Corsu mezu mezu 2 : u cantu corsu à l'onore
Sette anni dopu à u primu dischettu, a squadra di << Corsu mezu mezu >> n'hà esciutu un secondu.
Corsu mezu mezu 2 : u cantu corsu à l’onore
Sette anni dopu à u primu dischettu, a squadra di «Corsu mezu mezu » n’hà esciutu un secondu. S’è noi ritruvemu, sta volta, à Patrick Fiori in tantu chè capimachja d’issu prughjettu novu, è dinò qualchì cantadore di u primu dischettu, e canzone è maiò parte di i cantadori scambianu…
Dopu à u successu tamantu di « Corsu mezu mezu » chì, in u 2015, mettia in vale, nantu à una canzona corsa, dui cantadori, unu « di i nostri » è un altru francese, sopratuttu rinumatu à u nivellu internaziunale, Patrick Fiori, à l’origine d’issa idea quì, avia avutu a voglia di prisentà ne un secondu. Ùn avia forse micca vulsutu aspettà sette anni ma e cundizione, l’impegnu di tutti i musicanti è sopratuttu a crisa sanitaria eranu passati per quì.
Ma, à dilla franca, di u « Corsu, mezu mezu 2 », si ne sentia parlà dapoi qualchì tempu in Corsica. Ancu di i gruppi è cantadori di a seconda squadra. Per indettu, canzone cum’è « Terra Corsa » o « Chì fà », si sentianu dighjà nantu à e rete suciale.
Cum’è per u primu, un cuncettu ùn hè scambiatu : una canzona corsa cantata in dui, da un cantadore o gruppu isulanu è un cantadore francese. Una di e prime, era dighjà cunnisciuta. U clip era statu registratu in i Sanguinarii è in Suarella. S’agisce di « Terra Corsa » di Michele Mallory ripigliata da Ghjuvan Carlu Papi, Patrick Fiori, Patrick Bruel (dighjà prisente nantu à u primu dischettu) è Florent Pagny. Per ciò chì tocca à l’altre, cantadori di u primu dischettu voltanu : Jenifer, Francine Massiani, Cristofanu Mondoloni, A Filetta. « L’idea, spiega Ghjuvan Carlu Papi, unu di i respunsevuli di a parte corsa, era di mantene u listessu filu chè per u primu dischettu. Vale à dì canzone muderne, canti più tradiziunali è d’altri chì currespundianu à un’epica dinò più anziana. »
Quindeci canzone
Cusì, è per e canzone dette mudernu, ritruveremu à « Ti vecu la mio bandera » (Voce ventu), « A ghitarra » (Diana di l’Alba), « Viaghji » (Canta u populu corsu) o « A muntagnera » (A Filetta). U tuttu bulicatu cù canti più anziani (« Le dernier des bandits », « Chì fà », « Et peut-être qu’un jour ». À mezu, canti più tradiziunali cum’è « Dimmi perchè » o « Ciucciarella ». Senza sminticà u famosu « Tango corse »...Tandu, ritruvemu, in issu dischettu, gruppi è cantadori novi (Diana di l’Alba, Canta u populu corsu, Voce ventu, Diana Salicetti, Clément Albertini, Delia Lucia L’avvinta…) di manera à allargà l’idea di prumove a canzona corsa. È per l’artisti francesi, Patrick Fiori s’hè chjappu quantunque à Julien Clerc, Zucchero, Kad Merad è d’altri di e nove generazione (Julien Doré, Vianney, Slimane, Soprano, Kendji Girac)…
Un cuncertu in Parrighji l’annu chì vene
Per fà a leia trà tutte e canzone, sempre à Antone Ciosi chì ci conta ogni volta, una piccula sturietta. À sente l’artisti cuntinentali à cantà in corsu, si pò dì chè a scumessa hè stata riesciuta (cù u travagliu linguisticu di Ghjuvan Carlu Papi). Cum’è per u primu dischettu, i registramenti sò stati fatti à u studiò « La Source » in Carbuccia per a parte corsa è in Parrighji per l’altri. U dischettu hè esciutu a settimana scorsa. Ci serà, di sicuru, una fasa di prumuzione, aspettendu un cuncertu maiò in Parrighji u 28 d’ottobre di u 2023 (L’Arena). Nanzu, perchè micca, un « Mezu Mezu 3 » ?
Ph.P.
I tituli
Terra Corsa (Patrick Fiori, Ghjuvan Carlu Papi, Patrick Bruel è Florent Pagny)
Ti vecu la mio bandera (Jenifer è Voce ventu)
Catena (L’Avvinta è Kendji Girac)
A ghitarra (Diana di l’Alba è Vianney)
A me patria (Natali Valli, A Pasqualina, Gianluca Cucciari è Julien Clerc)
Viaghji (Canta u populu corsu è Claudio Capeo)
Chì fà (Francine Massiani, Patrick Fiori è Nikos Aliagas)
Le dernier des bandits (Antone Ciosi è Julien Doré)
Terra umana (Clément Albertini è Soprano)
Ciuciarella (Patrick Fiori è Carla Bruni)
Dimmi perchè (Diana Salicetti è Thomas Dutronc)
Peut-être qu’un jour (Delia Lucia è Garou)
A muntagnera (A Filetta, Slimane)
Complainte corse (Patrick Fiori è Roberto Alagna)
Il suono di a dumenica (Patrick Fiori è Zucchero)
Le tango corse (Christophe Mondoloni è Kad M
Sette anni dopu à u primu dischettu, a squadra di «Corsu mezu mezu » n’hà esciutu un secondu. S’è noi ritruvemu, sta volta, à Patrick Fiori in tantu chè capimachja d’issu prughjettu novu, è dinò qualchì cantadore di u primu dischettu, e canzone è maiò parte di i cantadori scambianu…
Dopu à u successu tamantu di « Corsu mezu mezu » chì, in u 2015, mettia in vale, nantu à una canzona corsa, dui cantadori, unu « di i nostri » è un altru francese, sopratuttu rinumatu à u nivellu internaziunale, Patrick Fiori, à l’origine d’issa idea quì, avia avutu a voglia di prisentà ne un secondu. Ùn avia forse micca vulsutu aspettà sette anni ma e cundizione, l’impegnu di tutti i musicanti è sopratuttu a crisa sanitaria eranu passati per quì.
Ma, à dilla franca, di u « Corsu, mezu mezu 2 », si ne sentia parlà dapoi qualchì tempu in Corsica. Ancu di i gruppi è cantadori di a seconda squadra. Per indettu, canzone cum’è « Terra Corsa » o « Chì fà », si sentianu dighjà nantu à e rete suciale.
Cum’è per u primu, un cuncettu ùn hè scambiatu : una canzona corsa cantata in dui, da un cantadore o gruppu isulanu è un cantadore francese. Una di e prime, era dighjà cunnisciuta. U clip era statu registratu in i Sanguinarii è in Suarella. S’agisce di « Terra Corsa » di Michele Mallory ripigliata da Ghjuvan Carlu Papi, Patrick Fiori, Patrick Bruel (dighjà prisente nantu à u primu dischettu) è Florent Pagny. Per ciò chì tocca à l’altre, cantadori di u primu dischettu voltanu : Jenifer, Francine Massiani, Cristofanu Mondoloni, A Filetta. « L’idea, spiega Ghjuvan Carlu Papi, unu di i respunsevuli di a parte corsa, era di mantene u listessu filu chè per u primu dischettu. Vale à dì canzone muderne, canti più tradiziunali è d’altri chì currespundianu à un’epica dinò più anziana. »
Quindeci canzone
Cusì, è per e canzone dette mudernu, ritruveremu à « Ti vecu la mio bandera » (Voce ventu), « A ghitarra » (Diana di l’Alba), « Viaghji » (Canta u populu corsu) o « A muntagnera » (A Filetta). U tuttu bulicatu cù canti più anziani (« Le dernier des bandits », « Chì fà », « Et peut-être qu’un jour ». À mezu, canti più tradiziunali cum’è « Dimmi perchè » o « Ciucciarella ». Senza sminticà u famosu « Tango corse »...Tandu, ritruvemu, in issu dischettu, gruppi è cantadori novi (Diana di l’Alba, Canta u populu corsu, Voce ventu, Diana Salicetti, Clément Albertini, Delia Lucia L’avvinta…) di manera à allargà l’idea di prumove a canzona corsa. È per l’artisti francesi, Patrick Fiori s’hè chjappu quantunque à Julien Clerc, Zucchero, Kad Merad è d’altri di e nove generazione (Julien Doré, Vianney, Slimane, Soprano, Kendji Girac)…
Un cuncertu in Parrighji l’annu chì vene
Per fà a leia trà tutte e canzone, sempre à Antone Ciosi chì ci conta ogni volta, una piccula sturietta. À sente l’artisti cuntinentali à cantà in corsu, si pò dì chè a scumessa hè stata riesciuta (cù u travagliu linguisticu di Ghjuvan Carlu Papi). Cum’è per u primu dischettu, i registramenti sò stati fatti à u studiò « La Source » in Carbuccia per a parte corsa è in Parrighji per l’altri. U dischettu hè esciutu a settimana scorsa. Ci serà, di sicuru, una fasa di prumuzione, aspettendu un cuncertu maiò in Parrighji u 28 d’ottobre di u 2023 (L’Arena). Nanzu, perchè micca, un « Mezu Mezu 3 » ?
Ph.P.
I tituli
Terra Corsa (Patrick Fiori, Ghjuvan Carlu Papi, Patrick Bruel è Florent Pagny)
Ti vecu la mio bandera (Jenifer è Voce ventu)
Catena (L’Avvinta è Kendji Girac)
A ghitarra (Diana di l’Alba è Vianney)
A me patria (Natali Valli, A Pasqualina, Gianluca Cucciari è Julien Clerc)
Viaghji (Canta u populu corsu è Claudio Capeo)
Chì fà (Francine Massiani, Patrick Fiori è Nikos Aliagas)
Le dernier des bandits (Antone Ciosi è Julien Doré)
Terra umana (Clément Albertini è Soprano)
Ciuciarella (Patrick Fiori è Carla Bruni)
Dimmi perchè (Diana Salicetti è Thomas Dutronc)
Peut-être qu’un jour (Delia Lucia è Garou)
A muntagnera (A Filetta, Slimane)
Complainte corse (Patrick Fiori è Roberto Alagna)
Il suono di a dumenica (Patrick Fiori è Zucchero)
Le tango corse (Christophe Mondoloni è Kad M
