Sapè Fà : Ghjulia Martini-Geronimi, tragulinu di Frittelle
Di ceppu buzincu, Ghjulia Martini-Geronimi hà fattu a scelta, dui anni fà, di parte nantu à a fabricazione è a vendita di frit-telle ma cù a particularità d’esse una spezia di traculinu…
Ghjulia Martini-Geronimi
Tragulinu di frittelle
Di ceppu buzincu, Ghjulia Martini-Geronimi hà fattu a scelta, dui anni fà, di parte nantu à a fabricazione è a vendita di frit-telle ma cù a particularità d’esse una spezia di traculinu…
In Corsica, induve ùn hè tantu faciule di purtà robba in i paesi, u mistieru di traculinu, resu famosu cù a canzona d’Antone Ciosi, sparisce à pocu à pocu per via di i paesi chì si viotanu. Eppuru, certi cercanu à rivinvisce issa tradizione. Di ceppu buzincu (Santa Lucia di Mercuriu), Ghjulia Martini-Geronimi, hà decisu, trè anni fà, di francà issu passu. « Sò figliola d’agricultore, spiega l’artisgiana, u mo babbu Ghjuvan Petru hè pastore, aghju campatu in iss’ambiu quì cù u mo fratellu Petru Santu. Ma, à dilla franca, ùn aghju mai vulsutu ripiglià l’impresa famigliale, ùn mi garbava tantu. Eppo, aghju un rapportu particulare cù l’animali...Ma m’hè sempre piaciuta a fabricazione è a pruduzzione... »
Da u cummerciu à u tragulinu
Ancu s’ellu dà sempre una manu, Ghjuvan Petru Geronimi, famosu, d’altronde cantadore di paghjella, hà pigliatu a so retirata di ghjennaghju scorsu. Tandu, hè Petru Santu, u u so figliolu, chì pigliatu a seguita. S’ella hè stata ciuttata à mezu à casgi è brocci, Ghjulia hà fattu a scelta di u cummerciu è a gestione. « A ghju bisognu d’esse in cuntattu cù a ghjente, aghjusta a Buzinca, tandu, aghju passatu un Bac è travagliatu in issu duminiu quì. » In u 2019, è dopu à 10 anni di travagliu, l’affare piglia un versu novu cù a pussibilità di ripiglià l’impresa di Ghjaseppu Santucci, tragulinu...di frittelle. « Eramu di ghjugnu è aghju passatu sei mesi in immersione cun ellu. Eppo, di dicembre, cù u mo maritu, avemu decisu di ripiglià iss’impresa quì. Campà in
u mondu rurale hè sempre statu una voglia per mè. »
Tutti i ghjorni di l’annu
A prima annata serà appena difficiule per u coppiu, per via di a crisa sanitaria. Ma, à pocu à pocu, Ghjulia face a so strada ind’un mistieru chì li cunvene megliu. Cusì, un laburatoriu hè stallatu in Lucciana. Hè quì, è di modu nustrale, chè Ghjulia face a so pasta. Piglia i prudutti di u so fratellu, Petru Santu (brocciu frescu è brocciu passu) è face frittelle salite o inzuccherate (brocciu, mele è ancu migliacciole). « Femu e fiere, i mercati... » Cusì, Ghjulia aiutata da un impiegatu è di a so famiglia, piglia u so camiò tutta a settimana è si spiazza in u circondu : Corti, induve ella hè cresciuta, u mercuri in u Borgu (u ghjovi), Ponte à a Leccia (u venneri) è a dumenicata nantu à u mercatu di Bastia. « Ci pudemu spiazzà da per tuttu in Corsica per un matrimoniu, un battesimu o ancu per elezzione. D’estate, simu in Bravone u venneri... »
Autodidatta, Ghjulia hà cuncepitu u so sapè fà ogni ghjornu cù travagliu è passione. « Aghju adattatu, di manera naturale, u mo sapè fà, à e frittelle di a mo zitellina. Ognunu t’hà a so sosula... Si pò campà di issu mistieru ma ùn ci vole micca à cuntà l’ore. M’arrizzu à 6 ore è mezu è rientru a sera à ottu ore è mezu...» L’impegnu di l’artisgiana l’hà permessu, in puchissimi tempu, d’esse dighjà rinumata. Per prova, turisti è studienti aspettanu u mercuri piazza à a gara, in Corti, per tastà i so prudutti nustrali.
F.P.
Ghjulia Martini-Geronimi
E frittelle corse
20250, Santa Lucia di Mercuriu
Pagina facebook è instagram Cuntattu : 06-15
Tragulinu di frittelle
Di ceppu buzincu, Ghjulia Martini-Geronimi hà fattu a scelta, dui anni fà, di parte nantu à a fabricazione è a vendita di frit-telle ma cù a particularità d’esse una spezia di traculinu…
In Corsica, induve ùn hè tantu faciule di purtà robba in i paesi, u mistieru di traculinu, resu famosu cù a canzona d’Antone Ciosi, sparisce à pocu à pocu per via di i paesi chì si viotanu. Eppuru, certi cercanu à rivinvisce issa tradizione. Di ceppu buzincu (Santa Lucia di Mercuriu), Ghjulia Martini-Geronimi, hà decisu, trè anni fà, di francà issu passu. « Sò figliola d’agricultore, spiega l’artisgiana, u mo babbu Ghjuvan Petru hè pastore, aghju campatu in iss’ambiu quì cù u mo fratellu Petru Santu. Ma, à dilla franca, ùn aghju mai vulsutu ripiglià l’impresa famigliale, ùn mi garbava tantu. Eppo, aghju un rapportu particulare cù l’animali...Ma m’hè sempre piaciuta a fabricazione è a pruduzzione... »
Da u cummerciu à u tragulinu
Ancu s’ellu dà sempre una manu, Ghjuvan Petru Geronimi, famosu, d’altronde cantadore di paghjella, hà pigliatu a so retirata di ghjennaghju scorsu. Tandu, hè Petru Santu, u u so figliolu, chì pigliatu a seguita. S’ella hè stata ciuttata à mezu à casgi è brocci, Ghjulia hà fattu a scelta di u cummerciu è a gestione. « A ghju bisognu d’esse in cuntattu cù a ghjente, aghjusta a Buzinca, tandu, aghju passatu un Bac è travagliatu in issu duminiu quì. » In u 2019, è dopu à 10 anni di travagliu, l’affare piglia un versu novu cù a pussibilità di ripiglià l’impresa di Ghjaseppu Santucci, tragulinu...di frittelle. « Eramu di ghjugnu è aghju passatu sei mesi in immersione cun ellu. Eppo, di dicembre, cù u mo maritu, avemu decisu di ripiglià iss’impresa quì. Campà in
u mondu rurale hè sempre statu una voglia per mè. »
Tutti i ghjorni di l’annu
A prima annata serà appena difficiule per u coppiu, per via di a crisa sanitaria. Ma, à pocu à pocu, Ghjulia face a so strada ind’un mistieru chì li cunvene megliu. Cusì, un laburatoriu hè stallatu in Lucciana. Hè quì, è di modu nustrale, chè Ghjulia face a so pasta. Piglia i prudutti di u so fratellu, Petru Santu (brocciu frescu è brocciu passu) è face frittelle salite o inzuccherate (brocciu, mele è ancu migliacciole). « Femu e fiere, i mercati... » Cusì, Ghjulia aiutata da un impiegatu è di a so famiglia, piglia u so camiò tutta a settimana è si spiazza in u circondu : Corti, induve ella hè cresciuta, u mercuri in u Borgu (u ghjovi), Ponte à a Leccia (u venneri) è a dumenicata nantu à u mercatu di Bastia. « Ci pudemu spiazzà da per tuttu in Corsica per un matrimoniu, un battesimu o ancu per elezzione. D’estate, simu in Bravone u venneri... »
Autodidatta, Ghjulia hà cuncepitu u so sapè fà ogni ghjornu cù travagliu è passione. « Aghju adattatu, di manera naturale, u mo sapè fà, à e frittelle di a mo zitellina. Ognunu t’hà a so sosula... Si pò campà di issu mistieru ma ùn ci vole micca à cuntà l’ore. M’arrizzu à 6 ore è mezu è rientru a sera à ottu ore è mezu...» L’impegnu di l’artisgiana l’hà permessu, in puchissimi tempu, d’esse dighjà rinumata. Per prova, turisti è studienti aspettanu u mercuri piazza à a gara, in Corti, per tastà i so prudutti nustrali.
F.P.
Ghjulia Martini-Geronimi
E frittelle corse
20250, Santa Lucia di Mercuriu
Pagina facebook è instagram Cuntattu : 06-15
