<< A chjama >>, u rinnovu di i Chjami Aghjalesi
<< A chjama >>, u rinnovu di i Chjami Aghjalesi
« A chjama », u rinnovu di i Chjami Aghjalesi
U famosu gruppu isulanu hà esciutu u so dischettu novu dodeci anni dopu à l’ultimu. L’occasione di sfuglià appena di storia d’una struttura chì festighjerà i so cinquanta anni da quì à cinque anni…
U tempu hè passatu dapoi chè qualchì liceanu di u quartieru San Ghjisè di Bastia s’eranu aduniti à a fine di l’ani settanta per dà nascita in pienu tempu di u Riacquistu, à unu di i gruppi i più famosi di l’isula : i Chjama Aghjalesi. Purtatu da una squadra di tercanu, anu fattu a so strada durante quarantacinque anni, à mezu una vintena di dischetti. Sempre nantu à u listessu filu, storicu, culturale è puliticu da « Nantu à u solcu di a storia » (1977) à « Sventulerà » (2010). Un gruppu chì hà sulcatu, cù e so canzone allegre, dolce, tradiziunale o muderne à mezu à parechji ritimi, una strada chè monda paesi anu pigliatu dapoi. Cusì, è cinque anni nanzu di festighjà u so mezu seculu, « I Chjami » anu vulsutu marcà issi quarantacinque anni cù un ultiu dischettu : « A chjama ». Una manera, à tempu, di mustrà ch’elli sò sempre quì, purtendu un messaghju puliticu ind’un filu è cum’è d’altronde Canta u Populu Corsu facia tempi, parechji cantadori è sunadori sò passati.
Musiche muderne è più tradiziunale
Monda aspettatu chè u gruppu hè ricunnisciutu in Corsica è in altrò dapoi tanti anni, issu dischettu novu mostra, ma a sappiamu dighjà, quant’è a squadra hè rinumata. Dodeci anni dopu à « Sventulerà », « A chjama » si scrive in a cuntinuità di l’ingaghjementu di u gruppu. L’occasione, à traversu i diciottu tituli, di ritruvà u filu anticu di u gruppu, quellu ch’è noi li cunniscimu cù musiche di ceppu tradiziunale, appena più muderne à l’usu folk o d’America Suttana è sopra tuttu ciò chì face a particularità di u gruppu, e so voce... Issu dischettu novu, hè l’occasione di sfuglià pagine di a nostra storia è d’altrò. Un viaghju musicale induve a squadra hà scrittu è cumpostu a maiò parte di e canzone ma micca solu. « Chjama », nome datu à u dischettu, hè stata scritta da Dumè Barazza, anzianu di « I Voci di a Gravona » chì participeghja, di tantu in tantu, à « I Chjami ». « Issu dischettu novu, spiega Maì Pesce, unu di i capimachja di a squadra dighjà prisente à u principiu in u 1977, u scambiamentu maiò hè di vede un certu rinnovu. Vale à dì chè, nantu à u listessu versu musicale, ritruvemu ghjovani chì cantanu è sonanu. Certe volte, sò ancu i nostri figlioli. Fora di què, ci hè, di sicuru, una cuntinuità di u nostru spiritu militante. »
« A chjama » tratta di tutte e tematiche d’oghje, da a terra chì hè vinduta sin’à i prighjuneri pulitichi passendu per l’esiliu o a lingua corsa chì sparisce. À tempu, ritruvemu u « versu » pueticu propiu à u gruppu cù umagiu à parsunalità d’altrò. Tandu, è dopu à un titulu cum’à Attila, ghjè l’epica di Gengis Khan chì hè messa in vale.
In fine, issi canti sò dedicati à Petru Guelfucci, figura maiò di u Riacquistu sparitu l’annu scorsu è Yvan Colonna, assassinati di marzu. I Chjami, chì anu dighjà prisentatu unepoche di canzone nove à l’occasione di u festivale « Notte sacre » in Aiacciu, anu da fà, avà, a prumuzione di u so dischettu novu.
Ph.P.
U famosu gruppu isulanu hà esciutu u so dischettu novu dodeci anni dopu à l’ultimu. L’occasione di sfuglià appena di storia d’una struttura chì festighjerà i so cinquanta anni da quì à cinque anni…
U tempu hè passatu dapoi chè qualchì liceanu di u quartieru San Ghjisè di Bastia s’eranu aduniti à a fine di l’ani settanta per dà nascita in pienu tempu di u Riacquistu, à unu di i gruppi i più famosi di l’isula : i Chjama Aghjalesi. Purtatu da una squadra di tercanu, anu fattu a so strada durante quarantacinque anni, à mezu una vintena di dischetti. Sempre nantu à u listessu filu, storicu, culturale è puliticu da « Nantu à u solcu di a storia » (1977) à « Sventulerà » (2010). Un gruppu chì hà sulcatu, cù e so canzone allegre, dolce, tradiziunale o muderne à mezu à parechji ritimi, una strada chè monda paesi anu pigliatu dapoi. Cusì, è cinque anni nanzu di festighjà u so mezu seculu, « I Chjami » anu vulsutu marcà issi quarantacinque anni cù un ultiu dischettu : « A chjama ». Una manera, à tempu, di mustrà ch’elli sò sempre quì, purtendu un messaghju puliticu ind’un filu è cum’è d’altronde Canta u Populu Corsu facia tempi, parechji cantadori è sunadori sò passati.
Musiche muderne è più tradiziunale
Monda aspettatu chè u gruppu hè ricunnisciutu in Corsica è in altrò dapoi tanti anni, issu dischettu novu mostra, ma a sappiamu dighjà, quant’è a squadra hè rinumata. Dodeci anni dopu à « Sventulerà », « A chjama » si scrive in a cuntinuità di l’ingaghjementu di u gruppu. L’occasione, à traversu i diciottu tituli, di ritruvà u filu anticu di u gruppu, quellu ch’è noi li cunniscimu cù musiche di ceppu tradiziunale, appena più muderne à l’usu folk o d’America Suttana è sopra tuttu ciò chì face a particularità di u gruppu, e so voce... Issu dischettu novu, hè l’occasione di sfuglià pagine di a nostra storia è d’altrò. Un viaghju musicale induve a squadra hà scrittu è cumpostu a maiò parte di e canzone ma micca solu. « Chjama », nome datu à u dischettu, hè stata scritta da Dumè Barazza, anzianu di « I Voci di a Gravona » chì participeghja, di tantu in tantu, à « I Chjami ». « Issu dischettu novu, spiega Maì Pesce, unu di i capimachja di a squadra dighjà prisente à u principiu in u 1977, u scambiamentu maiò hè di vede un certu rinnovu. Vale à dì chè, nantu à u listessu versu musicale, ritruvemu ghjovani chì cantanu è sonanu. Certe volte, sò ancu i nostri figlioli. Fora di què, ci hè, di sicuru, una cuntinuità di u nostru spiritu militante. »
« A chjama » tratta di tutte e tematiche d’oghje, da a terra chì hè vinduta sin’à i prighjuneri pulitichi passendu per l’esiliu o a lingua corsa chì sparisce. À tempu, ritruvemu u « versu » pueticu propiu à u gruppu cù umagiu à parsunalità d’altrò. Tandu, è dopu à un titulu cum’à Attila, ghjè l’epica di Gengis Khan chì hè messa in vale.
In fine, issi canti sò dedicati à Petru Guelfucci, figura maiò di u Riacquistu sparitu l’annu scorsu è Yvan Colonna, assassinati di marzu. I Chjami, chì anu dighjà prisentatu unepoche di canzone nove à l’occasione di u festivale « Notte sacre » in Aiacciu, anu da fà, avà, a prumuzione di u so dischettu novu.
Ph.P.
