Sapè Fà : Laura Dudkowiak : i biadi à modu nustrale
Stallata in Aiacciu induve ella t'hà e so radiche è in Parrighji, Laura Dudkowiak hà creatu << I Granula di Laura >>
Laura Dudkowiak : i biadi à modu nustrale
Stallata in Aiacciu induve ella t’hà e so radiche è in Parrighji, Laura Dudkowiak hà creatu dui anni fà « I Granola di Laura », una sosula di biadi cucinati à modu soiu cù prudutti di qualità. Un’impresa chì face a so strada…
U destinu capricciosu averà vulsutu, ch’un ghjornu, Laura Dudkowiak, scambii di strada prufessiunale per passà da tuttu ciò chì tocca à l’usteria à a cuncepitura di biadi accunciati à modu soiu per prupone prudutti di qualità maiò. Di fattu, s’hè arrimbata nantu à u so percorsu propiu. « Aghju fattu una scola d’usteria in Aghjacciu eppo in Parrighji, spiega a creatrice, ma dopu à una malatia mi tuccava à manghjà più sanu. Mi sò messu à i biadi è strada facendu, n’aghju vulsutu fà u me mistieru... »
Una sosula à modu soiu
Cusì, hè natu, dui anni fà, l’impresa « E Granola di Laura ». L’idea serà, subbitu, di cummercializà u granola ch’ella facia prima, per ella. « U facciu per mè cù una basa di petali di granonu. A granola esistia dighjà in tantu chè vena. Ma cum’è a vena ùn era bona per mè, aghju messu una basa di granonu ch’aghju accunciatu, à pocu à pocu secondu à i me gusti. Circhendu sempre a qualità. »
A creatrice s’arremba nantu u biadu chì li cunvene riccu in rasgiula è face a so sosula cù un sciroppu d’agava è u latte di coccò. In puchissimi tempi, a granola hè ricunnisciuta A granola di Laura si sviluppa in parechji gusti : Cicculatan nera, caramellu, zenzeru sempre cù un zuccheru rossu, accunciata dinò cù prudutti corsi cum’è a nuciola di Cervioni, o « fravula è chivì » per l’estate. « Aghju vulsutu sciappà i codici, aghjusta a creatrice, è fà, à tempu, un mischiu trà issa passione, issi prudutti sani è dinò l’estru nustrale chì face a particularità di a Corsica. »
250 chilò à mese
Altra particularità, Laura face tuttu da per ella da a pruduzzione à a vendita. Cusì, face u passu è vene trà Aiacciu è Parrighji induve ci hè u so attellu. « Durante u cunfinamentu, a prudizzione si facia in Aiacciu. Ogjje, hè in Parrighji. Hè quallà ch’eu ricevu tutti i prudutti (petali di granonu, amandule, sesamu…) di qualità maiò è guasgi da l’agricultura bio. »
L’artisgiana riesce à vende 250 chilò à mese in Corsica, Francia, Belgica, Suizzera è ancu sin’à l’Inghliterra (Londres) segnu chè a sosula hè, oghje, ricunnisciuta. Masimu à un’epica induve un « manghjà bè è sanu » diventa una necessità. Ma Laura ùn conta micca d’arrestà si quì. Concepisce, da pocu, una tavuletta di cicculata induve ella aghjusta a so sosula di biadi. « L’aghju prisentata à l’occasione d’Arte è Gustu, u primu di maghju in Bunifaziu. Hà cunnisciutu un successu maiò. » È face dinò un pane granulatu à u rosumarin, nuciola o nepita chì permette d’esse adupratu ind’ e sosule salite. « Cercu sempre l’eccelenza, hè què chì face a me marca di fabrica... »
Un pruduttu da tastà. Ma per ciò chì tocca à a sosula, ci vulerà à aspettà chè Laura ùn vole spartela. È si capisce…
Philippe Peraut
Granola di Laura
situ : www.granoladilaura.com
mail : granoladilaura@gmail.com
Facebook : Granola di Laura
cuntattu : 06-19-33-19-56
Stallata in Aiacciu induve ella t’hà e so radiche è in Parrighji, Laura Dudkowiak hà creatu dui anni fà « I Granola di Laura », una sosula di biadi cucinati à modu soiu cù prudutti di qualità. Un’impresa chì face a so strada…
U destinu capricciosu averà vulsutu, ch’un ghjornu, Laura Dudkowiak, scambii di strada prufessiunale per passà da tuttu ciò chì tocca à l’usteria à a cuncepitura di biadi accunciati à modu soiu per prupone prudutti di qualità maiò. Di fattu, s’hè arrimbata nantu à u so percorsu propiu. « Aghju fattu una scola d’usteria in Aghjacciu eppo in Parrighji, spiega a creatrice, ma dopu à una malatia mi tuccava à manghjà più sanu. Mi sò messu à i biadi è strada facendu, n’aghju vulsutu fà u me mistieru... »
Una sosula à modu soiu
Cusì, hè natu, dui anni fà, l’impresa « E Granola di Laura ». L’idea serà, subbitu, di cummercializà u granola ch’ella facia prima, per ella. « U facciu per mè cù una basa di petali di granonu. A granola esistia dighjà in tantu chè vena. Ma cum’è a vena ùn era bona per mè, aghju messu una basa di granonu ch’aghju accunciatu, à pocu à pocu secondu à i me gusti. Circhendu sempre a qualità. »
A creatrice s’arremba nantu u biadu chì li cunvene riccu in rasgiula è face a so sosula cù un sciroppu d’agava è u latte di coccò. In puchissimi tempi, a granola hè ricunnisciuta A granola di Laura si sviluppa in parechji gusti : Cicculatan nera, caramellu, zenzeru sempre cù un zuccheru rossu, accunciata dinò cù prudutti corsi cum’è a nuciola di Cervioni, o « fravula è chivì » per l’estate. « Aghju vulsutu sciappà i codici, aghjusta a creatrice, è fà, à tempu, un mischiu trà issa passione, issi prudutti sani è dinò l’estru nustrale chì face a particularità di a Corsica. »
250 chilò à mese
Altra particularità, Laura face tuttu da per ella da a pruduzzione à a vendita. Cusì, face u passu è vene trà Aiacciu è Parrighji induve ci hè u so attellu. « Durante u cunfinamentu, a prudizzione si facia in Aiacciu. Ogjje, hè in Parrighji. Hè quallà ch’eu ricevu tutti i prudutti (petali di granonu, amandule, sesamu…) di qualità maiò è guasgi da l’agricultura bio. »
L’artisgiana riesce à vende 250 chilò à mese in Corsica, Francia, Belgica, Suizzera è ancu sin’à l’Inghliterra (Londres) segnu chè a sosula hè, oghje, ricunnisciuta. Masimu à un’epica induve un « manghjà bè è sanu » diventa una necessità. Ma Laura ùn conta micca d’arrestà si quì. Concepisce, da pocu, una tavuletta di cicculata induve ella aghjusta a so sosula di biadi. « L’aghju prisentata à l’occasione d’Arte è Gustu, u primu di maghju in Bunifaziu. Hà cunnisciutu un successu maiò. » È face dinò un pane granulatu à u rosumarin, nuciola o nepita chì permette d’esse adupratu ind’ e sosule salite. « Cercu sempre l’eccelenza, hè què chì face a me marca di fabrica... »
Un pruduttu da tastà. Ma per ciò chì tocca à a sosula, ci vulerà à aspettà chè Laura ùn vole spartela. È si capisce…
Philippe Peraut
Granola di Laura
situ : www.granoladilaura.com
mail : granoladilaura@gmail.com
Facebook : Granola di Laura
cuntattu : 06-19-33-19-56
