L'Attrachju : vinticinque anni di passione
U so cinquesimu dischettu
L’attrachju : vinticinque anni di passione
Issu gruppu di ceppu, per a maiò parte di membri castagnicciaghji, escerà l’annu chì vene, u so cinquesimu dischettu. L’occasione, à traversu un quartu di seculu di u so campà, di sfuglià u so percorsu…
Semu in u 1998. Cum’è tanti altri, unepochi di ghjovani liceani di u Fangu, in Bastia, decidenu d’aduniscesi per cantà inseme è sopratuttu fà campà a cultura corsa. Frà elli, Tumasgiu Pasquali è Lurenzu Filippi, tutti passiunati. Sò dece in tuttu è anu da creà un gruppu, l’Attrachju, nome sceltu à tempu per sparte un mumentu è dinò di sulcà un chjassu ver di un’alba nova. U destinu hè in marchja. Un annu dopu, escerà un primu dischettu dedicatu solu à a pulifunia sacra è prufana. « A paghjella, spiega Ghjuvan Larenzu Luciani, unu di i capimachja di u gruppu, ghjuntu più tardi, hè sempre stata u solcu di u gruppu. Eu sò ghjuntu dopu ma cantemu sempre, dapoi iss’anni quì, paghjelle è canti tradiziunali. »
Una decina di membri
À pocu à pocu, sò ghjunti voce nove purtendu u gruppu à una decina di membri, sei cantadori è trè o quattru musicanti , aghjustendu ghitarra bassa è urganettu. È ghjè cusì chè l’attrachju hà fattu a so strada. In, u 2005, nasce un primu didscu musicale « Passi di vita » cù canzone cum’è « Mare d’Argentu », « viaghja luntanu » o « Fiaschetta ». U gruppu si face cunnosce è caccia un’altru dischettu in u 2009, « Di radiche spannate » cù a famosa canzona « Nova virtù » chè tuttu u mondu cunnosce in Corsica. Strada facendu, u gruppu face entre personne nove è si mette à aduprà d’altri strumenti cum’è a cetera o u viulinu. « U nostru stilu vene d’influenze diverse, aghjusta Ghjuvan Lurenzu Luciani, pò esse appena folk, arradicatu in a nostra tradizione ma, à tempu, in a musica di u Mediterraneu o ancu celticu cù a cetera. »
Un dischettu novu in u 2024
Tercani di a puesia corsa cum’è Ghjuvan Teramu Rocchi, Ghjuvan Federicu Terrazzoni o Ghjacumu Fusina anu scrittu per u gruppu. Dopu à « Infusgià si », esciutu in u 2017, l’attrachju hà festghjatu i so vinti anni cù una girata maiò. Dapoi, cinque anni sò passati è u gruppu travaglia nantu à un dischettu novu chì serà u so cinquesimu. « Per avà, ondeci tituli sò pronti. Ma a particularità hè chì, sta volta, circhemu à scrive da per noi. Francescu Luciani, u mo cuginu, hà scrittu qualchì puesia, l’avemu messe in musica, sempre nantu à u nostru filu. Ci seranu strumenti novi (urganettu) è forse qualchì surpresa.»
U dischettu chì puderia esse battizatu « Una sfida » hè, per avà, in a so fasa di registramentu. Aspettendu a so esciuta da quì à un annu. Frà tempu, u gruppu hà da cuntinuà à cantà è purtà u so estru nustrale nantu à scene di Corsica…
F.P.
L’attrachju
Ghjuvan Lurenzu Luciani : voce, ghitarra è cetera
Tumasgiu Pasquali : voce
Lurenzu Filippi : voce
Arnaud Gabrielli : voce è ghitarra
Filippu Antone Angeli : voce
Francescu Luciani : voce è scrittura
Anghjulu Panza : viulinu
Ghjuvan Paulu Maurizi : batteria
Issu gruppu di ceppu, per a maiò parte di membri castagnicciaghji, escerà l’annu chì vene, u so cinquesimu dischettu. L’occasione, à traversu un quartu di seculu di u so campà, di sfuglià u so percorsu…
Semu in u 1998. Cum’è tanti altri, unepochi di ghjovani liceani di u Fangu, in Bastia, decidenu d’aduniscesi per cantà inseme è sopratuttu fà campà a cultura corsa. Frà elli, Tumasgiu Pasquali è Lurenzu Filippi, tutti passiunati. Sò dece in tuttu è anu da creà un gruppu, l’Attrachju, nome sceltu à tempu per sparte un mumentu è dinò di sulcà un chjassu ver di un’alba nova. U destinu hè in marchja. Un annu dopu, escerà un primu dischettu dedicatu solu à a pulifunia sacra è prufana. « A paghjella, spiega Ghjuvan Larenzu Luciani, unu di i capimachja di u gruppu, ghjuntu più tardi, hè sempre stata u solcu di u gruppu. Eu sò ghjuntu dopu ma cantemu sempre, dapoi iss’anni quì, paghjelle è canti tradiziunali. »
Una decina di membri
À pocu à pocu, sò ghjunti voce nove purtendu u gruppu à una decina di membri, sei cantadori è trè o quattru musicanti , aghjustendu ghitarra bassa è urganettu. È ghjè cusì chè l’attrachju hà fattu a so strada. In, u 2005, nasce un primu didscu musicale « Passi di vita » cù canzone cum’è « Mare d’Argentu », « viaghja luntanu » o « Fiaschetta ». U gruppu si face cunnosce è caccia un’altru dischettu in u 2009, « Di radiche spannate » cù a famosa canzona « Nova virtù » chè tuttu u mondu cunnosce in Corsica. Strada facendu, u gruppu face entre personne nove è si mette à aduprà d’altri strumenti cum’è a cetera o u viulinu. « U nostru stilu vene d’influenze diverse, aghjusta Ghjuvan Lurenzu Luciani, pò esse appena folk, arradicatu in a nostra tradizione ma, à tempu, in a musica di u Mediterraneu o ancu celticu cù a cetera. »
Un dischettu novu in u 2024
Tercani di a puesia corsa cum’è Ghjuvan Teramu Rocchi, Ghjuvan Federicu Terrazzoni o Ghjacumu Fusina anu scrittu per u gruppu. Dopu à « Infusgià si », esciutu in u 2017, l’attrachju hà festghjatu i so vinti anni cù una girata maiò. Dapoi, cinque anni sò passati è u gruppu travaglia nantu à un dischettu novu chì serà u so cinquesimu. « Per avà, ondeci tituli sò pronti. Ma a particularità hè chì, sta volta, circhemu à scrive da per noi. Francescu Luciani, u mo cuginu, hà scrittu qualchì puesia, l’avemu messe in musica, sempre nantu à u nostru filu. Ci seranu strumenti novi (urganettu) è forse qualchì surpresa.»
U dischettu chì puderia esse battizatu « Una sfida » hè, per avà, in a so fasa di registramentu. Aspettendu a so esciuta da quì à un annu. Frà tempu, u gruppu hà da cuntinuà à cantà è purtà u so estru nustrale nantu à scene di Corsica…
F.P.
L’attrachju
Ghjuvan Lurenzu Luciani : voce, ghitarra è cetera
Tumasgiu Pasquali : voce
Lurenzu Filippi : voce
Arnaud Gabrielli : voce è ghitarra
Filippu Antone Angeli : voce
Francescu Luciani : voce è scrittura
Anghjulu Panza : viulinu
Ghjuvan Paulu Maurizi : batteria
