Sapè Fà : Magali Isoni, attellu << Terra, Terre >>
A passione di a ceramica
Sapè fà : Magali Isoni, attellu « Terra, Terre »
a passione di a ceramica
Stallata in a Castagnola, nantu à a cumuna d’Alata, Magali Isoni cuncepisce pezze utilitarie o d’adurnamentu in faenze, purzellane o terra rossa cotta. Un’attività nata d’una passione mentre chè l’artisgiana studiava u mistieru d’educatrice specializata in Parrighji à u principiu di l’anni dui milla…
Piglià a strada d’un’attività artisgianale hè sempre una scumessa ch’omu si face à ellu stessu. À spessu, è l’avemu vista à longu d’issi rubrica, u sapè fà nantu à un duminiu particulare, hè liatu à u destinu o à a zitellina di a ghjente. Per ciò chì tocca à Magali Isoni, di ceppu aiaccinu, nulla, à dilla franca, a purtava ver di issa strada quì. Seria piuttostu u destinu ch’averà messu a so grinfia à mezu à u so percorsu. Dopu à studii in a cità imperiale, Magali decide d’esse educatrice specializata (zitelli in difficultà in parechji duminii) è si dà i mezi di riesce. Cusì parte in Parrighji à seguità una furmazione. Ma, accantu à u so appartamentu, ci eranu trè donne chì travagliavanu u terrame. « Quandu aghju vistu isse donne, spiega l’Aiaccina, aghju scupertu un sapè fà strasordinariu, una manera di travaglià cù e mani è qualcosa chì s’assumigliava à un arte. »
Ottu anni di travagliu
Cascata in issa « Pignatta » quì, Magali decide di sapè ne di più nantu à issa pratica. Cuntinueghja i so studii, è, à tempu, travaglia cù l’artisgiane a sera mittendu e so mani in a terra. Una revelazione « Era solu una passione, aghjusta a donna, per mè, ùn era mancu previstu di piantà u mistieru d’educatrice, chì, d’altronde, mi piacia monda. »
L’Aiaccina hà da travaglià cusì intornu à e duie attività durante ottu anni senze perde una pisticcina nantu à l’arte di u terrame. Eppo, sceglie di rientre in Corsica. Frà tempu, scontra à quellu chì diventerà u so cumpagnu è principia l’attività d’educatrice. Passiunata di viaghji, u coppiu sceglie, à a fine di l’anni 2000, di fà u giru di u mondu è parte à scopre, in dui anni, vintidui paesi di i cinque cuntinenti. « Aghju scuntratu assai artisgiani, precisa dinò Magali, fù per mè una sperienza maiò. »
Vultata in a Cità imperiale, a donna decide di mettesi à u terrame. « L’attività d’educatrice era abbastanza chjosa. Fù l’occasione di principià un percorsu novu. »
Un percorsu di più di dece anni
Stallata cù a so famiglia dapoi una decina d’anni in a Castagnola, nantu à a cumuna d’Alata, Magali acconcia una pezza di a so casa in attellu battizatu « Terra, Terre » è cumencia e so prime creazione in terra rossa cotta, faenza (rossa, bianca è nera), purcellana. Adopra l’arnesi necessarii à a so attività (torru, fornu…), bulicheghja i quattru elementi è cuncepisce e so prime pezze. « Sò pezze uniche ch’eu possu fà intornu à l’utilitariu di a cucina (tazze, piatti, piattini, cuppette, banchere…) o pè l’adurnamentu. Possu travaglià cù a faenza nanzu a cucera o dopu. À issu mumentu quì mi tocca à pinghje è lascià seccà l’inseme. »
Cusì, Magali face a so strada dapoi più di dece anni. Un percorsu chì l’hà permessu di fà cunnosce u so sapè fà à mezu à tutte e fiere di Corsica. Nanzu di participà à a creazione, l’annu scorsu, di l’associu « Les métiers d’art de Corse ». « Ne sò a presidente è à dilla franca, hè megliu di travaglià cusì. Semu quattordeci, hè più faciule per fà si cunnosce. Si pò campà d’issi mistieri quì, ùn hè tantu faciule, ma si pò. »
In u so attellu di a castagnola, Magali cuntinueghja a so strada, sperendu, da quì à qualchì annu, di passà u testimoniu à i so dui figlioli…
Ph.P.
Terra, terre
Magali Isoni
Lotissement A Castagnola, 15 allée des Romarins
20167 Alata
Tel : 06-69-22-26-86
a passione di a ceramica
Stallata in a Castagnola, nantu à a cumuna d’Alata, Magali Isoni cuncepisce pezze utilitarie o d’adurnamentu in faenze, purzellane o terra rossa cotta. Un’attività nata d’una passione mentre chè l’artisgiana studiava u mistieru d’educatrice specializata in Parrighji à u principiu di l’anni dui milla…
Piglià a strada d’un’attività artisgianale hè sempre una scumessa ch’omu si face à ellu stessu. À spessu, è l’avemu vista à longu d’issi rubrica, u sapè fà nantu à un duminiu particulare, hè liatu à u destinu o à a zitellina di a ghjente. Per ciò chì tocca à Magali Isoni, di ceppu aiaccinu, nulla, à dilla franca, a purtava ver di issa strada quì. Seria piuttostu u destinu ch’averà messu a so grinfia à mezu à u so percorsu. Dopu à studii in a cità imperiale, Magali decide d’esse educatrice specializata (zitelli in difficultà in parechji duminii) è si dà i mezi di riesce. Cusì parte in Parrighji à seguità una furmazione. Ma, accantu à u so appartamentu, ci eranu trè donne chì travagliavanu u terrame. « Quandu aghju vistu isse donne, spiega l’Aiaccina, aghju scupertu un sapè fà strasordinariu, una manera di travaglià cù e mani è qualcosa chì s’assumigliava à un arte. »
Ottu anni di travagliu
Cascata in issa « Pignatta » quì, Magali decide di sapè ne di più nantu à issa pratica. Cuntinueghja i so studii, è, à tempu, travaglia cù l’artisgiane a sera mittendu e so mani in a terra. Una revelazione « Era solu una passione, aghjusta a donna, per mè, ùn era mancu previstu di piantà u mistieru d’educatrice, chì, d’altronde, mi piacia monda. »
L’Aiaccina hà da travaglià cusì intornu à e duie attività durante ottu anni senze perde una pisticcina nantu à l’arte di u terrame. Eppo, sceglie di rientre in Corsica. Frà tempu, scontra à quellu chì diventerà u so cumpagnu è principia l’attività d’educatrice. Passiunata di viaghji, u coppiu sceglie, à a fine di l’anni 2000, di fà u giru di u mondu è parte à scopre, in dui anni, vintidui paesi di i cinque cuntinenti. « Aghju scuntratu assai artisgiani, precisa dinò Magali, fù per mè una sperienza maiò. »
Vultata in a Cità imperiale, a donna decide di mettesi à u terrame. « L’attività d’educatrice era abbastanza chjosa. Fù l’occasione di principià un percorsu novu. »
Un percorsu di più di dece anni
Stallata cù a so famiglia dapoi una decina d’anni in a Castagnola, nantu à a cumuna d’Alata, Magali acconcia una pezza di a so casa in attellu battizatu « Terra, Terre » è cumencia e so prime creazione in terra rossa cotta, faenza (rossa, bianca è nera), purcellana. Adopra l’arnesi necessarii à a so attività (torru, fornu…), bulicheghja i quattru elementi è cuncepisce e so prime pezze. « Sò pezze uniche ch’eu possu fà intornu à l’utilitariu di a cucina (tazze, piatti, piattini, cuppette, banchere…) o pè l’adurnamentu. Possu travaglià cù a faenza nanzu a cucera o dopu. À issu mumentu quì mi tocca à pinghje è lascià seccà l’inseme. »
Cusì, Magali face a so strada dapoi più di dece anni. Un percorsu chì l’hà permessu di fà cunnosce u so sapè fà à mezu à tutte e fiere di Corsica. Nanzu di participà à a creazione, l’annu scorsu, di l’associu « Les métiers d’art de Corse ». « Ne sò a presidente è à dilla franca, hè megliu di travaglià cusì. Semu quattordeci, hè più faciule per fà si cunnosce. Si pò campà d’issi mistieri quì, ùn hè tantu faciule, ma si pò. »
In u so attellu di a castagnola, Magali cuntinueghja a so strada, sperendu, da quì à qualchì annu, di passà u testimoniu à i so dui figlioli…
Ph.P.
Terra, terre
Magali Isoni
Lotissement A Castagnola, 15 allée des Romarins
20167 Alata
Tel : 06-69-22-26-86
