Sapè Fa : L'universu di a moda, a scelta artistica di Chjara Felli
Di ceppu isulanu, Chjara Felli hà sceltu, dopu à studii artistichi in Parrighji, di piglià u versu di a moda è masimu quellu di u stilisimu.
L’universu di a moda, a scelta artistica di Chjara Felli
Di ceppu isulanu, Chjara Felli hà sceltu, dopu à studii artistichi in Parrighji, di piglià u versu di a moda è masimu quellu di u stilisimu. Una passione chì s’hè imposta per a creazione d’una sucetà chì porta u so nome.
Difficiule, quandu ci chjamemu Felli d’ùn fà, nè a pulitica, nè u ghjocu à ballò, nè u dumeniu ghjudiziaru. Un’imbusca tamanta per Chjara, figliola di u tintu avucatu è elettu, chì hà fattu a so scelta intornu à...a moda.
Nata in Aiacciu, hè stata scularizata à u Liceu Fesch nanzu di parte in Parrighji à studià l’arte d’una manera generale. « \Un hè chè dopu ch’aghju sceltu u stilisimu, spiega l’artista, per mè, fù a cuncretisazione d’un sonniu zitellinu. Vuliu, da zitella, creà mudelli, panni...A me minnana tenia una buttega monda cunnisciuta in Aiacciu : Corail. Era dighjà un svegliu in iss’universu. Aghju forse pigliatu issu ceppu quì à fiancu à ella. Chè u dirittu ùn era fattu per mè. »
Passiunata da l’arte
Nanzu à u so basciliè (literariu), a ghjovana travaglia intornu à u grafisimu è i disegni. « Pigliavu dinò corsi ind’è Fanfan Salvini, pittore rinumatu. À 15 anni, ci andava ogni mercuri. A disciplina artistica era una passione. »
Benchè passiunata da a literatura, l’arte è u stilisimu piglieranu subbitu a suprana. Un impegnu chì a porta, à pocu à pocu ver di issu duminiu quì. « A prima annata di a scola d’arte, sappiu dighjà ciò ch’eu vuliu fà. Stilista. »
Un percorsu, in tuttu, di nove anni, cinque in generale è quattru ind’una scola specializata in l’universu di a moda. « M’hà permessu d’apre d’altre porte è di scambià cù persone di talente. »
Durante quattru anni, ci hè vulsutu à amparà tutte e tecniche di u mistieru à mezu à prufessiunali. Cusì, travaglierà cù marche monda rinumate cum’è Isabel Marant, Iro, Rag è Bone, Mansur Gavriel, Maison Sarah Lavoine…
« Sò scontri chì m’anu purtatu assai. Subbitu dopu, aghju avutu un impiegu ind’è Isabel Marant chì m’hà permessu d’avè una certa sperienza. »
Un primu passu ver di a creazione di a so sucetà, Chjara Felli (a scelta di u so nome), induve l’artista hè stilista ma travaglia, à tempu, per parechje marche tutte rinumate. Una manera d’arrimbassi nantu à a so sperienza. « Aghju un percorsu di dece anni, possu cuncepisce mudelli, dà cunsigli...è dopu avè travagliatu monda cù sucetà parrighjine o di u stranieru, mi sò fattu cunnosce è sò chjamata da issa ghjente quì per purtà qualcosa ind’a cuncipitura di panni per e donne. »
Oghje, Chjara Felli travaglia per Sarah Lavoine, marche americane è dinò per una marca corsa « Mare di latte », induve ci sò creazione di cullezzione in leia cù l’isula. « Tandu, i prudutti sò tutti cuncipiti è messi à u puntu in Corsica. »
A Corsica ? « Ci hè una leia naturale, forte è ricca. Passu u me tempu à creà mudelli in rapportu cù a Corsica. Hè l’ADN di a marca « Mare di Latte. Oghje, u mistieru m’impedicsce d’esse in Corsica à 100 % ch’aghju dumande in parechji paesi di u mondu, facciu a me strada. Saltiteghju da a Corsica à Parrighji cù e prove, disegni, appuntamenti...Ma spergu di vultà ind’è mè à più o menu longu andà. »
L’occasione, tandu, di mette a so sperienza à prò di a so isula.
Di ceppu isulanu, Chjara Felli hà sceltu, dopu à studii artistichi in Parrighji, di piglià u versu di a moda è masimu quellu di u stilisimu. Una passione chì s’hè imposta per a creazione d’una sucetà chì porta u so nome.
Difficiule, quandu ci chjamemu Felli d’ùn fà, nè a pulitica, nè u ghjocu à ballò, nè u dumeniu ghjudiziaru. Un’imbusca tamanta per Chjara, figliola di u tintu avucatu è elettu, chì hà fattu a so scelta intornu à...a moda.
Nata in Aiacciu, hè stata scularizata à u Liceu Fesch nanzu di parte in Parrighji à studià l’arte d’una manera generale. « \Un hè chè dopu ch’aghju sceltu u stilisimu, spiega l’artista, per mè, fù a cuncretisazione d’un sonniu zitellinu. Vuliu, da zitella, creà mudelli, panni...A me minnana tenia una buttega monda cunnisciuta in Aiacciu : Corail. Era dighjà un svegliu in iss’universu. Aghju forse pigliatu issu ceppu quì à fiancu à ella. Chè u dirittu ùn era fattu per mè. »
Passiunata da l’arte
Nanzu à u so basciliè (literariu), a ghjovana travaglia intornu à u grafisimu è i disegni. « Pigliavu dinò corsi ind’è Fanfan Salvini, pittore rinumatu. À 15 anni, ci andava ogni mercuri. A disciplina artistica era una passione. »
Benchè passiunata da a literatura, l’arte è u stilisimu piglieranu subbitu a suprana. Un impegnu chì a porta, à pocu à pocu ver di issu duminiu quì. « A prima annata di a scola d’arte, sappiu dighjà ciò ch’eu vuliu fà. Stilista. »
Un percorsu, in tuttu, di nove anni, cinque in generale è quattru ind’una scola specializata in l’universu di a moda. « M’hà permessu d’apre d’altre porte è di scambià cù persone di talente. »
Durante quattru anni, ci hè vulsutu à amparà tutte e tecniche di u mistieru à mezu à prufessiunali. Cusì, travaglierà cù marche monda rinumate cum’è Isabel Marant, Iro, Rag è Bone, Mansur Gavriel, Maison Sarah Lavoine…
« Sò scontri chì m’anu purtatu assai. Subbitu dopu, aghju avutu un impiegu ind’è Isabel Marant chì m’hà permessu d’avè una certa sperienza. »
Un primu passu ver di a creazione di a so sucetà, Chjara Felli (a scelta di u so nome), induve l’artista hè stilista ma travaglia, à tempu, per parechje marche tutte rinumate. Una manera d’arrimbassi nantu à a so sperienza. « Aghju un percorsu di dece anni, possu cuncepisce mudelli, dà cunsigli...è dopu avè travagliatu monda cù sucetà parrighjine o di u stranieru, mi sò fattu cunnosce è sò chjamata da issa ghjente quì per purtà qualcosa ind’a cuncipitura di panni per e donne. »
Oghje, Chjara Felli travaglia per Sarah Lavoine, marche americane è dinò per una marca corsa « Mare di latte », induve ci sò creazione di cullezzione in leia cù l’isula. « Tandu, i prudutti sò tutti cuncipiti è messi à u puntu in Corsica. »
A Corsica ? « Ci hè una leia naturale, forte è ricca. Passu u me tempu à creà mudelli in rapportu cù a Corsica. Hè l’ADN di a marca « Mare di Latte. Oghje, u mistieru m’impedicsce d’esse in Corsica à 100 % ch’aghju dumande in parechji paesi di u mondu, facciu a me strada. Saltiteghju da a Corsica à Parrighji cù e prove, disegni, appuntamenti...Ma spergu di vultà ind’è mè à più o menu longu andà. »
L’occasione, tandu, di mette a so sperienza à prò di a so isula.
