Sapè Fà : E torte << nustrale >> di Sabrina Verdi
E torte nustrale
Sapè fà : E torte « nustrale » di Sabrina Verdi
Di ceppu curtinese, Sabrina Verdi hà decisu qualchì tempu fà, d’abandunà a so attività cummerciale per travaglià à contu soiu intornu à a pruduzzione di torte, fiadoni, falculelli, migliacci ecc… Sosule tramandate da a so mamma.
U destinu hè cusì stranu ch’ellu vi richjappa sempre un ghjornu o l’altru. Per ciò chì tocca à Sabrina Verdi, di ceppu curtinese, l’attività artisgianale, i prudutti nustrali o d’una manera generale, a vita appena paisana ùn eranu scunnisciuti. « Di fattu, spiega a donna, sò stata « ciutttata » ind’è issu bagnu quì cù a mo mamma Francine, chì facia fiere, mercati cù prudutti nustrali di a so fabricazione. Cù u me babbu, i mo fratelli è surelle, eramu sempre à fiancu à ella. »
Ma dopu à e fiere, Sabrina seguita un percorsu più « logicu » per una zitella di i so anni à l’epica. Studiendu in Corti è Bastia nanzu di principià un’attività liata à u cummerciu. Prima intornu à l’alimentariu in Casamozza, induve ella campa cù u so spusatu Francè, e so duie figliole Leana è Maeline. Nulla pudia dì, chè un ghjornu, u destinu pichjeria torna una volta à a so porta. Eppuru...
« Ùn mi ricunniscia più in sti mistieri quì, aghjusta Sabrina, vulia travaglià per mè è fà un’attività chì mi currespundia. Vulia lià u sapè fà tramandatu da mamma è u mo percorsu prufessiunale cummerciale. »
Tandu decide di ripiglià un « versu » di a so mamma, ch’avia travagliatu durante guasgi quaranta anni intornu à prudutti nustrali curtinesi è d’altrò : e so famose frittelle ma dinò falculelli, torte à l’arbe corse (rombici, nepita…), fiadoni, migliacci…
Perpetuà tradizione antiche chì si perdenu
« Cunniscia, di sicuru, tutte isse sosule. Per mè, ùn eranu scunnisciute ch’eranu tramandate da a mo arciminnana. Hè una storia di famiglia. È quandu site numerosi, tuttu u mondu s’impegna.» Sabrina riflette à a cuncipitura di a so nova impresa è face u so laburatoriu ind’una sala in a so pruprietà famigliale. Quì, ci si trova u materiale adattatu : meria, ghjacceri, forni, laminatoghju, camera fresca... per una superficia di 16 metri quadrati. À pocu à pocu, principia a so attività. « Prima, mi tocca à fà tuttu da a pruduzzione à a vendita passendu per l’aspettu amministrativu. Ma u più impurtante hè di pruduce. Aghju un materiale mudernu ma cercu à perpetuà tradizione antiche chì si perdenu. »
Cum’ella facia a so mamma, a Curtinese s’arrizza à bon’ora per andà à coglie, secondu à u tempu, e so piante : rombici, menta salvatica, nepita è altre nustrale...U restu hè pigliatu ind’è pruduttori di u circondu. Comu per ciò chì tocca à d’altri prudutti (ovi, brocciu). Per ciò chì tocca à i prudutti, Sabrina ripiglia e sosule famigliale (torte à l’arbe nustrale è brocciu, civolle), migliacci, fiadoni, falculelli, picciole ma aghjusta qualchì nuvità : u biscottu à u mele è l’amandule, u pane di i morti...Per avà, l’attività si sviluppa intornu à a trasmissione à a bocca. Nanzu, forse, di sviluppà si à pocu à pocu. Sempre cù u filu tramandatu da l’anziani.
Ph.P.
E torte di Sabrina
Lotissement « Casa Nostra », N2, 20290 Lucciana
Pagina facebook è instagram
tel : 06-23-17-02-63
cuntattu : contact@etortedisabrina.com
www.etortedisabrina.com
Di ceppu curtinese, Sabrina Verdi hà decisu qualchì tempu fà, d’abandunà a so attività cummerciale per travaglià à contu soiu intornu à a pruduzzione di torte, fiadoni, falculelli, migliacci ecc… Sosule tramandate da a so mamma.
U destinu hè cusì stranu ch’ellu vi richjappa sempre un ghjornu o l’altru. Per ciò chì tocca à Sabrina Verdi, di ceppu curtinese, l’attività artisgianale, i prudutti nustrali o d’una manera generale, a vita appena paisana ùn eranu scunnisciuti. « Di fattu, spiega a donna, sò stata « ciutttata » ind’è issu bagnu quì cù a mo mamma Francine, chì facia fiere, mercati cù prudutti nustrali di a so fabricazione. Cù u me babbu, i mo fratelli è surelle, eramu sempre à fiancu à ella. »
Ma dopu à e fiere, Sabrina seguita un percorsu più « logicu » per una zitella di i so anni à l’epica. Studiendu in Corti è Bastia nanzu di principià un’attività liata à u cummerciu. Prima intornu à l’alimentariu in Casamozza, induve ella campa cù u so spusatu Francè, e so duie figliole Leana è Maeline. Nulla pudia dì, chè un ghjornu, u destinu pichjeria torna una volta à a so porta. Eppuru...
« Ùn mi ricunniscia più in sti mistieri quì, aghjusta Sabrina, vulia travaglià per mè è fà un’attività chì mi currespundia. Vulia lià u sapè fà tramandatu da mamma è u mo percorsu prufessiunale cummerciale. »
Tandu decide di ripiglià un « versu » di a so mamma, ch’avia travagliatu durante guasgi quaranta anni intornu à prudutti nustrali curtinesi è d’altrò : e so famose frittelle ma dinò falculelli, torte à l’arbe corse (rombici, nepita…), fiadoni, migliacci…
Perpetuà tradizione antiche chì si perdenu
« Cunniscia, di sicuru, tutte isse sosule. Per mè, ùn eranu scunnisciute ch’eranu tramandate da a mo arciminnana. Hè una storia di famiglia. È quandu site numerosi, tuttu u mondu s’impegna.» Sabrina riflette à a cuncipitura di a so nova impresa è face u so laburatoriu ind’una sala in a so pruprietà famigliale. Quì, ci si trova u materiale adattatu : meria, ghjacceri, forni, laminatoghju, camera fresca... per una superficia di 16 metri quadrati. À pocu à pocu, principia a so attività. « Prima, mi tocca à fà tuttu da a pruduzzione à a vendita passendu per l’aspettu amministrativu. Ma u più impurtante hè di pruduce. Aghju un materiale mudernu ma cercu à perpetuà tradizione antiche chì si perdenu. »
Cum’ella facia a so mamma, a Curtinese s’arrizza à bon’ora per andà à coglie, secondu à u tempu, e so piante : rombici, menta salvatica, nepita è altre nustrale...U restu hè pigliatu ind’è pruduttori di u circondu. Comu per ciò chì tocca à d’altri prudutti (ovi, brocciu). Per ciò chì tocca à i prudutti, Sabrina ripiglia e sosule famigliale (torte à l’arbe nustrale è brocciu, civolle), migliacci, fiadoni, falculelli, picciole ma aghjusta qualchì nuvità : u biscottu à u mele è l’amandule, u pane di i morti...Per avà, l’attività si sviluppa intornu à a trasmissione à a bocca. Nanzu, forse, di sviluppà si à pocu à pocu. Sempre cù u filu tramandatu da l’anziani.
Ph.P.
E torte di Sabrina
Lotissement « Casa Nostra », N2, 20290 Lucciana
Pagina facebook è instagram
tel : 06-23-17-02-63
cuntattu : contact@etortedisabrina.com
www.etortedisabrina.com
