Sapè Fà : " Nine "
<< Nine >>, l'arte creatice di Francesca Benvenuti
Sapè fà : « Nine », l’arte creatrice di Francesca Benvenuti
Vultata in Aiacciu in u 2007 dopu à vinti anni passati in Parrighji, Francesca Benvenuti hà creatu « Nine », una marca di panni di qualità maiò dedicati à a donna è ch’ella cuncepisce da per ella dapoi sei anni. Una manera, à tempu, di mustrà chè a moda si pò sparghje in Corsica…
S’ella hè vultata in Corsica quindeci anni fà, Francesca Benvenuti vulia, nanzu à tuttu, vede cresce i so dui picci ind’è elli. Cù radiche in Pastricciola d’u cantu di a so mamma è d’Aiacciu (u babbu era u famosu bancalaru di Mezavia), si capisce subbitu a leia di Francesca cù a Corsica. Ma ci hè vulsutu à parte per vultà megliu. Hè in Parrighji, ind’una scola di stilu ch’ella hà fattu a so strada durante più di vinti anni : disegni, culori, mudelli, cullezzione, una sperienza maiò in a Capitale ma dinò in Auropa è ancu altrò. Eppo, in u 2007, face a scumessa di rientre ind’è ella. « Una scumessa, dice a creatrice, per i me picci ma dinò perchè semi arradicati à issa terra. Hè qualcosa ch’ùn si pò spiegà. »
Da Parrighji à Aiacciu
À tempu, l’Aiaccina vole mette tuttu u so sapè fà è a so sperienza à u serviziu di a Corsica « è di mè stessu... »
Tandu, è dopu à quattru anni in a Cità Imperiale, decice di creà « Nine », una marca di panni di qualità maiò dedicati à donna. « Nine, aghjusta l’artisgianu, perchè era una canzona ch’ellu mi cantava babbu quandu eru zitedda. »
Subbitu, si mette à cuncepisce i so mudelli, arrimbati nantu à una sperienza acquista in i saloni parrighjini di l’alta cusgitura...Dui anni dopu, face i so primi passi à u Sofitel di Purtichju induve ella t’hà una buttega. In u 2015, un’altra s’apre in a stretta Roi de Rome in Aiacciu. U destinu hè in marchja, masimu in i quartieri i più sputichi d’Aiacciu, induve ferma un qualcusellu di i nostri vechji. Iss’anima chì giranduleghja sempre in giru à noi. Tombula per Francesca Benvenuti chì, dopu à qualchì anni, decide d’apre un attellu per creà i so mudelli sopra piazza. Tandu, face vene i so tissuti, travaglia cù una sartora è tutti i panni sò fatti quì. « Cuncepiscu i me cullezzioni cù u sguardu ch’eu t’aghju di a donna. Hè una scumessa di sviluppà a moda di qualità, quì in Corsica. Ma a moda, hè un mistieru ch’ùn hè micca dedicatu solu à i saloni parrighjini ! »
Una marca chì si vende, à l’epica, in Bunifaziu, Purtichju ma dinò Cannes è Parrighji è chì permette à a creatrice di fà si cunnosce. Cù materie dolce è belle, cuncepisce chimonò, « kaftan », vistiti, code, tutti naturali è nobili. « Di fattu, issa marca hè stata per mè, qualcosa chì hà toccu a me sensibilità. Aghju vulsutu metta u me sapè fà à u serviziu di a donna è, à tempu, risponda, à una dumanda. Ch’ella ci hè in Corsica. Hè una marca artisgianali cù picculi quantità ma ci hè a qualità è pensu chè Nine piaci monda à a donna corsa è d’altrò »
Dui anni fà, Francesca hà apertu a so buttega stretta Bonaparte vicinu à a casa natale di l’Imperatore. Hè quì ch’ella t’hà u so attellu da creà i so mudelli. « Aghju l’aiutu d’una sartora, ma facciu tuttu da a cuncipitura à a vendita. »
À tempu, hà apertu un’altra buttega à l’aeroportu di Campu di l’Oru.
« Per avà, si passa abbastanza bè. Facciu i me cullezzioni. Quì, s’appronta quidda d’inguernu. Hè un’imbusca di pudè travaddà è campà d’issu genaru di mistieru. U scopu hè di scrivasi à longu andà. »
Si sà chè a passione dinò, permette di francà e fruntiere. Una creatrice chì, in tutti i casi, ùn manca d’idee per sparghje u so sapè fà...
Ph.P.
Nine, 8, stretta Bonaparte, 20000 Aiacciu
Aeroportu di Campu di l’Oru
Aperture :
Aiacciu : 9.30-12.30 è 15.00-19.00 da u luni à u sabbatu
Aeroportu : tutti i ghjorni Nine
Vultata in Aiacciu in u 2007 dopu à vinti anni passati in Parrighji, Francesca Benvenuti hà creatu « Nine », una marca di panni di qualità maiò dedicati à a donna è ch’ella cuncepisce da per ella dapoi sei anni. Una manera, à tempu, di mustrà chè a moda si pò sparghje in Corsica…
S’ella hè vultata in Corsica quindeci anni fà, Francesca Benvenuti vulia, nanzu à tuttu, vede cresce i so dui picci ind’è elli. Cù radiche in Pastricciola d’u cantu di a so mamma è d’Aiacciu (u babbu era u famosu bancalaru di Mezavia), si capisce subbitu a leia di Francesca cù a Corsica. Ma ci hè vulsutu à parte per vultà megliu. Hè in Parrighji, ind’una scola di stilu ch’ella hà fattu a so strada durante più di vinti anni : disegni, culori, mudelli, cullezzione, una sperienza maiò in a Capitale ma dinò in Auropa è ancu altrò. Eppo, in u 2007, face a scumessa di rientre ind’è ella. « Una scumessa, dice a creatrice, per i me picci ma dinò perchè semi arradicati à issa terra. Hè qualcosa ch’ùn si pò spiegà. »
Da Parrighji à Aiacciu
À tempu, l’Aiaccina vole mette tuttu u so sapè fà è a so sperienza à u serviziu di a Corsica « è di mè stessu... »
Tandu, è dopu à quattru anni in a Cità Imperiale, decice di creà « Nine », una marca di panni di qualità maiò dedicati à donna. « Nine, aghjusta l’artisgianu, perchè era una canzona ch’ellu mi cantava babbu quandu eru zitedda. »
Subbitu, si mette à cuncepisce i so mudelli, arrimbati nantu à una sperienza acquista in i saloni parrighjini di l’alta cusgitura...Dui anni dopu, face i so primi passi à u Sofitel di Purtichju induve ella t’hà una buttega. In u 2015, un’altra s’apre in a stretta Roi de Rome in Aiacciu. U destinu hè in marchja, masimu in i quartieri i più sputichi d’Aiacciu, induve ferma un qualcusellu di i nostri vechji. Iss’anima chì giranduleghja sempre in giru à noi. Tombula per Francesca Benvenuti chì, dopu à qualchì anni, decide d’apre un attellu per creà i so mudelli sopra piazza. Tandu, face vene i so tissuti, travaglia cù una sartora è tutti i panni sò fatti quì. « Cuncepiscu i me cullezzioni cù u sguardu ch’eu t’aghju di a donna. Hè una scumessa di sviluppà a moda di qualità, quì in Corsica. Ma a moda, hè un mistieru ch’ùn hè micca dedicatu solu à i saloni parrighjini ! »
Una marca chì si vende, à l’epica, in Bunifaziu, Purtichju ma dinò Cannes è Parrighji è chì permette à a creatrice di fà si cunnosce. Cù materie dolce è belle, cuncepisce chimonò, « kaftan », vistiti, code, tutti naturali è nobili. « Di fattu, issa marca hè stata per mè, qualcosa chì hà toccu a me sensibilità. Aghju vulsutu metta u me sapè fà à u serviziu di a donna è, à tempu, risponda, à una dumanda. Ch’ella ci hè in Corsica. Hè una marca artisgianali cù picculi quantità ma ci hè a qualità è pensu chè Nine piaci monda à a donna corsa è d’altrò »
Dui anni fà, Francesca hà apertu a so buttega stretta Bonaparte vicinu à a casa natale di l’Imperatore. Hè quì ch’ella t’hà u so attellu da creà i so mudelli. « Aghju l’aiutu d’una sartora, ma facciu tuttu da a cuncipitura à a vendita. »
À tempu, hà apertu un’altra buttega à l’aeroportu di Campu di l’Oru.
« Per avà, si passa abbastanza bè. Facciu i me cullezzioni. Quì, s’appronta quidda d’inguernu. Hè un’imbusca di pudè travaddà è campà d’issu genaru di mistieru. U scopu hè di scrivasi à longu andà. »
Si sà chè a passione dinò, permette di francà e fruntiere. Una creatrice chì, in tutti i casi, ùn manca d’idee per sparghje u so sapè fà...
Ph.P.
Nine, 8, stretta Bonaparte, 20000 Aiacciu
Aeroportu di Campu di l’Oru
Aperture :
Aiacciu : 9.30-12.30 è 15.00-19.00 da u luni à u sabbatu
Aeroportu : tutti i ghjorni Nine
