Alchimia, u rock à l'usu di u Contraversu
Natu dighjà parechji anni fà, issu gruppu hà esciutu à u principiu di u mese,.....
Alchimia, u rock à l’usu di u Contraversu
Natu dighjà parechji anni fà, issu gruppu hà esciutu à u principiu di u mese, u so primu dischettu « Alchimia », a seguita logica d’un percorsu cumunu di i membri chì u cumponenu.
À l’iniziu, vinti anni fà, ci era a passione d’un gruppu « I cantelli » è masimu di u so capimachja Federicu Antonpietri di cugnome « Tonton » per The Pogues, gruppu di rock di l’anni ottanta è novanta. Eppo, parechji anni dopu, un scambiu cù « Ziu Micheli » Solinas, sunadore di musica tradiziunale ma passiunatu, ellu dinò d’issa musica. È si trattava, tandu, di rifà, à modu soiu, qualchì canzona tradiziunale accunciata à l’usu rock...Eccu i primi passi di ciò ch’è noi chjamemu oghje, u « Contraversu », una spezia di rock nustrale induve versi tradiziunali sò aduprati d’un’altra manera « un altru versu », fendu a so particularità.
Strada facendu, una struttura nasce ma « Tonton » hè appena luntanu. Tandu, u « Ziu » riesce à mette in piazza una « squadra », cumposta d’artisti rinumati o micca. « Nono » Vidal à a batteria, un anzianu di Canta u Populu Corsu, « Mister Doom », Dumenicu Tomasi, prufessore d’inglese ,passiunatu di rock (ghitarra bassa) è un ghjovanu chì dapoi, hà fattu a so strada, ellu dinò : Marcantò Mucchielli « the Kid » (ghitarra).
È di fattu, u gruppu, induve « Tonton » affaccava di tantu in tantu – ch’ellu hè impegnatu in parechji prughjetti- s’hè fattu cunnosce. Scene (l’aghja), rete suciale...Eppo ci hè statu a crisa sanitaria chì hà custrettu a struttura à calà appena u ritimu di travagliu. Frà tempu, postu ch’elli sò cinque cum’è i diti di a manu, ci ne vulia un altru. Tandu, « Ziu », cunvice Stefanu Pinelli, specialistu di Busucchì è passiunatu di Folk-rock.
U spiritu di I Cantelli
À dilla franca, ùn semu tanti surpresi di vedeli esce u so primu dischettu. Ne mancu e canzone scelte, dighjà intese nantu à e scene isulane è dinò e rete suciale è ancu in a citadella d’Aiacciu. « Saria a seguita di u nosciu parcorsu, spieganu i so membri, avemi travaddatu nantu à issu prughjettu è issa musica chì ci currispondi. »
Tandu, hè esciutu « Alchimia », una decina di canzone, un mischiu di tradiziunale à modu soiu « Pitriculella », « Lisa Bedda », di creazione chì trattanu di tutti i sughjetti ma particulari quantunque. Cusì, si pò truvà « Torino 77 » un umagiu à a famosa vittoria di u Sporting in Torino (3-2), « Una parolla », cumposta da Michele Solinas nantu à un scrittu appena spirituale di Petru Canon (si tratta di San Ghjuvà è d’una parolla « persa ») è ancu John Ryan’s Polka, un tradiziunale adattatu da Dumè Tomasi o « A canzona di Jesse James (sempre u paghju Solinas-Tomasi scrittu è musica).
Oghje, u contraversu saria, s’ellu ci vulia à dà ne una definizione, un sonu, un estru è una musica particulari, qualcosa c’ùn si ritrova micca altrò, ma sempre una leia cù u spiritu di « I cantelli » è un’uchjata à « The Pogues ». Un dischettu assai aspettatu induve Davide Baglietto, sunadore di caramusa hà participatu. L’avvene ? « Emu da circà à girà iss’istatina s’è i cundizioni u parmettani, eppo cuntinuà à travaddà... »
U gruppu chì face a so strada è chì un soffiu novu à u rock nustrale…
Ph.P.
Contraversu
Bruno « Nono » Vidal : Batteria
Marcantò « Kid » Mucchielli : cantu è ghitarra
Stefanu « Pinceau » Pinelli : mandulina, banjò, busucchì
Dumè « Mister doom » Tomasi : cantu è ghitarra bassa
Michel « Ziu Micheli » Solinas : cantu, viulinu, sunettu, ghitarra
Frédéric « Tonton » Antonpietri : cantu, sunettu, ghitarra
Natu dighjà parechji anni fà, issu gruppu hà esciutu à u principiu di u mese, u so primu dischettu « Alchimia », a seguita logica d’un percorsu cumunu di i membri chì u cumponenu.
À l’iniziu, vinti anni fà, ci era a passione d’un gruppu « I cantelli » è masimu di u so capimachja Federicu Antonpietri di cugnome « Tonton » per The Pogues, gruppu di rock di l’anni ottanta è novanta. Eppo, parechji anni dopu, un scambiu cù « Ziu Micheli » Solinas, sunadore di musica tradiziunale ma passiunatu, ellu dinò d’issa musica. È si trattava, tandu, di rifà, à modu soiu, qualchì canzona tradiziunale accunciata à l’usu rock...Eccu i primi passi di ciò ch’è noi chjamemu oghje, u « Contraversu », una spezia di rock nustrale induve versi tradiziunali sò aduprati d’un’altra manera « un altru versu », fendu a so particularità.
Strada facendu, una struttura nasce ma « Tonton » hè appena luntanu. Tandu, u « Ziu » riesce à mette in piazza una « squadra », cumposta d’artisti rinumati o micca. « Nono » Vidal à a batteria, un anzianu di Canta u Populu Corsu, « Mister Doom », Dumenicu Tomasi, prufessore d’inglese ,passiunatu di rock (ghitarra bassa) è un ghjovanu chì dapoi, hà fattu a so strada, ellu dinò : Marcantò Mucchielli « the Kid » (ghitarra).
È di fattu, u gruppu, induve « Tonton » affaccava di tantu in tantu – ch’ellu hè impegnatu in parechji prughjetti- s’hè fattu cunnosce. Scene (l’aghja), rete suciale...Eppo ci hè statu a crisa sanitaria chì hà custrettu a struttura à calà appena u ritimu di travagliu. Frà tempu, postu ch’elli sò cinque cum’è i diti di a manu, ci ne vulia un altru. Tandu, « Ziu », cunvice Stefanu Pinelli, specialistu di Busucchì è passiunatu di Folk-rock.
U spiritu di I Cantelli
À dilla franca, ùn semu tanti surpresi di vedeli esce u so primu dischettu. Ne mancu e canzone scelte, dighjà intese nantu à e scene isulane è dinò e rete suciale è ancu in a citadella d’Aiacciu. « Saria a seguita di u nosciu parcorsu, spieganu i so membri, avemi travaddatu nantu à issu prughjettu è issa musica chì ci currispondi. »
Tandu, hè esciutu « Alchimia », una decina di canzone, un mischiu di tradiziunale à modu soiu « Pitriculella », « Lisa Bedda », di creazione chì trattanu di tutti i sughjetti ma particulari quantunque. Cusì, si pò truvà « Torino 77 » un umagiu à a famosa vittoria di u Sporting in Torino (3-2), « Una parolla », cumposta da Michele Solinas nantu à un scrittu appena spirituale di Petru Canon (si tratta di San Ghjuvà è d’una parolla « persa ») è ancu John Ryan’s Polka, un tradiziunale adattatu da Dumè Tomasi o « A canzona di Jesse James (sempre u paghju Solinas-Tomasi scrittu è musica).
Oghje, u contraversu saria, s’ellu ci vulia à dà ne una definizione, un sonu, un estru è una musica particulari, qualcosa c’ùn si ritrova micca altrò, ma sempre una leia cù u spiritu di « I cantelli » è un’uchjata à « The Pogues ». Un dischettu assai aspettatu induve Davide Baglietto, sunadore di caramusa hà participatu. L’avvene ? « Emu da circà à girà iss’istatina s’è i cundizioni u parmettani, eppo cuntinuà à travaddà... »
U gruppu chì face a so strada è chì un soffiu novu à u rock nustrale…
Ph.P.
Contraversu
Bruno « Nono » Vidal : Batteria
Marcantò « Kid » Mucchielli : cantu è ghitarra
Stefanu « Pinceau » Pinelli : mandulina, banjò, busucchì
Dumè « Mister doom » Tomasi : cantu è ghitarra bassa
Michel « Ziu Micheli » Solinas : cantu, viulinu, sunettu, ghitarra
Frédéric « Tonton » Antonpietri : cantu, sunettu, ghitarra
