Sapè Fà : I ghjoculi nustrali di Vanina Frigosini
Un universu particulare per una donna chi hà so trovu a so strada in u 2006...
Sapè fà : I ghjoculi nustrali di Vanina Frigosini
In l’attellu di a so casa, in Aiacciu, Vanina Frigosini cuncepisce puppate è altri picculi ghjoculi per zitellucci. Un universu particulare per una donna chì hà trovu a so strada in u 2006…
In a buttega dedicata à l’artisgiani corsi, in a stretta Fesch d’Aiacciu, truvemu parechji arti. Frà elli, scupremu l’universu di Vanina Frigosini : puppate musicale, scatulette à musica, lampere, chjappa sonnii, tanti ghjoculi per zitellucci...A puppata, marca di fabrica di l’artisgiana. « Aghju sempre fattichjatu è cusgitu, spiega Vanina, hè qualcosa chì m’hè piaciutu da zitella. Circhendu a me strada, l’idea di creà, prima, puppate, hè nata in l’anni 2000. »
Arrimbata nantu à e so duie picce, Marine è Célia, a marca « tête de bois et fétu de paille » nasce. « Un titulu, aghjusta a donna, chì currispundia à u caratteru di e zitelle : una testarda è l’altra più riservata. Cusì, aghju vulsutu fà puppate dedicate à i zitellucci. »
U capu in legnu è u corpu in tessutu
Di fattu, l’artisgiana si mette à cuncepisce in tessutu. Eppo, cerca à fà un capu in legnu di fau. « Ma ci vulia una struttura capace di mantene l’inseme chè u tessutu hè più leghjeru. Devia sustene u capu. Vuliu u capu in legnu è u corpu in tessutu. L’affare hà viaghjatu... »
In u 2009, Vanina si stalla in tantu chè artisgiana è adatta una di e pezze di a so casa in Aiacciu, à un attellu induve ella si mette à travaglià. À pocu à pocu, nascenu d’altri ghjoculi : lumerelle, chjappa sonnii, scatulette à musica, picculi ghjoculi. « Aghju una lampera in prughjettu. Hè cuncepita in u me capu. L’aghju da fà da quì à pocu. »
Quindeci ore di travagliu
Ma hè a puppata chì custituisce l’elementu maiò di l’artisgiana. Trà a cusgera, a pittura è a siccata, ci vole à cuntà quindeci ore di travagliu. « S’è no cuntemu tutte l’ore, seria difficiule di cumprà un pruduttu. Cercu à fà per u megliu trà u me travagliu è i mezi di a ghjente... »
Vanina face serie di puppate musicale in tessutu duppiatu « Liberty » (tessutu inglese). « Ci vole una certa etica è un pruduttu di qualità maiò, aghjusta l’artisgiana, cuntemu à pocu pressu, quindeci puppate à mese. »
Per dà puppate musicale, Vanina s’arremba nantu canzone muderne assai cunnisciute : Harry Potter, Games of Thrones, Star Wars, Pirates des Caraïbes. « Cercu, di sicuru, avà à mette canzone corse più o menu tradiziunale : « Ciucciarella », « Babbucciu Natale » ma ciò chì mi piaceria, seria «l’Ajaccienne », una manera di fà onore à Napuliò. »
Membre di « Métiers d’art de Corse »
Per sviluppà u so arte, Vanina face parte di l’associu « Métiers d’arts de Corse » chì adunisce quattordeci artisgiani di parechji stili. A buttega corta (dece mesi à l’annu cù u sustegnu di a Capa) di u 55, stretta Fesch permette, ghjust’appuntu di fà a prumuzione d’un mistieru ch’ùn hè tantu faciule. « Hè nanzu à tuttu, una passione induve ùn si contanu l’ore. Ùn hè tantu faciule di campà ne ma ci ne surtimu quantunque. »
Per Natale chì s’avvicina, carca d’idee, l’artisgiana hà dighjà riflettutu. « Persunaghji dedicati à issa festa quì, puppate alate, sughjetti venduti à a pezza per adurnà u ghjallicu di Natale... »
L’idee ùn mancanu micca. Ma Célia è Marine puderanu torna dà inspirazione à l’artisgiana…
Ph.P.
Tête de bois et fétu de paille
Les grenadines, 9 rue de l’archipel
20000 Ajaccio
tel : 06-62-44-46
www.tetedeboisetfetudepaille.fr
In l’attellu di a so casa, in Aiacciu, Vanina Frigosini cuncepisce puppate è altri picculi ghjoculi per zitellucci. Un universu particulare per una donna chì hà trovu a so strada in u 2006…
In a buttega dedicata à l’artisgiani corsi, in a stretta Fesch d’Aiacciu, truvemu parechji arti. Frà elli, scupremu l’universu di Vanina Frigosini : puppate musicale, scatulette à musica, lampere, chjappa sonnii, tanti ghjoculi per zitellucci...A puppata, marca di fabrica di l’artisgiana. « Aghju sempre fattichjatu è cusgitu, spiega Vanina, hè qualcosa chì m’hè piaciutu da zitella. Circhendu a me strada, l’idea di creà, prima, puppate, hè nata in l’anni 2000. »
Arrimbata nantu à e so duie picce, Marine è Célia, a marca « tête de bois et fétu de paille » nasce. « Un titulu, aghjusta a donna, chì currispundia à u caratteru di e zitelle : una testarda è l’altra più riservata. Cusì, aghju vulsutu fà puppate dedicate à i zitellucci. »
U capu in legnu è u corpu in tessutu
Di fattu, l’artisgiana si mette à cuncepisce in tessutu. Eppo, cerca à fà un capu in legnu di fau. « Ma ci vulia una struttura capace di mantene l’inseme chè u tessutu hè più leghjeru. Devia sustene u capu. Vuliu u capu in legnu è u corpu in tessutu. L’affare hà viaghjatu... »
In u 2009, Vanina si stalla in tantu chè artisgiana è adatta una di e pezze di a so casa in Aiacciu, à un attellu induve ella si mette à travaglià. À pocu à pocu, nascenu d’altri ghjoculi : lumerelle, chjappa sonnii, scatulette à musica, picculi ghjoculi. « Aghju una lampera in prughjettu. Hè cuncepita in u me capu. L’aghju da fà da quì à pocu. »
Quindeci ore di travagliu
Ma hè a puppata chì custituisce l’elementu maiò di l’artisgiana. Trà a cusgera, a pittura è a siccata, ci vole à cuntà quindeci ore di travagliu. « S’è no cuntemu tutte l’ore, seria difficiule di cumprà un pruduttu. Cercu à fà per u megliu trà u me travagliu è i mezi di a ghjente... »
Vanina face serie di puppate musicale in tessutu duppiatu « Liberty » (tessutu inglese). « Ci vole una certa etica è un pruduttu di qualità maiò, aghjusta l’artisgiana, cuntemu à pocu pressu, quindeci puppate à mese. »
Per dà puppate musicale, Vanina s’arremba nantu canzone muderne assai cunnisciute : Harry Potter, Games of Thrones, Star Wars, Pirates des Caraïbes. « Cercu, di sicuru, avà à mette canzone corse più o menu tradiziunale : « Ciucciarella », « Babbucciu Natale » ma ciò chì mi piaceria, seria «l’Ajaccienne », una manera di fà onore à Napuliò. »
Membre di « Métiers d’art de Corse »
Per sviluppà u so arte, Vanina face parte di l’associu « Métiers d’arts de Corse » chì adunisce quattordeci artisgiani di parechji stili. A buttega corta (dece mesi à l’annu cù u sustegnu di a Capa) di u 55, stretta Fesch permette, ghjust’appuntu di fà a prumuzione d’un mistieru ch’ùn hè tantu faciule. « Hè nanzu à tuttu, una passione induve ùn si contanu l’ore. Ùn hè tantu faciule di campà ne ma ci ne surtimu quantunque. »
Per Natale chì s’avvicina, carca d’idee, l’artisgiana hà dighjà riflettutu. « Persunaghji dedicati à issa festa quì, puppate alate, sughjetti venduti à a pezza per adurnà u ghjallicu di Natale... »
L’idee ùn mancanu micca. Ma Célia è Marine puderanu torna dà inspirazione à l’artisgiana…
Ph.P.
Tête de bois et fétu de paille
Les grenadines, 9 rue de l’archipel
20000 Ajaccio
tel : 06-62-44-46
www.tetedeboisetfetudepaille.fr
