Sapè Fà : Les jardins d'Alesgiani
I scriroppi à l'anticu d'Elodie è Grégoire Bouret
Sapè fà : Les Jardins d’Alesgiani
I sciroppi à l’anticu d’Elodie è Grégoire Bouret
Di ceppu alesgianincu Grégoire Bouret hà ripigliatu un’impresa creata in u 2003 da u so babbu per stallà si in paese è travaglià ci à l’usu anticu. Cù a so cumpagna Elodie, cuncepiscenu sciroppi, aceti è cunfitture nustrale…
Lentà tuttu per travaglià in paese, eccu ciò ch’elli ricercanu, in sti tempi quì, assai ghjovani corsi. Grégoire Bouret, di ceppu alesgianincu si scrive in iss’andatura quì dopu avè ripresu, trè anni fà, l’attività di i so parenti Patrice è Catherine creata in u 2004. « Mi sò arrimbatu nantu à u percorsu di u me babbu, spiega u pruduttore, à 50 anni, avia decisu di stallà si in Felce, induve avemu e nostre radiche, è di travaglià appena di tuttu : sciroppi cunfitture, mele, frutti... »
Di fattu, Grégoire avia un’usteria in Parrighji « Le wagon bleu ». Dopu à dece anni, si ne rientre in Corsica. « A voglia di campà bè, di campà megliu, aghjusta u ghjovanu, in l’usteria, aviu l’occasione di travaglià dighjà nantu à una certa qualità. Eppo a vita quallà, ùn mi garbava più. Ci era, da veru, a vulintà di stallà mi in paese. »
Trentottu sciroppi
Tandu, è postu chè u babbu vulia « passà a manu », Grégoire ripiglia l’imprese accunccendula à modu soiu. « Ellu facia dighjà cunfitture, aceti è sciroppi, avemu ripigliatu listessa affare à pocu pressu aghjustendu qualchì detagli persunali. »
In tuttu, Grégoire è Elodie, a so cumpagna, travaglianu nantu à i sciroppi, basa di a so attività. Anu dighjà trentottu perfumi : frutti rossi, agrumi, ma dinò frutti più « indentitarii » cum’è u bachu rossu, a clementina, a mortula, a castagna, u ficu o l’alimea. Si pruduce tuttu fora di i bachi rossi chì sò racolte. « Avemu arbureti in Felce è in u Viscuvatu induve l’altitudine più bassa ci permette di piantà agrumi. Avemu dinò piantatu 8000 pedi di rubulaghju. »
I sciroppi sò fatti sopra piazza è à l’usu anticu, cum’elli travagliavanu i vechji. Vale à dì senza alcunu trattamentu nè culurante. Grégoire è Elodie facenu tuttu da l’iniziu sin’à a fine : piantanu è spesanu i so arbureti, coglienu tutti i frutti è facenu a trasfurmazione da per elli. « U travagliu u più impurtante è d’intratene l’arbureti è di coglie i frutti. Piglia assai tempu. Ci vole à taglià l’arburi, smachjà i terreni... »
U cuncettu s’arremba nantu à una tecnica antica : fà macerà i frutti in u vinu chì agisce in tantu chè cunservatore naturale. « Dopu aghjustemu u zuccheru è femu coce l’inseme ind’una paghjola à l’usu di a cunfittura. L’alcolu svapureghja, ne ferma appena (3,5° à a fine) è issa manera di travaglià permette di tene i sciroppi per sempre è un annu una volta chè a butteglia hè aperta. »
Fora di i sciroppi chì custituiscenu a basa di l’attività di u coppiu, ci sò dinò aceti è cunfitture. « Avemu una piccula impresa è vulemu stà cusì circhendu a qualità. »
S’elli ùn volenu fà cresce a so struttura, Grégoire è Elodie contanu quantunque allargà i so prudutti. « Femu prove, hè qualcosa chì ci piace assai. Tandu, avemu piantatu zenzeru, melgrana è qualchì fiore (rosula, viola...) per fà ne sciroppi. »
I sciroppi indentitarii sò quelli i più ricercati da a ghjente. Elodie è Grégoire spartenu u so tempu trà a so attività è a vita di parenti cù dui ciucci di 5 mesi è 4 annu. L’occasione, forse, un ghjornu o l’altru, di tramandà…
Ph.P.
Les Jardins d’Alesgiani
Sciroppi à l’antica, cunfitture è aceti di frutti
Piova, 20234 Felce
www.alesani.com
mail : contact@alesani.com
Tel : 06-58-94-28-45
I sciroppi à l’anticu d’Elodie è Grégoire Bouret
Di ceppu alesgianincu Grégoire Bouret hà ripigliatu un’impresa creata in u 2003 da u so babbu per stallà si in paese è travaglià ci à l’usu anticu. Cù a so cumpagna Elodie, cuncepiscenu sciroppi, aceti è cunfitture nustrale…
Lentà tuttu per travaglià in paese, eccu ciò ch’elli ricercanu, in sti tempi quì, assai ghjovani corsi. Grégoire Bouret, di ceppu alesgianincu si scrive in iss’andatura quì dopu avè ripresu, trè anni fà, l’attività di i so parenti Patrice è Catherine creata in u 2004. « Mi sò arrimbatu nantu à u percorsu di u me babbu, spiega u pruduttore, à 50 anni, avia decisu di stallà si in Felce, induve avemu e nostre radiche, è di travaglià appena di tuttu : sciroppi cunfitture, mele, frutti... »
Di fattu, Grégoire avia un’usteria in Parrighji « Le wagon bleu ». Dopu à dece anni, si ne rientre in Corsica. « A voglia di campà bè, di campà megliu, aghjusta u ghjovanu, in l’usteria, aviu l’occasione di travaglià dighjà nantu à una certa qualità. Eppo a vita quallà, ùn mi garbava più. Ci era, da veru, a vulintà di stallà mi in paese. »
Trentottu sciroppi
Tandu, è postu chè u babbu vulia « passà a manu », Grégoire ripiglia l’imprese accunccendula à modu soiu. « Ellu facia dighjà cunfitture, aceti è sciroppi, avemu ripigliatu listessa affare à pocu pressu aghjustendu qualchì detagli persunali. »
In tuttu, Grégoire è Elodie, a so cumpagna, travaglianu nantu à i sciroppi, basa di a so attività. Anu dighjà trentottu perfumi : frutti rossi, agrumi, ma dinò frutti più « indentitarii » cum’è u bachu rossu, a clementina, a mortula, a castagna, u ficu o l’alimea. Si pruduce tuttu fora di i bachi rossi chì sò racolte. « Avemu arbureti in Felce è in u Viscuvatu induve l’altitudine più bassa ci permette di piantà agrumi. Avemu dinò piantatu 8000 pedi di rubulaghju. »
I sciroppi sò fatti sopra piazza è à l’usu anticu, cum’elli travagliavanu i vechji. Vale à dì senza alcunu trattamentu nè culurante. Grégoire è Elodie facenu tuttu da l’iniziu sin’à a fine : piantanu è spesanu i so arbureti, coglienu tutti i frutti è facenu a trasfurmazione da per elli. « U travagliu u più impurtante è d’intratene l’arbureti è di coglie i frutti. Piglia assai tempu. Ci vole à taglià l’arburi, smachjà i terreni... »
U cuncettu s’arremba nantu à una tecnica antica : fà macerà i frutti in u vinu chì agisce in tantu chè cunservatore naturale. « Dopu aghjustemu u zuccheru è femu coce l’inseme ind’una paghjola à l’usu di a cunfittura. L’alcolu svapureghja, ne ferma appena (3,5° à a fine) è issa manera di travaglià permette di tene i sciroppi per sempre è un annu una volta chè a butteglia hè aperta. »
Fora di i sciroppi chì custituiscenu a basa di l’attività di u coppiu, ci sò dinò aceti è cunfitture. « Avemu una piccula impresa è vulemu stà cusì circhendu a qualità. »
S’elli ùn volenu fà cresce a so struttura, Grégoire è Elodie contanu quantunque allargà i so prudutti. « Femu prove, hè qualcosa chì ci piace assai. Tandu, avemu piantatu zenzeru, melgrana è qualchì fiore (rosula, viola...) per fà ne sciroppi. »
I sciroppi indentitarii sò quelli i più ricercati da a ghjente. Elodie è Grégoire spartenu u so tempu trà a so attività è a vita di parenti cù dui ciucci di 5 mesi è 4 annu. L’occasione, forse, un ghjornu o l’altru, di tramandà…
Ph.P.
Les Jardins d’Alesgiani
Sciroppi à l’antica, cunfitture è aceti di frutti
Piova, 20234 Felce
www.alesani.com
mail : contact@alesani.com
Tel : 06-58-94-28-45
