Meridianu : Amore à suminera
U gruppu isulanu di ceppu balaninu hà esciutu u so ultimu duschettu : Amore à suminera
Meridianu : Amore à suminera
U gruppu isulanu di ceppu balaninu hà esciutu u so ultimu dischettu : « Amore à suminera ». Tredeci creazione arrimbate nantu à a tradizione…
U gruppu Meridianu hè un percorsu di vinti anni. Natu in u 2003, hà principiatu cù canti in paghjella nanzu di piglià un versu più mudernu. « Simu cullati sin’à cinque, spiega Ghjuvan Antò Orticoni, unu di i so membri, dapoi qualchì annu, simu trè è ci cunvene megliu. »
Originaria di u paisolu di u Palmentu, in Balagna, a struttura hà pussutu fà a so strada in vinti anni. Escendu quattru dischetti : «Ùn trima puru più » (2006), « A voce viva » (2009), « Alma di quì » (2012) è « Meridiana canta Natale » (2014).
Cusì, in u 2022, u gruppu, chì hè prufessiunale dapoi dece anni, festighjava i so vinti anni. I so membri, Ghjuvan Antò Orticoni, Ghjaseppu Gras è Marc de Lanfranchi, entrutu trè anni fà, anu vulsutu appena scambià di versu. « Avemu dicidu di ripiglià l’identità di prima, aghjusta Ghjuvan Antò Orticoni, arrimbati nantu à l’iniziu in u Palmentu è a nostra scelta d’apertura à u mondu, una manera di sulcà u nostru travagliu nantu à ghjust’appuntu, u meridianu chì incherchja u mondu... »
Di più uriginalità
Dopu à qualchì annu di travagliu, u gruppu hè pertutu da a tradzione per purtà appena d’uriginalità in più è un usu, dinò, più mudernu. Jean-Pierre Orliac hà scrittu a maiò parte di e canzone.
L’inseme di u dischettu novu, chjamatu « Amore à suminera », amore à u sensu u più largu, si compone di tredeci tituli. « Sò cumposizione persunale nantu à scritti sacri : « Stabat Mater », « Vidi aquam », « Requiem », ma dinò canti ripigliati tale è quale cum’è « Diu Vi Salvi Regina ».
U dischettu prupone, à tempu, un’evuluzione « Isul’anima », una nanna assai cunnisciuta « O Ciucciarella », « un uchjata à Tino Rossi, ramenta Ghjuvan Antò Orticoni, è, di sicuru, qualchì creazione : « Una terra in mè », « Canzona per Davia », « Mare Terraniu », « U Castagnu di Favalellu », « Ave Maria » o «Quand’un amicu si ne và », in umaggiu à Antone Sicurani, un cumpagnu sparitu l’annu scorsu…
Acconci classichi
« Per noi, l’essenziale, sò e voce. Ghjè u nostru arnese principale. Di fattu, cantemu, piazzemu seconda, bassu è terza, eppo dopu accunciemu a musica à nantu. »
Cusì, è per l’accunciamentu d’issu dischettu, i so membri anu vulsutu piglià a direzzione di strumenti classichi cù quattru corde. Anu travagliatu in issu sensu quì, cù Camille Ghipponi, musicante è prufessore in Calvi, chì hà assicuratu l’accunciamentu di « Amore à suminera ».
U prughettu hè statu cuncepitu, à tempu, in Corsica è in Italia (ind’una catedrale) cù a participazione di Davide Pastorino, un famosu tenore. L’altra parte hè stata registrata in u Palmentu, cù musicanti ghjunti da a Francia, Spagna, Pologna è Belgica.
« Avemu da fà, avà, a prumuzione d’issu cinquesimu dischettu, da per tuttu in Corsica iss’estatina, è forse in Cuntinente à partesi di u 2024. »
In fine, « Amore à suminera » seria, à ellu solu, cù l’acconci di e voce, a dulcezza di e meludie, è l’impegnu di tutti, un universu musicale sanu.
F.P.
U gruppu isulanu di ceppu balaninu hà esciutu u so ultimu dischettu : « Amore à suminera ». Tredeci creazione arrimbate nantu à a tradizione…
U gruppu Meridianu hè un percorsu di vinti anni. Natu in u 2003, hà principiatu cù canti in paghjella nanzu di piglià un versu più mudernu. « Simu cullati sin’à cinque, spiega Ghjuvan Antò Orticoni, unu di i so membri, dapoi qualchì annu, simu trè è ci cunvene megliu. »
Originaria di u paisolu di u Palmentu, in Balagna, a struttura hà pussutu fà a so strada in vinti anni. Escendu quattru dischetti : «Ùn trima puru più » (2006), « A voce viva » (2009), « Alma di quì » (2012) è « Meridiana canta Natale » (2014).
Cusì, in u 2022, u gruppu, chì hè prufessiunale dapoi dece anni, festighjava i so vinti anni. I so membri, Ghjuvan Antò Orticoni, Ghjaseppu Gras è Marc de Lanfranchi, entrutu trè anni fà, anu vulsutu appena scambià di versu. « Avemu dicidu di ripiglià l’identità di prima, aghjusta Ghjuvan Antò Orticoni, arrimbati nantu à l’iniziu in u Palmentu è a nostra scelta d’apertura à u mondu, una manera di sulcà u nostru travagliu nantu à ghjust’appuntu, u meridianu chì incherchja u mondu... »
Di più uriginalità
Dopu à qualchì annu di travagliu, u gruppu hè pertutu da a tradzione per purtà appena d’uriginalità in più è un usu, dinò, più mudernu. Jean-Pierre Orliac hà scrittu a maiò parte di e canzone.
L’inseme di u dischettu novu, chjamatu « Amore à suminera », amore à u sensu u più largu, si compone di tredeci tituli. « Sò cumposizione persunale nantu à scritti sacri : « Stabat Mater », « Vidi aquam », « Requiem », ma dinò canti ripigliati tale è quale cum’è « Diu Vi Salvi Regina ».
U dischettu prupone, à tempu, un’evuluzione « Isul’anima », una nanna assai cunnisciuta « O Ciucciarella », « un uchjata à Tino Rossi, ramenta Ghjuvan Antò Orticoni, è, di sicuru, qualchì creazione : « Una terra in mè », « Canzona per Davia », « Mare Terraniu », « U Castagnu di Favalellu », « Ave Maria » o «Quand’un amicu si ne và », in umaggiu à Antone Sicurani, un cumpagnu sparitu l’annu scorsu…
Acconci classichi
« Per noi, l’essenziale, sò e voce. Ghjè u nostru arnese principale. Di fattu, cantemu, piazzemu seconda, bassu è terza, eppo dopu accunciemu a musica à nantu. »
Cusì, è per l’accunciamentu d’issu dischettu, i so membri anu vulsutu piglià a direzzione di strumenti classichi cù quattru corde. Anu travagliatu in issu sensu quì, cù Camille Ghipponi, musicante è prufessore in Calvi, chì hà assicuratu l’accunciamentu di « Amore à suminera ».
U prughettu hè statu cuncepitu, à tempu, in Corsica è in Italia (ind’una catedrale) cù a participazione di Davide Pastorino, un famosu tenore. L’altra parte hè stata registrata in u Palmentu, cù musicanti ghjunti da a Francia, Spagna, Pologna è Belgica.
« Avemu da fà, avà, a prumuzione d’issu cinquesimu dischettu, da per tuttu in Corsica iss’estatina, è forse in Cuntinente à partesi di u 2024. »
In fine, « Amore à suminera » seria, à ellu solu, cù l’acconci di e voce, a dulcezza di e meludie, è l’impegnu di tutti, un universu musicale sanu.
F.P.
