Sapè Fà : L'arte "legnaghjolu" d'Alicia Bernardini
Stallata in Serra di Fium’Orbu induve ella t’hà e so radiche, Alicia Bernardini cuncepisce ugetti diversi d’adurnamentu o altri è ghjuvelli…
L’arte « legnaghjolu » d’Alicia Bernardini
Stallata in Serra di Fium’Orbu induve ella t’hà e so radiche, Alicia Bernardini cuncepisce ugetti diversi d’adurnamentu o altri è ghjuvelli…
Passà d’una furmazione in cuntabilità à u travagliu di u legnu, eccu u percorsu d’Alicia Bernardini, artisgiana dapoi quindeci anni. Di fattu, hè stata ciuttata in l’universu di a creazione da a so zitellina. « U me babbu era bancalaru, spiega a donna, è a me mamma facia pitture. Aghju sempre travagliatu è amparatu à fiancu à elli. »
U destinu ellu, pichjerà à a so porta monda più tarde. Mamma di dui zitelli, Alicia hè in maternità di u so secondu figliolu quandu, per passà u tempu, cerca à adurnà a so casa. « Aghju cumpratu una seca speciale, aghjusta l’artisgiana, eppo mi sò messa à travaglià u legnu (castagnu) è à cuncepisce ugetti per adurnà a stanza di i me ciucci : lampere, porta mantellu o altri. » Strada facendu, u destinu si mette in marchja. Dopu à i cunsigli di a so surella, Alicia Bernardini face una piccula mostra inde una buttega. È l’affare si sviluppa à partesi di u 2009. Adatta un pianu sanu di a casa famigliale, è cummencia à produce ugetti diversi. « Ci aghju trè attelli, unu per a fabricazione, l’altru dedicatu à a pittura è l’ultimu per appruntà tuttu nanzu a vendita. »
Da i zitelli à i maiò
Alicia Créations nasce. I primi tempi sò dedicati solu à i zitelli : nomi, porta panni, quadri, lampere, u tuttu à partesi di legnu castagninu è certe volte chjarasginu. L’ugetti per zitelli ponu avè forme varie ma ghjunghjenu, à spessu, di u mondu di Disney. Andà più luntanu, Alicia ci pensa, « ma, aghjusta a donna, eru sola à travaglià è à fà tuttu da l’iniziu à a fine. Era difficiule, per mè di pudè allargà mi... » Dopu à qualchì annu, Alicia riesce à sviluppà a so piccula impresa. Tandu, l’ugetti ùn sò più soli dedicati à i ciucci è zitelli. L’artisgiana riflette à una manera d’allargà a so pruduzzione, sempre intornu à u legnu, ma, à pocu à pocu, li venenu idee nove.
Una buttega da quì à duie settimane
Quelle per indettu di fà ghjuvelli. Tandu, l’impresa piglia un versu novu. U legnu stà cum’è pruduttu principale ma nasce,u bracciali, pindini, cullane, cultelle...È ancu unepoche d’oliu essenziale. È in a so vulintà d’esse di più in più prufessiunale, Alicia mette in piazza un situ internet induve si scopre a so « grinfia » : Fattu in Corsica...Una piccula cuzzata à quelli chì stampanu prudutti diversi fatti altrò. À li stessu tempu, a pruduzzione hè allargata dinò cù i prudutti « arte di a tavula », spianatoghja, insegna. Hè quì chè, sei anni fà, Alicia dedide di travaglià dinò l’alivu è face d’altre creazione : porta chjave, cartelle di signalisazione, croce di cumunione è ancu adurnamentu d’internu. « Tandu, aghju scambiatu i me attelli. Seranu, da quì à duie settimane da sopra à buttega ch’aghju da apre in Prunelli di Fiumorbu. »
Tandu, tuccherà à Alicia d’allargà a so squadra è a so pruduzzione. Un percorsu principiatu pian’pianinu quindeci anni fà per un’impresa chì hà pigliatu u so volu…
F.P.
Alicia Créations
Acqua Citosa,
20243 Serra di Fiumorbu
cuntattu :
04-95-39-05-63
06-60-58-59-21
www.alicia.corsica
Mail : alicia.bernardini@live.fr
Stallata in Serra di Fium’Orbu induve ella t’hà e so radiche, Alicia Bernardini cuncepisce ugetti diversi d’adurnamentu o altri è ghjuvelli…
Passà d’una furmazione in cuntabilità à u travagliu di u legnu, eccu u percorsu d’Alicia Bernardini, artisgiana dapoi quindeci anni. Di fattu, hè stata ciuttata in l’universu di a creazione da a so zitellina. « U me babbu era bancalaru, spiega a donna, è a me mamma facia pitture. Aghju sempre travagliatu è amparatu à fiancu à elli. »
U destinu ellu, pichjerà à a so porta monda più tarde. Mamma di dui zitelli, Alicia hè in maternità di u so secondu figliolu quandu, per passà u tempu, cerca à adurnà a so casa. « Aghju cumpratu una seca speciale, aghjusta l’artisgiana, eppo mi sò messa à travaglià u legnu (castagnu) è à cuncepisce ugetti per adurnà a stanza di i me ciucci : lampere, porta mantellu o altri. » Strada facendu, u destinu si mette in marchja. Dopu à i cunsigli di a so surella, Alicia Bernardini face una piccula mostra inde una buttega. È l’affare si sviluppa à partesi di u 2009. Adatta un pianu sanu di a casa famigliale, è cummencia à produce ugetti diversi. « Ci aghju trè attelli, unu per a fabricazione, l’altru dedicatu à a pittura è l’ultimu per appruntà tuttu nanzu a vendita. »
Da i zitelli à i maiò
Alicia Créations nasce. I primi tempi sò dedicati solu à i zitelli : nomi, porta panni, quadri, lampere, u tuttu à partesi di legnu castagninu è certe volte chjarasginu. L’ugetti per zitelli ponu avè forme varie ma ghjunghjenu, à spessu, di u mondu di Disney. Andà più luntanu, Alicia ci pensa, « ma, aghjusta a donna, eru sola à travaglià è à fà tuttu da l’iniziu à a fine. Era difficiule, per mè di pudè allargà mi... » Dopu à qualchì annu, Alicia riesce à sviluppà a so piccula impresa. Tandu, l’ugetti ùn sò più soli dedicati à i ciucci è zitelli. L’artisgiana riflette à una manera d’allargà a so pruduzzione, sempre intornu à u legnu, ma, à pocu à pocu, li venenu idee nove.
Una buttega da quì à duie settimane
Quelle per indettu di fà ghjuvelli. Tandu, l’impresa piglia un versu novu. U legnu stà cum’è pruduttu principale ma nasce,u bracciali, pindini, cullane, cultelle...È ancu unepoche d’oliu essenziale. È in a so vulintà d’esse di più in più prufessiunale, Alicia mette in piazza un situ internet induve si scopre a so « grinfia » : Fattu in Corsica...Una piccula cuzzata à quelli chì stampanu prudutti diversi fatti altrò. À li stessu tempu, a pruduzzione hè allargata dinò cù i prudutti « arte di a tavula », spianatoghja, insegna. Hè quì chè, sei anni fà, Alicia dedide di travaglià dinò l’alivu è face d’altre creazione : porta chjave, cartelle di signalisazione, croce di cumunione è ancu adurnamentu d’internu. « Tandu, aghju scambiatu i me attelli. Seranu, da quì à duie settimane da sopra à buttega ch’aghju da apre in Prunelli di Fiumorbu. »
Tandu, tuccherà à Alicia d’allargà a so squadra è a so pruduzzione. Un percorsu principiatu pian’pianinu quindeci anni fà per un’impresa chì hà pigliatu u so volu…
F.P.
Alicia Créations
Acqua Citosa,
20243 Serra di Fiumorbu
cuntattu :
04-95-39-05-63
06-60-58-59-21
www.alicia.corsica
Mail : alicia.bernardini@live.fr
