Assocciu << Arc en ciel >> : da u sonniu à a realità
Creatu à u nivellu naziunale in u 1991 da Alain è Monique Nesme, iss’associu vole rigalà qualchì mumentu di benestà à zitelli tocchi da a malatia.
Associu « Arc en ciel » : da u sonniu à a realità
Creatu à u nivellu naziunale in u 1991 da Alain è Monique Nesme, iss’associu vole rigalà qualchì mumentu di benestà à zitelli tocchi da a malatia. Dapoi dui anni, Joël Bazzali, respunsevule regiunale, hà decisu d’impegnà si.
Ùn ci peghju, in a vita, chè un zitellu toccu da una malatia grava. Hè à partesi d’issu custattu chè un coppiu, Monique è Alain Nesme, originariu di l’Ain decide, in l’anni novanta di creà « Arc en Ciel ». Una struttura chì u scopu hè di permette à i zitelli malati di campà mumenti di gioia à traversu imbusche particulare. Sonnii zitellini, pocu impreme a tematica. Un prughjettu purtatu, à l’iniziu, cù l’accunsentu di i medichi.
Sophie Marceau è Christophe Willem cumpari
Un annu dopu, a famosa attrice Sophie Marceau diventa cummare di l’associu. A struttura avanza à pocu à pocu è assai benevulenti l’aghjunghjenu. D’altre nascenu nantu à u territoriu. Ma micca in Corsica. « Eru, dui anni fà, à l’ospedale di a Timone, In Marseglia, spiega Joël Bazzali, è aghju vistu durante issa perioda quì, chè issi zitelli avianu bisognu di campà sonnii per, ghjust’à puntu sorte qualchì mumentu da a malatia. Mi sò avvicinatu di l’associu per impegnà quì, in Corsica, à prò di i zitelli malati è truvà suluzione.»
A struttura ùn adunisce chè dodeci persune spertute in e cità maiò (Parrighji, Nizza, Marseglia, Liò...) ma cù Sophie Marceau prima cummare è dinò Christophe Willem, cumpare dapoi ondeci anni, hà ottenutu una certa legitimità naziunale ciò chì, ci vole à dilla, apre abbastanza porte. « A nostra particularità, aghjusta Joël Bazzali, chì per avà, hè solu à travaglià in u Cismonte di l’Isula, hè di fà un sonniu unicu à ogni zitellu. Ùn sì micca sonnii cumuni à tutti. Ognunu u sceglie è femu ciò chì ci vole per ch’ellu u campi. »
Joël Bazzali hà messu tuttu in piazza, aiutatu da altri membri di l’associu, per ch’un zitellu campi, da quì à pocu, u so sonniu : andà à u mare in u Purtugallu è nutà à mezu à delfini... « Pigliemu tuttu in carica, ancu ,di sicuru, i parenti chì vanu à accumpagnà u so zitellu. » U capimachja regiunale di l’associu cerca à sviluppà u so travagliu è sparghjelu in parechji duminii : ospidali d’Aiacciu è Bastia per prisentà l’associu, i so scopi, i so bisogni, azzione culturale, spurtive caritativi... « Hè impurtante di fà cunnosce a nostra andatura è e nostre primure per cuntinuà à fà sunnià issi zitelli. »
Un macciu trà anziani ghjucadori corsi è di l’OM di ghjugnu
Joël Bazzali ùn manca d’idee per racoglie fondi. Di ghjugnu, un macciu di ballò trà anziani ghjucadori di l’OM è Corsi (Ferri, Camadini, ecc…) in Bastia. « Sò dapoi dui anni, in Cismonte, u scopu questu annu serà di sviluppà a struttura in Pumonte. Ci serà una ghjurnata dedicata à zitelli nantu à a strada di i Sanguinari. In fine, azzione culturale sò dinò priviste postu chè u gruppu « I Messaghjeri » hè statu toccu da issa demarchja è vole purtà a so petra. D’altri gruppi o cantadori, anu da ancu elli, participà... »
A realisazione di u sonniu di u zitellu dumanda un impegnu tamantu : « Avemu bisognu di mezu per sorte u zitellu da l’ospedale, truvà una struttura induve puderà avè un seguitu medicale è, in fine, terzu puntu, avè i mezi finanziari da pudè piglià tutti in carica, trasporti, alloghju, sonniu... »
Per avà, cuntatti sò stati aperti cù qualchì cantadori famosi di l’isula, di manera à creà una manifestazion culturale maiò. A tempu, è sta volta à u nivellu naziunale, l’associu appronta un evenimentu impurtante per i so trenta anni. Sempre per piglià un zitellu per a manu, fà lu campà un sonniu è ritruvà u surisu…
Ph.P.
Associu Arc en Ciel
situ : www.arc-en-ciel.com
Cuntattu : 06-10-79-05-06
Creatu à u nivellu naziunale in u 1991 da Alain è Monique Nesme, iss’associu vole rigalà qualchì mumentu di benestà à zitelli tocchi da a malatia. Dapoi dui anni, Joël Bazzali, respunsevule regiunale, hà decisu d’impegnà si.
Ùn ci peghju, in a vita, chè un zitellu toccu da una malatia grava. Hè à partesi d’issu custattu chè un coppiu, Monique è Alain Nesme, originariu di l’Ain decide, in l’anni novanta di creà « Arc en Ciel ». Una struttura chì u scopu hè di permette à i zitelli malati di campà mumenti di gioia à traversu imbusche particulare. Sonnii zitellini, pocu impreme a tematica. Un prughjettu purtatu, à l’iniziu, cù l’accunsentu di i medichi.
Sophie Marceau è Christophe Willem cumpari
Un annu dopu, a famosa attrice Sophie Marceau diventa cummare di l’associu. A struttura avanza à pocu à pocu è assai benevulenti l’aghjunghjenu. D’altre nascenu nantu à u territoriu. Ma micca in Corsica. « Eru, dui anni fà, à l’ospedale di a Timone, In Marseglia, spiega Joël Bazzali, è aghju vistu durante issa perioda quì, chè issi zitelli avianu bisognu di campà sonnii per, ghjust’à puntu sorte qualchì mumentu da a malatia. Mi sò avvicinatu di l’associu per impegnà quì, in Corsica, à prò di i zitelli malati è truvà suluzione.»
A struttura ùn adunisce chè dodeci persune spertute in e cità maiò (Parrighji, Nizza, Marseglia, Liò...) ma cù Sophie Marceau prima cummare è dinò Christophe Willem, cumpare dapoi ondeci anni, hà ottenutu una certa legitimità naziunale ciò chì, ci vole à dilla, apre abbastanza porte. « A nostra particularità, aghjusta Joël Bazzali, chì per avà, hè solu à travaglià in u Cismonte di l’Isula, hè di fà un sonniu unicu à ogni zitellu. Ùn sì micca sonnii cumuni à tutti. Ognunu u sceglie è femu ciò chì ci vole per ch’ellu u campi. »
Joël Bazzali hà messu tuttu in piazza, aiutatu da altri membri di l’associu, per ch’un zitellu campi, da quì à pocu, u so sonniu : andà à u mare in u Purtugallu è nutà à mezu à delfini... « Pigliemu tuttu in carica, ancu ,di sicuru, i parenti chì vanu à accumpagnà u so zitellu. » U capimachja regiunale di l’associu cerca à sviluppà u so travagliu è sparghjelu in parechji duminii : ospidali d’Aiacciu è Bastia per prisentà l’associu, i so scopi, i so bisogni, azzione culturale, spurtive caritativi... « Hè impurtante di fà cunnosce a nostra andatura è e nostre primure per cuntinuà à fà sunnià issi zitelli. »
Un macciu trà anziani ghjucadori corsi è di l’OM di ghjugnu
Joël Bazzali ùn manca d’idee per racoglie fondi. Di ghjugnu, un macciu di ballò trà anziani ghjucadori di l’OM è Corsi (Ferri, Camadini, ecc…) in Bastia. « Sò dapoi dui anni, in Cismonte, u scopu questu annu serà di sviluppà a struttura in Pumonte. Ci serà una ghjurnata dedicata à zitelli nantu à a strada di i Sanguinari. In fine, azzione culturale sò dinò priviste postu chè u gruppu « I Messaghjeri » hè statu toccu da issa demarchja è vole purtà a so petra. D’altri gruppi o cantadori, anu da ancu elli, participà... »
A realisazione di u sonniu di u zitellu dumanda un impegnu tamantu : « Avemu bisognu di mezu per sorte u zitellu da l’ospedale, truvà una struttura induve puderà avè un seguitu medicale è, in fine, terzu puntu, avè i mezi finanziari da pudè piglià tutti in carica, trasporti, alloghju, sonniu... »
Per avà, cuntatti sò stati aperti cù qualchì cantadori famosi di l’isula, di manera à creà una manifestazion culturale maiò. A tempu, è sta volta à u nivellu naziunale, l’associu appronta un evenimentu impurtante per i so trenta anni. Sempre per piglià un zitellu per a manu, fà lu campà un sonniu è ritruvà u surisu…
Ph.P.
Associu Arc en Ciel
situ : www.arc-en-ciel.com
Cuntattu : 06-10-79-05-06
