Cervioni, capitale isulana di a nuciola / 20 è 21 d'aostu
L'associu << A nuciola >> è a merria di Cervioni urganizeghjanu isi 20 è 21 d'aostu
Cervioni, capitale isulana di a nuciola
L’associu « A nuciola » è a merria di Cervioni urganizeghjanu issi 20 è 21 d’aostu, a 21a edizione di a fiera di a nuciola. Dui ghjorni festivi intornu à un fruttu seccu chì trova, à pocu à pocu, a so piazza, nantu à tutte e tematiche…
Dapoi più di vinti anni, i cerviuninchi s’impegnanu à prò di u sviluppu di u rughjone di a Costa Verde. È què intornu à un picculu fruttu seccu chì face a so strada per diventà in puchissimi tempi, un pruduttu maiò ind’è noi. Quale hè oghje, ch’ùn cunnosce a nuciola di Cervioni ? Un fruttu chì face parte di tanti è tanti sosule salite o inzuccherate in Corsica è una nuturietà chì hà ancu francatu e fruntiere di l’isula. À l’origine d’issu rinnovu, a nascita di l’associu « A nuciola » per prumove, ghjust à puntu, un fruttu di qualità ma chì era appena abandunatu. « e nuciole, ùn valia micca appena di cogliele, spiega Alain Piras, u so presidente, eranu pagate à u prezzu di u corsu mundiale è à dilla franca, ùn era interessante. A Turchia facia u corsu mundiale è noi, cù e nostre 250 tonne ùn pudiamu andà tantu luntanu. Tandu, avemu avutu l’idea di creà iss’associu per trasfurmà i frutti è dà li un altru valore... »
U successu maiò
À tempu, nasce, una vintena d’anni fà, a prima edizione d’una fiera, chì hà permessu di mette in vale u pruduttu. Durante tuttu issu tempu, a nuciola cerviuninca s’hè fattu una certa nuturietà. Cù l’associu, u pruduttu s’hè truvatu una vita nova. « Tutti quelli chì travaglianu a cicculata, piglianu e nuciole, aghjusta Alain Piras, oghje u fruttu si ritrova guasgi da per tuttu in Corsica. Tuttu u mondu e piglia quì. »
Cicculata, mele, frittelle, salinu...a nuciola cerviuninca s’acconcia cù parechji altri prudutti. È ancu e creme, oliu, farina. U pruduttu maiò hè issa pasta chjamata « A nuciola ». L’IGP hà permessu dinò d’ottene un certu valore à u fruttu è i so pruduttori. Oghje è cù tamanta nuturietà, a nuciola di Cervioni hè passata da 70 à più di 200 tonne in qualchì tempu. Ciò chì face chè i pruduttori ùn ponu micca risponde à tutte e dumande, masimu quelle chì ghjunghjenu da u Cuntinente. Mumentu maiò, nantu à a cumuna di a Costa Verde, a fiera chì adunisce tutti l’anni più di 8000 persone. Questu anni, a fiera hè assai aspettata dopu un arrestu di dui anni per via di a crisa sanitaria. Ciò ch’ùn hà micca impeditu l’associu è i pruduttori di mantene a so attività. Guasgi centu banchi sò aspettati per issa nova edizione per dui ghjorni di festa per chjuchi è maiò. L’occasione di lià, dinò, issu filu patrimuniale à a cultura cù attelli tradiziunali (quadrigliu, chjama è rispondi, morra…).
Ph.P.
Prugramma
21a fiera di a nuciola
Sabbatu u 20 d’aostu
11.00 : apertura di a fiera
11.30 : inaugurazione ufficiale
12.00 : spettaculu « sons et lumières »
15.00 : u muru bascu
16.00 : l’archetti bastiacci (piazza à a ghjesgia)
16.00 : Ghjochi tradiziunali per i zitelli (piazza di u museu)
17.00 : quadrigliu (cù l’associu praticalingua, piazza di u museu)
17.30 : canti (ghjuventù cerviuninca, piazza à la ghjesgia)
18.00 : lotò (piazza à la ghjesgia)
18.30 : cunferenza M.Antolini (sala di a merria)
19.30 : cuncertu Sekli (piazza di a Canonica)
20.30 : chjama è rispondi
21.30 : cuncertu Ghjuventù Cerviuninca, eppò
Dumenica u 21 d’aostu
11.00 : apertura di a fiera
14.00 : attellu di morra
15.00 : muru bascu (culleghju)
16.00 : Ghjochi tradiziunali per i zitelli (piazza di u museu)
17.00 : quadrigliu (cù l’associu praticalingua, piazza di u museu)
17.30 : canti (ghjuventù cerviuninca, piazza à la ghjesgia)
18.00 : lotò (piazza à la ghjesgia)
19.00 : zia blues (canti, piazza di a canonica)
20.30 : storia nostra (storia di a Corsica teatralizata)
21.30 : cuncerti (Ghjuventù cerviuninca, I Chjami Aghjalesi)
I dui ghjorni : attelli per i zitelli, mostre d’artisti (corti di u museu), associu i cultellaghji corsi
L’associu « A nuciola » è a merria di Cervioni urganizeghjanu issi 20 è 21 d’aostu, a 21a edizione di a fiera di a nuciola. Dui ghjorni festivi intornu à un fruttu seccu chì trova, à pocu à pocu, a so piazza, nantu à tutte e tematiche…
Dapoi più di vinti anni, i cerviuninchi s’impegnanu à prò di u sviluppu di u rughjone di a Costa Verde. È què intornu à un picculu fruttu seccu chì face a so strada per diventà in puchissimi tempi, un pruduttu maiò ind’è noi. Quale hè oghje, ch’ùn cunnosce a nuciola di Cervioni ? Un fruttu chì face parte di tanti è tanti sosule salite o inzuccherate in Corsica è una nuturietà chì hà ancu francatu e fruntiere di l’isula. À l’origine d’issu rinnovu, a nascita di l’associu « A nuciola » per prumove, ghjust à puntu, un fruttu di qualità ma chì era appena abandunatu. « e nuciole, ùn valia micca appena di cogliele, spiega Alain Piras, u so presidente, eranu pagate à u prezzu di u corsu mundiale è à dilla franca, ùn era interessante. A Turchia facia u corsu mundiale è noi, cù e nostre 250 tonne ùn pudiamu andà tantu luntanu. Tandu, avemu avutu l’idea di creà iss’associu per trasfurmà i frutti è dà li un altru valore... »
U successu maiò
À tempu, nasce, una vintena d’anni fà, a prima edizione d’una fiera, chì hà permessu di mette in vale u pruduttu. Durante tuttu issu tempu, a nuciola cerviuninca s’hè fattu una certa nuturietà. Cù l’associu, u pruduttu s’hè truvatu una vita nova. « Tutti quelli chì travaglianu a cicculata, piglianu e nuciole, aghjusta Alain Piras, oghje u fruttu si ritrova guasgi da per tuttu in Corsica. Tuttu u mondu e piglia quì. »
Cicculata, mele, frittelle, salinu...a nuciola cerviuninca s’acconcia cù parechji altri prudutti. È ancu e creme, oliu, farina. U pruduttu maiò hè issa pasta chjamata « A nuciola ». L’IGP hà permessu dinò d’ottene un certu valore à u fruttu è i so pruduttori. Oghje è cù tamanta nuturietà, a nuciola di Cervioni hè passata da 70 à più di 200 tonne in qualchì tempu. Ciò chì face chè i pruduttori ùn ponu micca risponde à tutte e dumande, masimu quelle chì ghjunghjenu da u Cuntinente. Mumentu maiò, nantu à a cumuna di a Costa Verde, a fiera chì adunisce tutti l’anni più di 8000 persone. Questu anni, a fiera hè assai aspettata dopu un arrestu di dui anni per via di a crisa sanitaria. Ciò ch’ùn hà micca impeditu l’associu è i pruduttori di mantene a so attività. Guasgi centu banchi sò aspettati per issa nova edizione per dui ghjorni di festa per chjuchi è maiò. L’occasione di lià, dinò, issu filu patrimuniale à a cultura cù attelli tradiziunali (quadrigliu, chjama è rispondi, morra…).
Ph.P.
Prugramma
21a fiera di a nuciola
Sabbatu u 20 d’aostu
11.00 : apertura di a fiera
11.30 : inaugurazione ufficiale
12.00 : spettaculu « sons et lumières »
15.00 : u muru bascu
16.00 : l’archetti bastiacci (piazza à a ghjesgia)
16.00 : Ghjochi tradiziunali per i zitelli (piazza di u museu)
17.00 : quadrigliu (cù l’associu praticalingua, piazza di u museu)
17.30 : canti (ghjuventù cerviuninca, piazza à la ghjesgia)
18.00 : lotò (piazza à la ghjesgia)
18.30 : cunferenza M.Antolini (sala di a merria)
19.30 : cuncertu Sekli (piazza di a Canonica)
20.30 : chjama è rispondi
21.30 : cuncertu Ghjuventù Cerviuninca, eppò
Dumenica u 21 d’aostu
11.00 : apertura di a fiera
14.00 : attellu di morra
15.00 : muru bascu (culleghju)
16.00 : Ghjochi tradiziunali per i zitelli (piazza di u museu)
17.00 : quadrigliu (cù l’associu praticalingua, piazza di u museu)
17.30 : canti (ghjuventù cerviuninca, piazza à la ghjesgia)
18.00 : lotò (piazza à la ghjesgia)
19.00 : zia blues (canti, piazza di a canonica)
20.30 : storia nostra (storia di a Corsica teatralizata)
21.30 : cuncerti (Ghjuventù cerviuninca, I Chjami Aghjalesi)
I dui ghjorni : attelli per i zitelli, mostre d’artisti (corti di u museu), associu i cultellaghji corsi
