Viulenza in i stadii : u troppiu stroppa !
E scene di viulenze viste a settimana scorsa in centru cità d’Aiacciu è vicinu à Timizolu ponenu a questione di a securità in i stadii è, di i fenomeni « ultras » chì piglianu di più in più a suprana nantu à l’aspettu spurtivu è d’una manera generale...
Viulenza in i stadii : u troppiu stroppa !
E scene di viulenze viste a settimana scorsa in centru cità d’Aiacciu è vicinu à Timizolu ponenu a questione di a securità in i stadii è, di i fenomeni « ultras » chì piglianu di più in più a suprana nantu à l’aspettu spurtivu è d’una manera generale, di un ghjocu à ballò malatu…
Avemu toccu u fondu sabbatu scorsu in Timizolu nanzu à u macciu ACA-OM è ancu dopu. Ùn ci hè bisognu, oghje, di vultà in ditagliu nantu à tuttu ciò chì s’hè passatu (baruffe trà sustenidori di e duie squadre u vennari sera in centru cità, incidenti nanzu à macciu, assaltu di u babbu d’un zitellu malatu, assalti di a ghjente è d’un ghjurnalistu in a stazzione Ceccaldi dopu à a partita). U fattu hè, avà, di palisà una situazione assai cumplicata. Masimu ch’elli ci sò stati incidenti parechje volte questu annu cù sustenidori aiaccini à mezu (macci ACA-Lorient, ACA-Nantes, ACA-Strasbourg) senza cuntà baruffe ancu in Mezavia in N3 GFCA-ACA)... Nanzu à tuttu, ci pudemu dumandà perchè l’auturità ùn anu micca, simpliciamente difesu u dispiazzamentu di i sustenidori marseglIssu fenomenu « ultras » si caratterizeghja cù ghjente vestuti di neru (sustenidori di Nantes, Strasbourg…) è manere di praticà ch’ùn anu nulla à chì vede cù e valore spurtive. Comu risponde, oghje, à issa vergula, è di manera efficace à issa viulenza ?
L’esempiu inghlese
U primu fattu hè di cunsiderà un fenomenu chì s’impone in Francia è in Auropa dapoi più di trenta anni. Ma una situazione chì hè stata regulata in Inghliterra induve l’uliganisimu era prisente è avia custatu tantu à u ghjocu à ballò di quallà (i club cacciati dece anni dopu à Heysel in u 1985) : Passaporti pigliati, prezzi cullati, piazze numinative, eccu unepochi di e misure pigliate par luttà di manera efficace. Senza cuntà ch’ogni prublema individuale hè statu regulatu cù l’interdizzione à vita, di tutta persona à l’origine d’una baruffa o di qualchì incidente. In Francia, ci vole à ricunnosce chè l’ultras piglianu a suprana nantu à i dirigenti. Manchemu di cuerenza è di firmezza. Masimu chè a cummissione di disciplina ne manca dinò.
Impedì i spiazzamenti di i sustenidori
Una situazione monda cumplicata chì puderia, forse esse regulata cù l’interdizzione di i spiazzamenti di sustenidori in tutte e cità. Ciò chì feria perde un pocu di u so estru à u ghjocu à ballò. Per vultà nantu à l’incidenti di sabbatu, ci vole à ricunnosce u fiascu di i servizii di u Statu per ciò chì tocca à a securità. Ùn averanu micca, forse pigliatu in contu l’impurtanza d’issu macciu aldilà di u terrenu, masimu cù l’incidenti di u vennari sera in centru cità. Per i sustenidori aiaccini, ci tocca à piglià misure ch’ell’ùn hè accettevule di leghje u cumunicatu di l’Orsi Ribelli ch’ùn hà mai purtatu u so sustegnu à Kenzo. Ancu s’è l’inchiesta metterà in vale i respunsevule è e cundizione di ciò chì accadutu, ùn ci pudemu piattà daretu à qualcosa ch’ùn si pò ghjustificà (minà un omu davanti à u so zitellu malatu o impedisce qualchissia di mette una maglietta di l’OM, masimu ch’ellu era ind’una loggia da sopra à a tribuna Faedda.)
Misure da piglià nanzu à a ripresa di u campiunatu ch’ellu ci hà da esse u derby di fronte à u Sporting l’annu chì vene…
• F.M.
E scene di viulenze viste a settimana scorsa in centru cità d’Aiacciu è vicinu à Timizolu ponenu a questione di a securità in i stadii è, di i fenomeni « ultras » chì piglianu di più in più a suprana nantu à l’aspettu spurtivu è d’una manera generale, di un ghjocu à ballò malatu…
Avemu toccu u fondu sabbatu scorsu in Timizolu nanzu à u macciu ACA-OM è ancu dopu. Ùn ci hè bisognu, oghje, di vultà in ditagliu nantu à tuttu ciò chì s’hè passatu (baruffe trà sustenidori di e duie squadre u vennari sera in centru cità, incidenti nanzu à macciu, assaltu di u babbu d’un zitellu malatu, assalti di a ghjente è d’un ghjurnalistu in a stazzione Ceccaldi dopu à a partita). U fattu hè, avà, di palisà una situazione assai cumplicata. Masimu ch’elli ci sò stati incidenti parechje volte questu annu cù sustenidori aiaccini à mezu (macci ACA-Lorient, ACA-Nantes, ACA-Strasbourg) senza cuntà baruffe ancu in Mezavia in N3 GFCA-ACA)... Nanzu à tuttu, ci pudemu dumandà perchè l’auturità ùn anu micca, simpliciamente difesu u dispiazzamentu di i sustenidori marseglIssu fenomenu « ultras » si caratterizeghja cù ghjente vestuti di neru (sustenidori di Nantes, Strasbourg…) è manere di praticà ch’ùn anu nulla à chì vede cù e valore spurtive. Comu risponde, oghje, à issa vergula, è di manera efficace à issa viulenza ?
L’esempiu inghlese
U primu fattu hè di cunsiderà un fenomenu chì s’impone in Francia è in Auropa dapoi più di trenta anni. Ma una situazione chì hè stata regulata in Inghliterra induve l’uliganisimu era prisente è avia custatu tantu à u ghjocu à ballò di quallà (i club cacciati dece anni dopu à Heysel in u 1985) : Passaporti pigliati, prezzi cullati, piazze numinative, eccu unepochi di e misure pigliate par luttà di manera efficace. Senza cuntà ch’ogni prublema individuale hè statu regulatu cù l’interdizzione à vita, di tutta persona à l’origine d’una baruffa o di qualchì incidente. In Francia, ci vole à ricunnosce chè l’ultras piglianu a suprana nantu à i dirigenti. Manchemu di cuerenza è di firmezza. Masimu chè a cummissione di disciplina ne manca dinò.
Impedì i spiazzamenti di i sustenidori
Una situazione monda cumplicata chì puderia, forse esse regulata cù l’interdizzione di i spiazzamenti di sustenidori in tutte e cità. Ciò chì feria perde un pocu di u so estru à u ghjocu à ballò. Per vultà nantu à l’incidenti di sabbatu, ci vole à ricunnosce u fiascu di i servizii di u Statu per ciò chì tocca à a securità. Ùn averanu micca, forse pigliatu in contu l’impurtanza d’issu macciu aldilà di u terrenu, masimu cù l’incidenti di u vennari sera in centru cità. Per i sustenidori aiaccini, ci tocca à piglià misure ch’ell’ùn hè accettevule di leghje u cumunicatu di l’Orsi Ribelli ch’ùn hà mai purtatu u so sustegnu à Kenzo. Ancu s’è l’inchiesta metterà in vale i respunsevule è e cundizione di ciò chì accadutu, ùn ci pudemu piattà daretu à qualcosa ch’ùn si pò ghjustificà (minà un omu davanti à u so zitellu malatu o impedisce qualchissia di mette una maglietta di l’OM, masimu ch’ellu era ind’una loggia da sopra à a tribuna Faedda.)
Misure da piglià nanzu à a ripresa di u campiunatu ch’ellu ci hà da esse u derby di fronte à u Sporting l’annu chì vene…
• F.M.
