Cumitatu naziunalistu di a gravona : ritruvà i fundamenti
Natu da pocu, u Cumitatu Naziunalistu di a Gravona dava , e settimana scorsa à u Mandriolu, a so prima cunferenza di stampa.
Cumitatu Naziunalistu di a Gravona : ritruvà i fundamenti
Natu da pocu, u Cumitatu Naziunalistu di a Gravano dava, a settimana scorsa à u Mandriolu (cumuna di Sarrula), a so prima cunferenza di stampa. U primu scopu era di palisà custruzzione ch’ell’ùn pensa legale in u circondu. Eppo, à longu andà, adunisce parechje strutture in tutta a Corsica di manera à vultà à i fundamenti di u naziunalisimu di l’anni settanta…
Una cinquantena di persone si sò ritruvate in fine di settimana scorsa à u Mandriolu, cumuna di Sarrula, per participà o sustene a creazione di u Cumitatu Naziunalistu di a Gravona (CNG). A bandera posta u longu di a strada cù u scrittu « Tarra corsa, tarra noscia, tarra paisana » dava dighjà un’impressione sviluppata durante a meza ghjurnata.
À a tribuna, militanti arrimbati nantu à i fundamenti di a lotta naziunalista : Olivier Sauli, Patrice Murati, Jean Maestroni, Alex Casamarte…In giru, militanti o ghjente più o menu vicini d’issa demarchja. « À l’occasioni d’issa cunferenza di stampa, spiega Alex Casamarte, vulemi trattà d’un puntu maiò, l’avvena di a noscia tarra, ch’edda sia a cumuna o l’isula sana. Ghjè a questioni centrali. À a logica di a speculazioni è di a pressioni fundaria, vulemi oppona a tarra paisana, quidda chì si scriva nantu à una logica di cuerenza suciali è culturali in i nosci paesi… »
Un prughjettu di custruzzione residenziale
In causa, secondu à u Cumitatu, l’orientazione scelta da a cumuna è un prughjettu di custruzzione residenziale, masimu nantu à una zona à principiu à vucazione agricula. « A noscia cumuna - Sarrula Carcupinu – chì nanzi appartenia naturalmenti à a pievi di Mizana hè u contrasempiu dimustrativu di ciò ch’ùn vulemi par sti lochi è ancu puri aldilà à a scala di a Corsica. Hè tutalmenti rimessa à metudi sistemichi capitalisti lachendu una parti di primura di u nosciu fundariu à una impresa mercantili, distrutturanti ch’hà fattu di a piaghja di Baleone un « pianu di campagna » bissu. Stu « pianu di campagna » scrivi u rughjoni è cun edda a Corsica in un scopu di cunsumu è finaziariu, suburdunendu u puliticu à i so intaressi soli. »
Per ghjustificà i so pruposti, u Cumitatu mintueghja l’evoluzione demugrafica di a cumuna, passata da 508 abitanti in u 1975 à 3858 in u 2020. « A cumuna hè sintomatica di l’uriintazioni fundarii chì participeghjani à a pruliferazioni residenziali senza maestria à u ditrimentu di i vucazioni à –spessu urighjinali- agriculi è pasturecci. »
Aldilà d’issa demarchja, u Cumitatu novu, chì paliseghja d’altronde certe mancanze di a Cullettività, vole sparghjesi in Corsica sana. « Issa cunferenza di stampa ùn hè ch’un primu passu. Marca l’ufficialisazioni di u Cumitatu ma vulemi sviluppà a noscia demarchja aldilà di a cumuna… »
Per compie, a struttura, chì serà nantu à u terrenu, pruponerà, da quì à qualchì mese, un prughjettu di sucetà. Un’affare da seguità…
F.P.
Natu da pocu, u Cumitatu Naziunalistu di a Gravano dava, a settimana scorsa à u Mandriolu (cumuna di Sarrula), a so prima cunferenza di stampa. U primu scopu era di palisà custruzzione ch’ell’ùn pensa legale in u circondu. Eppo, à longu andà, adunisce parechje strutture in tutta a Corsica di manera à vultà à i fundamenti di u naziunalisimu di l’anni settanta…
Una cinquantena di persone si sò ritruvate in fine di settimana scorsa à u Mandriolu, cumuna di Sarrula, per participà o sustene a creazione di u Cumitatu Naziunalistu di a Gravona (CNG). A bandera posta u longu di a strada cù u scrittu « Tarra corsa, tarra noscia, tarra paisana » dava dighjà un’impressione sviluppata durante a meza ghjurnata.
À a tribuna, militanti arrimbati nantu à i fundamenti di a lotta naziunalista : Olivier Sauli, Patrice Murati, Jean Maestroni, Alex Casamarte…In giru, militanti o ghjente più o menu vicini d’issa demarchja. « À l’occasioni d’issa cunferenza di stampa, spiega Alex Casamarte, vulemi trattà d’un puntu maiò, l’avvena di a noscia tarra, ch’edda sia a cumuna o l’isula sana. Ghjè a questioni centrali. À a logica di a speculazioni è di a pressioni fundaria, vulemi oppona a tarra paisana, quidda chì si scriva nantu à una logica di cuerenza suciali è culturali in i nosci paesi… »
Un prughjettu di custruzzione residenziale
In causa, secondu à u Cumitatu, l’orientazione scelta da a cumuna è un prughjettu di custruzzione residenziale, masimu nantu à una zona à principiu à vucazione agricula. « A noscia cumuna - Sarrula Carcupinu – chì nanzi appartenia naturalmenti à a pievi di Mizana hè u contrasempiu dimustrativu di ciò ch’ùn vulemi par sti lochi è ancu puri aldilà à a scala di a Corsica. Hè tutalmenti rimessa à metudi sistemichi capitalisti lachendu una parti di primura di u nosciu fundariu à una impresa mercantili, distrutturanti ch’hà fattu di a piaghja di Baleone un « pianu di campagna » bissu. Stu « pianu di campagna » scrivi u rughjoni è cun edda a Corsica in un scopu di cunsumu è finaziariu, suburdunendu u puliticu à i so intaressi soli. »
Per ghjustificà i so pruposti, u Cumitatu mintueghja l’evoluzione demugrafica di a cumuna, passata da 508 abitanti in u 1975 à 3858 in u 2020. « A cumuna hè sintomatica di l’uriintazioni fundarii chì participeghjani à a pruliferazioni residenziali senza maestria à u ditrimentu di i vucazioni à –spessu urighjinali- agriculi è pasturecci. »
Aldilà d’issa demarchja, u Cumitatu novu, chì paliseghja d’altronde certe mancanze di a Cullettività, vole sparghjesi in Corsica sana. « Issa cunferenza di stampa ùn hè ch’un primu passu. Marca l’ufficialisazioni di u Cumitatu ma vulemi sviluppà a noscia demarchja aldilà di a cumuna… »
Per compie, a struttura, chì serà nantu à u terrenu, pruponerà, da quì à qualchì mese, un prughjettu di sucetà. Un’affare da seguità…
F.P.
