travaglieremu à nantu. »
A missione di Cullettivu serà, avà di sensibilizà ghjovani è maiò cù ghjurnate di studii, ghjustre è altre azzione dedicate à u drama di Furiani. Una manera di cuntinuà un impegnu principiatu guasgi trenta anni fà…
Ph.P.
U Senatu, hè andatu u 14 d’ottobre scorsu, in u sensu di l’Assemblea Naziunale, vinti mesi fà, per dà u so accunsentu à a pruposta di legge per sacralizà u cinque di maghju. Più ch’una vittoria, hè una prumessa pigliata dopu à u drama, chì hè tenuta.
U quattordeci d’ottobre scorsu marcherà un mumentu maiò per u cullettivu di u cinque di maghju. Hè issu ghjornu quì chè i Senatu hà cunfirmatu, guasgi à l’unanimità, u votu di l’Assemblea Naziunale di u 2019. A pruposta di legge, d’ùn ghjucà, in umaggiu à e vittime di u drama di Furiani, alcunu macciu di ballò un cinque di maghju, hè stata ritenuta. Sta volta, e cuzzate di a FFF o di a LFP circhendu i peli inde l’ovi dapoi vinti anni sò compie una volta per sempre. A pulitica hà pigliatu a suprana nantu à elli ind’un cartulare regulatu in quattru è trè sette. U scrittu mintueghja ch’oramai, ùn ci serà nè macci di Lega una ou dui, nè cuppa di Francia nè trufeu di i campioni (macci prufessiunali). Per ciò chì tocca à d’altre partite urganizate da a FFF (amatori), si tratta d’una minuta di silenziu. Una vittoria per u Cullettivu di u cinque di maghju chì si batte dapoi tanti anni per a sacralisazione d’issu ghjornu. « Hè più un appatimentu chè una sola vittoria, spiega Ghjaseppa Guidicelli, una di i respunsevuli di u Cullettivu, aspettavamu è sopratuttu speravamu issa decisione in u sensu di quella di l’Assemblea Naziunale. A prumessa fatta da M. Mitterrand dopu à u drama in u 1992 hè tenuta...Ma anu messu guasgi trenta anni. »
Natu u lindumane di u drama per dumandà nanzu à tuttu, ghjustizia, u cullettivu s’era appena piantatu dopu à prucessu nanzu di ripiglià à partesi da u 2010 dopu à una ghjurnata di campiunatu di Lega una (a 36a) ghjucata un cinque di maghju. « Tandu, avemu ripugliatu u cullettivu, per un impegnu diferente, aghjusta a respunsevule, si trattava à issu mumentu quì d’ùn ghjucà più macci di ballò issu ghjornu. Masimu chè ci n’era statu dighjà...Ùn pudiamu cuncepisce a cummemurazione d’un drama d’un cantu è a festa dopu à una vittoria, da l’altru (In u 2010, l’OM era statu campione di Francia di Lega una à l’occasione di a 36a ghjurnata, un cinque di maghju...) »
Una altra missione : sensibilizà
Issa ricunniscenza ùn hè solu u fattu di u Cullettivu. À fiancu à ellu dapoi tanti anni, u mondu spurtivu isulanu ma dinò puliticu. Michele Castellani, u Deputatu, fù à l’origine di a pruposta di legge, seguitatu, dopu, da eletti corsi cum’è Paulu Santu Parigi è Ghjuvan Ghjacumu Panunzi, i dui senatori di u Cismonte è u Pumonte. Una demarchja chì hà sensibilizatu a sucetà corsa, pocu impreme e scelte pulitiche...
Aldilà d’issa ricunniscenza, u Cullettivu di u cinque di maghju vole cuntinuà à impegnà si, à pro di i valori spurtivi sta volta. « Vuliamu creà un prezzu ma ùn l’avemu pussutu fà per via di l’impegnu à prò di a nostra demarchja. Oghje ch’avemu francatu issu passu, travaglieremu à nantu. »
A missione di Cullettivu serà, avà di sensibilizà ghjovani è maiò cù ghjurnate di studii, ghjustre è altre azzione dedicate à u drama di Furiani. Una manera di cuntinuà un impegnu principiatu guasgi trenta anni fà…
Ph.P.
