Sapè Fa : I suchjulini nustrali di Marina Bartoletti
Un pruduttu prisentatu quindeci ghjorni fà à u salonu di a cicculata in Aiacciu....
i suchjulini nustrali di Marina Bartoletti
Passiunata dapoi a so zitellina per tuttu ciò chì tocca à a pastizzeria, iss’Aiaccina hà fattu a scelta qualchì tempu fà, di cuncepisce suchjulini persunalizati. Un pruduttu prisentatu quindeci ghjorni fà à u salonu di a cicculata in Aiacciu…
Quand’ella cerca à fà una surpresa à Remi u so cumpagnu per u so anniversariu (d’aostu u 2020), Marina Bartoletti piglia cuntattu in Cuntinente cù una donna chì face creazione di suchjulini. L’Aiaccina scopre chì a cuncipitura d’issu genaru di pruduttu ùn esiste micca in Corsica, è tene a so idea in mente aspettendu…
A pastizzeria, una passione zitellina
Eppo, qualchì tempu dopu, vede chè a persone dà furmazione numerica. Tandu, decide di francà u passu è travaglià in issu duminiu quì.
Di fattu, u mistieru di Marina hè intornu à a pastizzeria, una passione zitellina. « M’hè sempre piaciutu à fà biscuttini, biscuttoni, torte ecc…, spiega a ghjovana, tandu, aghju seguitatu una furmazione in alternanza sbucchendu nantu à u CAP. »
Marina face i so primi passi in u mistieru à a panatteria Galeani (stretta Fesch in Aiacciu). « Un bellu mumentu, aghju amparatu monda, u sapè fà d’issu mistieru ind’u locu abbastanza anzianu è sputicu ind’a so manera di travaglià. U me maestru fù Samir Sakatni, hè ellu chì m’à furmatu. »
Dopu avè fattu biscotti « classichi », l’Aiaccina decide di travaglià da per ella. Hè in u 2020, ch’ella decide d’impegnà si à prò di i suchjulini. « Hè un pruduttu particulare, ùn ci n’era ind’è noi. Aghju decisu di lampà mi. »
Marina ne vole fà a so attività è marca, subbitu, a so grinfia cù suchjulini persunalizati fatti cù una basa di isolmalt, un zuccheru specializatu cottu à una timperatura abbastanza alta, induve ella aghjusta perfumi chì si ponu adattà : « barbe à papa, coccà, fravule... »
Visuali specifichi
A specificità tene in u visuale. « Si dipende di l’attualità. In sta periode di feste, serà piuttostu « Bon Natale » o « Capu d’annu », osinnò, sò diversi secondu à a dumanda di a ghjente : cumunione, battesimi, anniversariii, matrimonii. Aghju fattu dinò suchjulini dedicati à u Sporting di Bastia, Mickey, persunaghji di Disney... » U cuncettu di Marina piace assai. Per prova, imprese o usteria cumandanu i so suchjulini per rigalà li à l’impiegati (per Natale) o i clienti. « Eppuru, a cumercialisazione cumencia avà ! Hè un segnu bonu. E rete suciale portanu dinò assai, a ghjente spartenu... »
Qualchì idea di rigalu per e feste
Dopu à un primu passu, l’Aiaccina s’hè fatta cunnosce à l’occasione di e seconda edizione di u salonu di a Cicculata, quindeci ghjorni fà in Aiacciu. « À dilla franca, ùn m’aspettava micca à issa riesciuta quì. Una ambianza particulare, eru a più ghjovana, m’anu tutti aiutata, fù un bellu spechju per a me attività. Masimu ch’aghju guasgi vendutu tuttu. »
Ci vole à dì chè, aldilà di i so suchjulini, e case di Natale in pani di spezii, a pasta inzuccherata cù i biscuttini stampati anu testumuniatu di u sapè fà di Marina. Una leia cù a pastizzeria. Primi passi chì prumettenu è, aspettendu ancu megliu, qualchì idea di rigali o adurnamentu per e feste…
Ph.P.
Marina Bartoletti
Cuntattu : 06-84-06-97-25
Passiunata dapoi a so zitellina per tuttu ciò chì tocca à a pastizzeria, iss’Aiaccina hà fattu a scelta qualchì tempu fà, di cuncepisce suchjulini persunalizati. Un pruduttu prisentatu quindeci ghjorni fà à u salonu di a cicculata in Aiacciu…
Quand’ella cerca à fà una surpresa à Remi u so cumpagnu per u so anniversariu (d’aostu u 2020), Marina Bartoletti piglia cuntattu in Cuntinente cù una donna chì face creazione di suchjulini. L’Aiaccina scopre chì a cuncipitura d’issu genaru di pruduttu ùn esiste micca in Corsica, è tene a so idea in mente aspettendu…
A pastizzeria, una passione zitellina
Eppo, qualchì tempu dopu, vede chè a persone dà furmazione numerica. Tandu, decide di francà u passu è travaglià in issu duminiu quì.
Di fattu, u mistieru di Marina hè intornu à a pastizzeria, una passione zitellina. « M’hè sempre piaciutu à fà biscuttini, biscuttoni, torte ecc…, spiega a ghjovana, tandu, aghju seguitatu una furmazione in alternanza sbucchendu nantu à u CAP. »
Marina face i so primi passi in u mistieru à a panatteria Galeani (stretta Fesch in Aiacciu). « Un bellu mumentu, aghju amparatu monda, u sapè fà d’issu mistieru ind’u locu abbastanza anzianu è sputicu ind’a so manera di travaglià. U me maestru fù Samir Sakatni, hè ellu chì m’à furmatu. »
Dopu avè fattu biscotti « classichi », l’Aiaccina decide di travaglià da per ella. Hè in u 2020, ch’ella decide d’impegnà si à prò di i suchjulini. « Hè un pruduttu particulare, ùn ci n’era ind’è noi. Aghju decisu di lampà mi. »
Marina ne vole fà a so attività è marca, subbitu, a so grinfia cù suchjulini persunalizati fatti cù una basa di isolmalt, un zuccheru specializatu cottu à una timperatura abbastanza alta, induve ella aghjusta perfumi chì si ponu adattà : « barbe à papa, coccà, fravule... »
Visuali specifichi
A specificità tene in u visuale. « Si dipende di l’attualità. In sta periode di feste, serà piuttostu « Bon Natale » o « Capu d’annu », osinnò, sò diversi secondu à a dumanda di a ghjente : cumunione, battesimi, anniversariii, matrimonii. Aghju fattu dinò suchjulini dedicati à u Sporting di Bastia, Mickey, persunaghji di Disney... » U cuncettu di Marina piace assai. Per prova, imprese o usteria cumandanu i so suchjulini per rigalà li à l’impiegati (per Natale) o i clienti. « Eppuru, a cumercialisazione cumencia avà ! Hè un segnu bonu. E rete suciale portanu dinò assai, a ghjente spartenu... »
Qualchì idea di rigalu per e feste
Dopu à un primu passu, l’Aiaccina s’hè fatta cunnosce à l’occasione di e seconda edizione di u salonu di a Cicculata, quindeci ghjorni fà in Aiacciu. « À dilla franca, ùn m’aspettava micca à issa riesciuta quì. Una ambianza particulare, eru a più ghjovana, m’anu tutti aiutata, fù un bellu spechju per a me attività. Masimu ch’aghju guasgi vendutu tuttu. »
Ci vole à dì chè, aldilà di i so suchjulini, e case di Natale in pani di spezii, a pasta inzuccherata cù i biscuttini stampati anu testumuniatu di u sapè fà di Marina. Una leia cù a pastizzeria. Primi passi chì prumettenu è, aspettendu ancu megliu, qualchì idea di rigali o adurnamentu per e feste…
Ph.P.
Marina Bartoletti
Cuntattu : 06-84-06-97-25
