• Le doyen de la presse Européenne

Cinque di maghju : da a sacralisazione à u duvere di memoria

E ceremonie cummemurative à u trentesimu annivertsariu di u drama di Furiani.....
Cinque di maghju : da a sacralisazione à u duvere di memoria

E ceremonie cummemurative à u trentesimu anniversariu di u drama di Furiani si sparghjenu in duie settimana. Dopu avè ottenutu a sacralisazione d’issu ghjornu quì, d’ottobre scorsu, i respunsevuli di u Cullettivu anu travagliatu nantu à a sensibilisazione per i chjuchi è i maiò.


Quattordeci d’ottobre scorsu, una data impurtantissima per u Cullettivu di u cinque di maghju. Di fattu, issu ghjornu marca a sacralisazione di u cinque di maghju cù una legge chì difende di ghjucà un macciu di ballò, un cinque di maghju in Francia. Una vittoria per u cullettivu si chì battia dapoi u 2011 per ottene issa sacralisazione. Tandu, ùn ci vole micca crede chè l’affare hè compia. Per u culletttivu, è masimu à l’occasione di u trentesimu anniversaiu di u drama, l’impegnu serà diferente. « Hè vera chè a legge ci hà permette d’ottene ciò ch’è noi vuliamu dapoi ondeci anni, spiega Josepha Guidicelli, una di i capimachja di u Cullettivu, questu annu marca in trenta anni di a catastrofa. Hè simbolicu. Issa cummemurazione, l’avemu vulsuta più larga è spertuta in duie settimana. Franchemu un passu. S’agisce, oghje, di mantene issu duvere di memoria. »


Sculari, chjuchi è maiò

Sensibilizà, eccu puntu maiò d’una nova demarchja messa in piazza da a squadra di u cullettivu. Una sensibilsazione à prò di tutti, chjuchi è maiò ma cù l’aiutu necessariu d’altri partenarii.

Di fattu, e cummemurazione anu principiatu a settimana scorsa cù una mostra à u culleghju Simon Vinciguerra di Bastia induve ogni scularu hà fattu un fiore in materia diversa (carta mettalu, cartò), pinta in biancu è turchinu è chì serà posta sin’à u cinque di maghju ina corti di recreazione. « Per esse visti da tuttu u mondu, aghjusta a respunsevule.

Issu 26 d’aprile, à l’occasione di l’attelli « fonds d’action » sviluppati da a FFF, i membri di u cullettivu sò falati à scuntrà i ghjovani di u centru di furmazione di l’ACA. « Iss’attelli dedicati à tutti i centri di furmazione di Francia permettu di travaglià nantu à parechji tematiche cum’è u racisimu o l’omofubia. Avemu ottenutu un attellu « cinque di maghju » è l’ACA ci hà cuntattatu per vene à presintalu. »

Quattru di maghju : u macciu di u ricordu

U trè di maghju, u filmu cortu di Corinne Mattei à nantu à u drama serà difusatu à u spaziu culturale Carlu Rocchi di Biguglia. Ma unu di i fatti maiò d’isse ceremonie serà privistu u quattru di maghju in Furiani cù scontri trà ghjovani (300 zitelli), letture di testi, difusione di u filmu di Corinne Mattei nanzu u macciu di u ricordu trà a squadra di u 5 di maghju di u 1992 è « a squadra di u ricordu » cumposta da anziani ghjucadori di u Sporting è di l’OM (Maoulida, Squillaci, Djibril Cissé, D.Deschamps…).

Dopu à e ceremonie di u cinque (manna sopra piazza à 16.00 è messa à 18.00 à a catedrale), e cummemurazione anu da cuntinuà sin’à u sette cù u teatru intornu à testimonii racolti è messi in scena da Alexandre Opeccini è una cunferenza à u centru « Una Volta » nantu à a tematica « Du traumatisme de Furiani à la mémoire collective d’aujourd’hui animatu da dui psicologhi (Jo Agostini è Richard Reichmann). Duie settimana per ùn scurdà si. Solu dillusia, a meza finale di a Lega Cunferenza trà l’OM è Feyenoord...u cinque di maghju. « Semu dillusi, issu macciu ùn entre micca nantu à a legge chì tocca solu a Francia. In più hè l’OM chì ghjoca. Ma anu dumandatu quantunque à l’UEFA di marcà a data cù un protocolu particulare (maglietta di scaldamentu)... »

Un duvere di memoria chì andaria, tandu, aldilà di e sole fruntiere naziunale.

Ph.P.
Partager :