Sapè Fà :Avustu Cantarelli , u << Geppetto >> nustrale !
Ghjoculi in Legnu per a più grande felicità di i zitelli......
Sapè fà : Avustu Cantarelli, u « Geppetto » nustrale !
In u so attellu in Bastia, Avustu Cantarelli cuncepisce dapoi più di trenta anni, ghjoculi in legnu per a più grande felicità di i zitelli…
Avviò, vitturelle, camiò di spinghjifochi, cavalli, ghjoculi diversi, acelli semu inde l’universu d’Avustu Cantarelli. Anzianu intempiadore specializatu in a marina, u Bastiacciu hà fattu a scelta, più di trenta anni fà, di mettesi à a fabricazione di ghjoculi in legnu. Una demarchja chì piglia e so radiche in u 1985 dopu avè fattu un ghjoculu in legnu per u so figliolu. A seguita ? Dumande maiò d’issi genari di rigali in legnu, una in particulare nanzu à a so fattura eppo l’attività piglia u so volu. « Era una dumanda precisa, spiega l’artisgianu, è dopu avè fattu issu ghjoculu, aghju decisu d’impegnà mi à prò d’iss’attività quì. Dura dapoi più di trenta anni oghje... »
Dapoi u 1985, Avustu Cantarelli hà abandunatu i sprufumi marini per cuncentrà si- è scopre à listessu tempu- nantu à u so filu artisticu è creativu.
Più di centu mudelli unichi
S’ell’ùn hà ancu fattu u famosu « Pinocchio » (ghjunghjerà forse un ghjornu, quale chì sà?), Avustu Cantarelli hà dighjà cuncepitu più di centu mudelli, tutti unichi. Un travagliu principiatu cù una mina, qualchì disegnu nanzu di dà vita à i so ghjoculi sottu à a marca creata in u 2017 : coquenbois, un’uchjata à u so anzianu mistieru. A so « grinfi » si caratterizeghja in un sapè fà particulare. Quellu di fabricà un primu mudellu, d’aghjustà qualchì essenza, lascià lu rifriscà per misurà i difetti è accuncià s’ellu ci n’hè u bisognu, u so travagliu per dà nascita à un pruduttu finitu chì serà, in fine, pitturitu. Ogni detagliu hè travagliatu à a manu. « Prima di tuttu, conta l’artisgianu, pensu u me mudellu in capu nanzu di fà u disegnu cù tutte e particularità ch’eu vogliu. »
Trenta anni di sperienza
L’artisgianu hè capace, dinò, di mette u so sapè fà nantu à mudelli anziani purtati da a ghjente è travagliati à modu soiu. Oghje, è dopu à trenta anni di sperienza, hà cuncepitu più di centu mudellu da a granochja à u camiò di spinghjifochi passendu per u cignale nustrale postu nantu à una bissicletta. Ogni mudellu hè unicu. « Deve esse ludicu ma, à tempu, u più vicinu pussibile di a realità, micca troppu difficiule à piglià in manu è piacevule per i zitelli. »
L’artisgianu hà fattu cunnosce a so siluetta cù e so spichjette à l’usu « Geppetto » nantu à u nasu, da per tuttu in Corsica. Cusì, face tutte e fiere è hà suffertu durante i dui anni di a crisa sanitaria. « Un mumentu abbastanza duru, pocu attività ma aghju riesciutu, quantunque, à tene u colpu. »
Oghje, Avustu Cantarelli hà una nuturietà chì li permette di vende i so ghjoculi in Cuntinente ma, invita, à tempu, i so cliente, à vene sopra piazza è scopre, in direttu, u so sapè fà. `più di settanta anni, hà cercatu, in vanu, à tramandà u so estru nustrale ma ogni volta, i ghjovani scambianu di mistieru. « Ghjunghjerà forse ma à dilla franca, ùn sò tantu pressatu, ci hè u tempu. »
U so universu, ellu, ùn scambia : ghjoculi in legnu o suvara di tutti i culori fatti certe volte in parechji mesi è un estru chì face sempre a felicità di i zitelli…
Ph.P.
Avustu Cantarelli
Coquenbois, lieu dit Monserato
20200 Bastia
In u so attellu in Bastia, Avustu Cantarelli cuncepisce dapoi più di trenta anni, ghjoculi in legnu per a più grande felicità di i zitelli…
Avviò, vitturelle, camiò di spinghjifochi, cavalli, ghjoculi diversi, acelli semu inde l’universu d’Avustu Cantarelli. Anzianu intempiadore specializatu in a marina, u Bastiacciu hà fattu a scelta, più di trenta anni fà, di mettesi à a fabricazione di ghjoculi in legnu. Una demarchja chì piglia e so radiche in u 1985 dopu avè fattu un ghjoculu in legnu per u so figliolu. A seguita ? Dumande maiò d’issi genari di rigali in legnu, una in particulare nanzu à a so fattura eppo l’attività piglia u so volu. « Era una dumanda precisa, spiega l’artisgianu, è dopu avè fattu issu ghjoculu, aghju decisu d’impegnà mi à prò d’iss’attività quì. Dura dapoi più di trenta anni oghje... »
Dapoi u 1985, Avustu Cantarelli hà abandunatu i sprufumi marini per cuncentrà si- è scopre à listessu tempu- nantu à u so filu artisticu è creativu.
Più di centu mudelli unichi
S’ell’ùn hà ancu fattu u famosu « Pinocchio » (ghjunghjerà forse un ghjornu, quale chì sà?), Avustu Cantarelli hà dighjà cuncepitu più di centu mudelli, tutti unichi. Un travagliu principiatu cù una mina, qualchì disegnu nanzu di dà vita à i so ghjoculi sottu à a marca creata in u 2017 : coquenbois, un’uchjata à u so anzianu mistieru. A so « grinfi » si caratterizeghja in un sapè fà particulare. Quellu di fabricà un primu mudellu, d’aghjustà qualchì essenza, lascià lu rifriscà per misurà i difetti è accuncià s’ellu ci n’hè u bisognu, u so travagliu per dà nascita à un pruduttu finitu chì serà, in fine, pitturitu. Ogni detagliu hè travagliatu à a manu. « Prima di tuttu, conta l’artisgianu, pensu u me mudellu in capu nanzu di fà u disegnu cù tutte e particularità ch’eu vogliu. »
Trenta anni di sperienza
L’artisgianu hè capace, dinò, di mette u so sapè fà nantu à mudelli anziani purtati da a ghjente è travagliati à modu soiu. Oghje, è dopu à trenta anni di sperienza, hà cuncepitu più di centu mudellu da a granochja à u camiò di spinghjifochi passendu per u cignale nustrale postu nantu à una bissicletta. Ogni mudellu hè unicu. « Deve esse ludicu ma, à tempu, u più vicinu pussibile di a realità, micca troppu difficiule à piglià in manu è piacevule per i zitelli. »
L’artisgianu hà fattu cunnosce a so siluetta cù e so spichjette à l’usu « Geppetto » nantu à u nasu, da per tuttu in Corsica. Cusì, face tutte e fiere è hà suffertu durante i dui anni di a crisa sanitaria. « Un mumentu abbastanza duru, pocu attività ma aghju riesciutu, quantunque, à tene u colpu. »
Oghje, Avustu Cantarelli hà una nuturietà chì li permette di vende i so ghjoculi in Cuntinente ma, invita, à tempu, i so cliente, à vene sopra piazza è scopre, in direttu, u so sapè fà. `più di settanta anni, hà cercatu, in vanu, à tramandà u so estru nustrale ma ogni volta, i ghjovani scambianu di mistieru. « Ghjunghjerà forse ma à dilla franca, ùn sò tantu pressatu, ci hè u tempu. »
U so universu, ellu, ùn scambia : ghjoculi in legnu o suvara di tutti i culori fatti certe volte in parechji mesi è un estru chì face sempre a felicità di i zitelli…
Ph.P.
Avustu Cantarelli
Coquenbois, lieu dit Monserato
20200 Bastia
