Terza << Currinlingua >> da Bunifaziu à Sartè .
Currinlingua , sempre à prò di a lingua corsa
Terza « Currinlingua » da Bunifaziu à Sartè. Sempre à prò di a lingua corsa
L’associu « Parlemu corsu » urganizeghja, issu primu d’ottobre, a terza edizione di a Currinlingua. Un cuncettu chì face a so strada dapoi dighjà dui anni. Intornu à un percorsu da Bunifaziu à Sartè, serà torna una volta l’occasione di racoglie soldi per finanzà prughjetti dedicati à a lingua corsa…
Appena più d’un annu dopu à a seconda corsa di a « Currilingua »
« Hè una corsa chì faci a so strada, spiega Micheli Leccia, capimachja di u Cullettivu « Parlemu Corsu », i dui primi edizioni sò stati una riesciuta maiò, u scopu ùn scambia micca, accoda solda cù l’ugittivu di finanzà prugetta maiori à favori di l’usu di u corsu. Ùn si corri micca par vincia, hè una corsa cù un testimoniu à trasmetta. »
30000 euros racolti
L’idea hè simplice, « cumprà » un chilometru (100 euros da una associu, un particulare, una stituzione, ecc…) è creà una catena senza rumpila da a partanza sin’à a fine. Ogni chilometru deve esse cumpratu da un’entità diferente. Cusì, è dopu à Borgu-A Sulinzara (2021) Aleria-Bunifaziu (2022), l’urganizatori pruponenu una cuntinuità cù un percorsu chì parterà da Bunifaziu per sbuccà in Sartè cù cinquanta cinque chilometri. « Un parcorsu appena più duru cù a cuddata sin’à Sartè,aghjusta Micheli Leccia, avemu da parta da Bunifaziu (ch 0 à 14), Figari (15 è 16), Pianottuli Caldareddu (17 à 25), Munacia d’Auddè (26 à 31) per finiscia in Sartè (32 à 55). »
Prughjetti cuncreti
L’ultimu passaghju, da Munacia à Sartè serà u più longu (23 chilometri). E duie edizione passate anu permessu di racoglie guasgi 30000 euros, sempre da mette in piazza parechje azzione cuncrete. « Si tratta di prugetti cù una vucazioni pirenna... »
Cusì, parechji prughjetti anu dighjà vistu u ghjornu…
-« Chì si faci », un’appiegazioni per telefunini cuncepita da a squadra di u Cullettivu, permette, in un cliccu, d’avè a pussibilità d’accede à una surghjente d’infurmazione rilativa à tuttu ciò chì si face in lingua corsa.
- »Pulinumia » hè un libracciolu per spiegà a pulinumia à tutti, un cuncettu sviluppatu da u suciulinguisticu Ghjuvan Battista Marcellesi…
- »Rubbutiscola » si vole un attellu « Parlemu Corsu » di rubbotica in lingua corsa. « L’uggitivu hè di rializà un insignamentu in immersioni par imparà a rubbotica à traversu a lingua corsa. Un prugettu ch’è noi vulemu appughjà à l’insignamentu... »
-In fine, cù Furmanima, si tratta di furmà à l’usu di a lingua corsa. L’animatori sò chjamati à spessu à sprimasi à un microfonu per participà à fiere o manifestazione particulare. Un prughjettu messu in piazza à a rientrata di u 2021…
Intornu à una video di trè minute sottu à a canzona « Viaghji » di Canta u Populu Corsu, a squadra di « Parlemu Corsu » face a prumuzione d’iss ‘edizione 2023. L’urganizatori anu sceltu un tempu menu caldu ch’à l’occasione di e duie edizione scorse. Ciò chì hà da permete, forse, d’avè tutte e scrizzione registrate à tempu. Corre à prò di a lingua corsa, un evenimentu maiò per tutti quelli chì a volenu difende…
F.P.
Scrizzione : www.parlemucorsu.corsica
Cuntattu : 06-78-65-20-72
L’associu « Parlemu corsu » urganizeghja, issu primu d’ottobre, a terza edizione di a Currinlingua. Un cuncettu chì face a so strada dapoi dighjà dui anni. Intornu à un percorsu da Bunifaziu à Sartè, serà torna una volta l’occasione di racoglie soldi per finanzà prughjetti dedicati à a lingua corsa…
Appena più d’un annu dopu à a seconda corsa di a « Currilingua »
« Hè una corsa chì faci a so strada, spiega Micheli Leccia, capimachja di u Cullettivu « Parlemu Corsu », i dui primi edizioni sò stati una riesciuta maiò, u scopu ùn scambia micca, accoda solda cù l’ugittivu di finanzà prugetta maiori à favori di l’usu di u corsu. Ùn si corri micca par vincia, hè una corsa cù un testimoniu à trasmetta. »
30000 euros racolti
L’idea hè simplice, « cumprà » un chilometru (100 euros da una associu, un particulare, una stituzione, ecc…) è creà una catena senza rumpila da a partanza sin’à a fine. Ogni chilometru deve esse cumpratu da un’entità diferente. Cusì, è dopu à Borgu-A Sulinzara (2021) Aleria-Bunifaziu (2022), l’urganizatori pruponenu una cuntinuità cù un percorsu chì parterà da Bunifaziu per sbuccà in Sartè cù cinquanta cinque chilometri. « Un parcorsu appena più duru cù a cuddata sin’à Sartè,aghjusta Micheli Leccia, avemu da parta da Bunifaziu (ch 0 à 14), Figari (15 è 16), Pianottuli Caldareddu (17 à 25), Munacia d’Auddè (26 à 31) per finiscia in Sartè (32 à 55). »
Prughjetti cuncreti
L’ultimu passaghju, da Munacia à Sartè serà u più longu (23 chilometri). E duie edizione passate anu permessu di racoglie guasgi 30000 euros, sempre da mette in piazza parechje azzione cuncrete. « Si tratta di prugetti cù una vucazioni pirenna... »
Cusì, parechji prughjetti anu dighjà vistu u ghjornu…
-« Chì si faci », un’appiegazioni per telefunini cuncepita da a squadra di u Cullettivu, permette, in un cliccu, d’avè a pussibilità d’accede à una surghjente d’infurmazione rilativa à tuttu ciò chì si face in lingua corsa.
- »Pulinumia » hè un libracciolu per spiegà a pulinumia à tutti, un cuncettu sviluppatu da u suciulinguisticu Ghjuvan Battista Marcellesi…
- »Rubbutiscola » si vole un attellu « Parlemu Corsu » di rubbotica in lingua corsa. « L’uggitivu hè di rializà un insignamentu in immersioni par imparà a rubbotica à traversu a lingua corsa. Un prugettu ch’è noi vulemu appughjà à l’insignamentu... »
-In fine, cù Furmanima, si tratta di furmà à l’usu di a lingua corsa. L’animatori sò chjamati à spessu à sprimasi à un microfonu per participà à fiere o manifestazione particulare. Un prughjettu messu in piazza à a rientrata di u 2021…
Intornu à una video di trè minute sottu à a canzona « Viaghji » di Canta u Populu Corsu, a squadra di « Parlemu Corsu » face a prumuzione d’iss ‘edizione 2023. L’urganizatori anu sceltu un tempu menu caldu ch’à l’occasione di e duie edizione scorse. Ciò chì hà da permete, forse, d’avè tutte e scrizzione registrate à tempu. Corre à prò di a lingua corsa, un evenimentu maiò per tutti quelli chì a volenu difende…
F.P.
Scrizzione : www.parlemucorsu.corsica
Cuntattu : 06-78-65-20-72
