Sapè Fà : Duminiu Cappa in Albitreccia
I savori di cunfitture à l'usu antica
Sapè fà : Duminiu Cappa in Albitreccia : i savori di cunfitture à l’usu anticu
In Albitreccia, induve ellu t’hà e so radiche, Federicu Cappaccini, figliolu, figliulinu è arcifigliulinu d’agricultore, hà creatu nantu à e so tarre, sette anni fà cù Elisa a so moglia, una splutazione dedicata à a pruduzzione è a trasfurmazione di frutti cultivati da per elli, in cunfitture di qualità maiò.
L’agricultura è a famiglia Cappacini, una bella storia vechja di quattru generazione. Ultimu à ripiglià è mantene issa fiara, Federicu chì, in u 2015, decide, cù Elisa, a so moglia di diversificà a so attività agricula à traversu à a pruduzzione è a trasfurmazione di frutti di u so arburetu in cunfitture. Un attività nova per Federicu, pecuraghju Di fattu, u duminiu Cappa, trà Santa Maria Sicchè è Albitreccia, si sparghje in sessantacinque ettari. « Diviu ripiddà a splutazioni di babbu, spiega l’agricultore, ma ùn si pudiu fà cum’è a vuliu è ci eranu, d’altrondi, monda custrizzioni. »
Tandu, l’omu mantene a splutazione solu dedicata à a carne è aghjustendu qualcosa di novu : l’arbureti è a pruduzzione di cunfitture. Oghje, è dopu à qualchì annu, u coppiu sviluppa gestisce u so travagliu nantu à un arburetu « bio » cù fichi, baracucchi, chjarasge, prugne… è, à tempu, l’agnelli per a so carne. À cantu à què, Federicu è Elisa anu fattu a renuvazione d’una casa di u XIXu seculu dedicata à evenimenti diversi (matrimonii, battesimi ecc…).
S’è Federicu hè sempre cresciutu in u mondu di l’agricultura, u so scambiamentu s’arremba, à tempu, nantu à usi di a so minnana, chì, cum’è in tutte a famiglie corse, facia appena di tuttu è mansimu cunfitture o cunserve.
1000 pedi di fiche
« Avemi compru terreni in Albitreccia in u 2014, aghjusta Elisa, è dopu à un tempu di rinnuvazioni, avemi principiatu à piantà un annu dopu per caccià i nosci primi cunfitturi avali. »
Cusì, u coppiu hà piantatu 1000 pedi di fiche, a maiò parte di a so pruduzzione ma dinò chjarasgi qualchì miricocculu è prugnulu. « Per a fica, precisa l’agricultore, semi à pocu pressu nantu à 3 o 4 tonni, è 600 chilò per l’altri frutti. Sapendu chì l’attività ùn face chè principià. »
Federicu è Elisa facenu tuttu da per elli : intratene è pulisce i so terreni, taglià l’arburi, raccoglie i frutti nanzu di passà à a trasfurmazione cù una manera propria di travaglià. Piglianu, à tempu, d’altri frutti per fà e so cunfitture ma sempre cù una ricerca di qualità. « U nosciu sicretu saria di rispettà, nanzi à tuttu, u pruduttu, vali à dì, u fruttu. Dopu, avemi circatu à metta a noscia grinfia aghjustendu, un altru savori, sempri cù prudutti bio piddati altrò in Corsica. Cusì, i nosci cunfitture coceni ma tinimu sempri pezzucci di frutti nentri... »
Tandu, u coppiu, prisente à l’occasione d’arte gustu u primu di maghju scorsu in Bunifaziu o in Nizza s’arremba nantu à usi nustrali, quelli di a minnanandi Federicu, per ghjunghje à pruduce cunfitture di qualità à partesi di 60 % di frutti raccolti nantu à u so terrenu è dinò in altrò (sempre prudutti bio) : Frassetu, Porti Pollu, Santa Maria Sicchè, u Viscuvatu, i Peri, Antisanti. S’acconcianu i frutti cù d’altri savori cum’è u zifranu infusu nanzu d’esse bulicatu (u limò per indettu) è pudemu ritruvà prudutti di qualità : nucipersica-parsica, limò-zifranu, ficu-suchju di limò, castagne, fravula, clementina... Una manera di purtà qualcosa di novu à mezu à un estru anticu, fendu una leia trà eri, oghje è dumane. Per mantene ciò chì face l’identità...
Ph.P.
Duminiu Cappa, Casa Cappaccini
A Masina, 20128 Albitreccia
situ web (da vene) : www.domainecappa.corsica
E-Mail : contact@domainecappa.corsica
Facebook : @domainecappa
Cuntattu : 04-95-53-60-88
In Albitreccia, induve ellu t’hà e so radiche, Federicu Cappaccini, figliolu, figliulinu è arcifigliulinu d’agricultore, hà creatu nantu à e so tarre, sette anni fà cù Elisa a so moglia, una splutazione dedicata à a pruduzzione è a trasfurmazione di frutti cultivati da per elli, in cunfitture di qualità maiò.
L’agricultura è a famiglia Cappacini, una bella storia vechja di quattru generazione. Ultimu à ripiglià è mantene issa fiara, Federicu chì, in u 2015, decide, cù Elisa, a so moglia di diversificà a so attività agricula à traversu à a pruduzzione è a trasfurmazione di frutti di u so arburetu in cunfitture. Un attività nova per Federicu, pecuraghju Di fattu, u duminiu Cappa, trà Santa Maria Sicchè è Albitreccia, si sparghje in sessantacinque ettari. « Diviu ripiddà a splutazioni di babbu, spiega l’agricultore, ma ùn si pudiu fà cum’è a vuliu è ci eranu, d’altrondi, monda custrizzioni. »
Tandu, l’omu mantene a splutazione solu dedicata à a carne è aghjustendu qualcosa di novu : l’arbureti è a pruduzzione di cunfitture. Oghje, è dopu à qualchì annu, u coppiu sviluppa gestisce u so travagliu nantu à un arburetu « bio » cù fichi, baracucchi, chjarasge, prugne… è, à tempu, l’agnelli per a so carne. À cantu à què, Federicu è Elisa anu fattu a renuvazione d’una casa di u XIXu seculu dedicata à evenimenti diversi (matrimonii, battesimi ecc…).
S’è Federicu hè sempre cresciutu in u mondu di l’agricultura, u so scambiamentu s’arremba, à tempu, nantu à usi di a so minnana, chì, cum’è in tutte a famiglie corse, facia appena di tuttu è mansimu cunfitture o cunserve.
1000 pedi di fiche
« Avemi compru terreni in Albitreccia in u 2014, aghjusta Elisa, è dopu à un tempu di rinnuvazioni, avemi principiatu à piantà un annu dopu per caccià i nosci primi cunfitturi avali. »
Cusì, u coppiu hà piantatu 1000 pedi di fiche, a maiò parte di a so pruduzzione ma dinò chjarasgi qualchì miricocculu è prugnulu. « Per a fica, precisa l’agricultore, semi à pocu pressu nantu à 3 o 4 tonni, è 600 chilò per l’altri frutti. Sapendu chì l’attività ùn face chè principià. »
Federicu è Elisa facenu tuttu da per elli : intratene è pulisce i so terreni, taglià l’arburi, raccoglie i frutti nanzu di passà à a trasfurmazione cù una manera propria di travaglià. Piglianu, à tempu, d’altri frutti per fà e so cunfitture ma sempre cù una ricerca di qualità. « U nosciu sicretu saria di rispettà, nanzi à tuttu, u pruduttu, vali à dì, u fruttu. Dopu, avemi circatu à metta a noscia grinfia aghjustendu, un altru savori, sempri cù prudutti bio piddati altrò in Corsica. Cusì, i nosci cunfitture coceni ma tinimu sempri pezzucci di frutti nentri... »
Tandu, u coppiu, prisente à l’occasione d’arte gustu u primu di maghju scorsu in Bunifaziu o in Nizza s’arremba nantu à usi nustrali, quelli di a minnanandi Federicu, per ghjunghje à pruduce cunfitture di qualità à partesi di 60 % di frutti raccolti nantu à u so terrenu è dinò in altrò (sempre prudutti bio) : Frassetu, Porti Pollu, Santa Maria Sicchè, u Viscuvatu, i Peri, Antisanti. S’acconcianu i frutti cù d’altri savori cum’è u zifranu infusu nanzu d’esse bulicatu (u limò per indettu) è pudemu ritruvà prudutti di qualità : nucipersica-parsica, limò-zifranu, ficu-suchju di limò, castagne, fravula, clementina... Una manera di purtà qualcosa di novu à mezu à un estru anticu, fendu una leia trà eri, oghje è dumane. Per mantene ciò chì face l’identità...
Ph.P.
Duminiu Cappa, Casa Cappaccini
A Masina, 20128 Albitreccia
situ web (da vene) : www.domainecappa.corsica
E-Mail : contact@domainecappa.corsica
Facebook : @domainecappa
Cuntattu : 04-95-53-60-88
