Quartu festivale "Dissidance" in Aiacciu
Ballu mudernu è viaghju artisticu
L’associu « Dissidance » prupone da issu cinque di settembre è sin’à u dodeci di dicembre, a quarta edizione di u so festivale annuale. L’occasione, in giru à u ballu mudernu, di viaghjà da a Corsica à u d’altri paesi di u Tarraniu. È ancu aldilà…
Purtà un sviluppu à u ballu mudernu è prumove, d’una manera generale, l’arte curegraficu, eccu ciò chì hè u scopu di a Cullettività di Corsica quand’ella decide di sustene una demarchja nova inde l’isula. Di colpu, dui associu anu avanzatu manu in manu : « Vialuni », purtatu in Aiacciu da Michela Ettori è «Art’Mouv » in Bastia da Hélène Taddei-Lawson. « U scopu, spiega Michela Ettori, era di sustene a creazione di i ghjovani, creà, à tempu, una rete di scambii cù u Tarraniu, territoriu culturalmente vicini è ancu aldilà, ma dinò da una certa visibilità a e cumpanie corse… »
Cusì, u cuncettu face a so strada è sbucca, qualchì mese dopu, nantu à una prima edizione cù cumpanie ghjunte da Norvegia o Maroccu. È dapoi, a manifestazione si sviluppa à pocu à pocu. « I balli sò sempre liati à a mudernità, ripiglia a respunsevule, ma pudemu esse à tempu, mischiati cù arti più tradiziunali…U scopu, à longu andà serà di sviluppà un veru polu curegraficu di u Mediterraneu cù a vulintà di scambià cù d’altri paesi… »
Un’edizione ricca è diversa
L’edizione di u 2020, à mezu à cundizione particulare, serà cum’è l’altre, abbastanza ricca. D stu cinque di settembre è sin’à u dodeci di dicembre, ci seranu appuntamenti è attelli. I primi si feranu à a ZAD (Zone à Danser) in u quartieru di Pietralba in Aiacciu, per a seconda, à u Lazaret… « Issa dinamica prumove a mubilità di l’artisti in giru à u Tarraniu è altrò. Cusì, averemu scambii cù artisti ghjunti da Casablanca Mayotte cù ballu anzianu è muderni (Kaaro), creazione artistiche, Giovanni Zappula ghjuntu da a Sicilia è ancu una leia cù u sinemà Ellipse…Ci seranu dinò attelli per sensibilizà u publicu è ancu un travagliu di furmazione… »
Un viaghju artisticu da seguita…
F.P.
Prugrama
Appuntamenti
Settembre
05/09 : « Echo », ballu/videu
06/09 : « Ballu mudernu » cù u publicu
07/09 : « LdC-Avis de recherche », spettaculu di a cumpania Vialuni
08/09 : « Wunderkammer »-Cumpania Zappula di Palerma
Dicembre
11/12 : « Ciel »-cumpania Vialuni (ballu è musica)
11/12 : Maroccu-Corsica- Work’in progresse
12/12 : « Kaaro »-cumpania « En lacets »-Reims/Mayotte
12/12 : fimu- « Les rêves dansants »-Pina Bausch
13/12 : « Petit c’est grand »- spettaculu in work’in progresse
13/12 : « Ritrattu » cù Studidanza è u gruppu A Filetta
Attelli
Settembre
05 è 06 : Giovanni Zappula « Danza movimento naturale »
Ottobre
26 u 30 : « A cumpusizione in tempu veru »- Mark Tompkins
Dicembre
07 à u 10 : Ballu mudernu è Samâ- Wadji Gagui
Purtà un sviluppu à u ballu mudernu è prumove, d’una manera generale, l’arte curegraficu, eccu ciò chì hè u scopu di a Cullettività di Corsica quand’ella decide di sustene una demarchja nova inde l’isula. Di colpu, dui associu anu avanzatu manu in manu : « Vialuni », purtatu in Aiacciu da Michela Ettori è «Art’Mouv » in Bastia da Hélène Taddei-Lawson. « U scopu, spiega Michela Ettori, era di sustene a creazione di i ghjovani, creà, à tempu, una rete di scambii cù u Tarraniu, territoriu culturalmente vicini è ancu aldilà, ma dinò da una certa visibilità a e cumpanie corse… »
Cusì, u cuncettu face a so strada è sbucca, qualchì mese dopu, nantu à una prima edizione cù cumpanie ghjunte da Norvegia o Maroccu. È dapoi, a manifestazione si sviluppa à pocu à pocu. « I balli sò sempre liati à a mudernità, ripiglia a respunsevule, ma pudemu esse à tempu, mischiati cù arti più tradiziunali…U scopu, à longu andà serà di sviluppà un veru polu curegraficu di u Mediterraneu cù a vulintà di scambià cù d’altri paesi… »
Un’edizione ricca è diversa
L’edizione di u 2020, à mezu à cundizione particulare, serà cum’è l’altre, abbastanza ricca. D stu cinque di settembre è sin’à u dodeci di dicembre, ci seranu appuntamenti è attelli. I primi si feranu à a ZAD (Zone à Danser) in u quartieru di Pietralba in Aiacciu, per a seconda, à u Lazaret… « Issa dinamica prumove a mubilità di l’artisti in giru à u Tarraniu è altrò. Cusì, averemu scambii cù artisti ghjunti da Casablanca Mayotte cù ballu anzianu è muderni (Kaaro), creazione artistiche, Giovanni Zappula ghjuntu da a Sicilia è ancu una leia cù u sinemà Ellipse…Ci seranu dinò attelli per sensibilizà u publicu è ancu un travagliu di furmazione… »
Un viaghju artisticu da seguita…
F.P.
Prugrama
Appuntamenti
Settembre
05/09 : « Echo », ballu/videu
06/09 : « Ballu mudernu » cù u publicu
07/09 : « LdC-Avis de recherche », spettaculu di a cumpania Vialuni
08/09 : « Wunderkammer »-Cumpania Zappula di Palerma
Dicembre
11/12 : « Ciel »-cumpania Vialuni (ballu è musica)
11/12 : Maroccu-Corsica- Work’in progresse
12/12 : « Kaaro »-cumpania « En lacets »-Reims/Mayotte
12/12 : fimu- « Les rêves dansants »-Pina Bausch
13/12 : « Petit c’est grand »- spettaculu in work’in progresse
13/12 : « Ritrattu » cù Studidanza è u gruppu A Filetta
Attelli
Settembre
05 è 06 : Giovanni Zappula « Danza movimento naturale »
Ottobre
26 u 30 : « A cumpusizione in tempu veru »- Mark Tompkins
Dicembre
07 à u 10 : Ballu mudernu è Samâ- Wadji Gagui
