Sapè Fà : Associu cortinum, sulidarità è memoria curtinese
Natu dui anni fà da a passione di qualchi abitanti, ....
Sapè fà : Associu cortinum, sulidarità è memoria curtinese
Natu dui anni fà da a passione di qualchì abitanti, iss’associu travaglia nantu à sulidarità è a reabilitazione di tuttu ciò chì tocca à a memoria di u paese è di u so circondu…
Sapè d’induve si ghjunghje per sapè induve andà, eccu a demarchja di l’assocciu « Cortinum » natu dui anni fà (di settembre u 2020). À l’iniziu, ci era un cullettivu di Curtinesi, spurtivi, culturali, persone di a sucetà publica chì vulia aduniscesi per mette a so energia in cumunu per rinfurzà ciò ch’esistia dighjà. «U primu scopu, spiega Marcu Antone Campana, cuurdinatore di a struttura è à tempu capifila, era di permette à strutture ch’ùn avianu micca l’abitudine di travaglià inseme, di pudè creà una dinamica pusitiva cù u nostru sustegnu logisticu. Issa demarchja faceparte di a nostra filusufia... »
Rinfurzà a cuurdinazione assuciativa
In dui anni, l’associu, chì conta à pocu pressu cinquanta membri, hà fattu a so strada cù l’impegnu di tutti. « Per via di e nostre attività numarose, aghjusta u respunsevule, simu ricunnisciuti in tantu chè struttura d’interessu generale. U nostru scopu hè di travaglià nantu à u sviluppu di u territoriu. Vulemu rinfurzà a cuurdinazione assuciativu in u rughjone curtinese.»
Cusì, l’associu, spiccatu in cummisione, travaglia intornu à trè missione : ricerca (accoglie, urganizà prugrami specifichi nantu à parechje tematiche è mette furmazione in piazza), sviluppu (dedicata ghjust’à puntu à u sviluppu territuriale è a transizione numerica) è spartera (mediazione culturale)…
Natale per tutti
À un mese di Natale, l’associu s’impegna ind’una demarchja sulidaria. « Dopu à u successu di a prima edizione qualchì tempu dopu à a nascita di a struttura, u scopu hè di cuntinuà à adunisce associ diversi per racoglie prudutti per e famiglie in difficultà. Cusì, avemu dà appruntà duie iniziative : una di l’associu aiaccinu « Natale per tutti i zitelli di Corsica » è l’altra di Bastia « La boîte au grand coeur ». L’associu « Cortinum » hà da favurizà isse duie iniziative chì s’anu da fà ind’i nostri lucali. Ne prufittemu per lampà una chjama à tutte e strutture, imprese o persone chì ci volenu aiutà. A precarità hè l’affare di tutti...»
Questu annu, ghjust’à puntu, l’associu hà messu tutta a so energia nantu à a creazione è stallazione di issi lucali (anzianu « Palais des mobiliers » vicinu à u culleghju). « Hà da permette di favurizà u nostru impegnu è d’urganizà manifestazione diverse. Hè, à tempu, un locu apertu à tutti induve ci seranu mostre, cunferenze, una sala dedicata à l’archivi, una bibbotecca... »
« Tandi in Corti » per mantene a memoria
U prughjettu « Tandu in Corti » si scrive in iss’andatura quì. « Hè unu di i nostri primi scopi, aghjusta Marcu Antone Campana, avemu racoltu testimonii, filmetti. Sapè fà, modu di campà..À l’iniziu, funu di persone nate in u 1945 è, à pocu à pocu, circhemu d’andà u più luntanu pussibile in u tempu. I ricordi di generazione di Curtinesi sò impurtanti per i nostri zitelli. U mondu hè scambiatu dapoi a nascita di tutti iss’anziani. Retablisce issa memoria è tene una traccia hè una di l’imbusche maiò di l’associu. »
A struttura s’hè appena prufessiunalizata à prò d’issa demarchja quì. U scopu, à più o menu longu andà, serà, avà, di sparghje u cuncettu aldilà di a cità paulina. Prima in u circondu. È perchè micca in Corsica sana ?
F.P
Natu dui anni fà da a passione di qualchì abitanti, iss’associu travaglia nantu à sulidarità è a reabilitazione di tuttu ciò chì tocca à a memoria di u paese è di u so circondu…
Sapè d’induve si ghjunghje per sapè induve andà, eccu a demarchja di l’assocciu « Cortinum » natu dui anni fà (di settembre u 2020). À l’iniziu, ci era un cullettivu di Curtinesi, spurtivi, culturali, persone di a sucetà publica chì vulia aduniscesi per mette a so energia in cumunu per rinfurzà ciò ch’esistia dighjà. «U primu scopu, spiega Marcu Antone Campana, cuurdinatore di a struttura è à tempu capifila, era di permette à strutture ch’ùn avianu micca l’abitudine di travaglià inseme, di pudè creà una dinamica pusitiva cù u nostru sustegnu logisticu. Issa demarchja faceparte di a nostra filusufia... »
Rinfurzà a cuurdinazione assuciativa
In dui anni, l’associu, chì conta à pocu pressu cinquanta membri, hà fattu a so strada cù l’impegnu di tutti. « Per via di e nostre attività numarose, aghjusta u respunsevule, simu ricunnisciuti in tantu chè struttura d’interessu generale. U nostru scopu hè di travaglià nantu à u sviluppu di u territoriu. Vulemu rinfurzà a cuurdinazione assuciativu in u rughjone curtinese.»
Cusì, l’associu, spiccatu in cummisione, travaglia intornu à trè missione : ricerca (accoglie, urganizà prugrami specifichi nantu à parechje tematiche è mette furmazione in piazza), sviluppu (dedicata ghjust’à puntu à u sviluppu territuriale è a transizione numerica) è spartera (mediazione culturale)…
Natale per tutti
À un mese di Natale, l’associu s’impegna ind’una demarchja sulidaria. « Dopu à u successu di a prima edizione qualchì tempu dopu à a nascita di a struttura, u scopu hè di cuntinuà à adunisce associ diversi per racoglie prudutti per e famiglie in difficultà. Cusì, avemu dà appruntà duie iniziative : una di l’associu aiaccinu « Natale per tutti i zitelli di Corsica » è l’altra di Bastia « La boîte au grand coeur ». L’associu « Cortinum » hà da favurizà isse duie iniziative chì s’anu da fà ind’i nostri lucali. Ne prufittemu per lampà una chjama à tutte e strutture, imprese o persone chì ci volenu aiutà. A precarità hè l’affare di tutti...»
Questu annu, ghjust’à puntu, l’associu hà messu tutta a so energia nantu à a creazione è stallazione di issi lucali (anzianu « Palais des mobiliers » vicinu à u culleghju). « Hà da permette di favurizà u nostru impegnu è d’urganizà manifestazione diverse. Hè, à tempu, un locu apertu à tutti induve ci seranu mostre, cunferenze, una sala dedicata à l’archivi, una bibbotecca... »
« Tandi in Corti » per mantene a memoria
U prughjettu « Tandu in Corti » si scrive in iss’andatura quì. « Hè unu di i nostri primi scopi, aghjusta Marcu Antone Campana, avemu racoltu testimonii, filmetti. Sapè fà, modu di campà..À l’iniziu, funu di persone nate in u 1945 è, à pocu à pocu, circhemu d’andà u più luntanu pussibile in u tempu. I ricordi di generazione di Curtinesi sò impurtanti per i nostri zitelli. U mondu hè scambiatu dapoi a nascita di tutti iss’anziani. Retablisce issa memoria è tene una traccia hè una di l’imbusche maiò di l’associu. »
A struttura s’hè appena prufessiunalizata à prò d’issa demarchja quì. U scopu, à più o menu longu andà, serà, avà, di sparghje u cuncettu aldilà di a cità paulina. Prima in u circondu. È perchè micca in Corsica sana ?
F.P
