Cuncorsu " A casa di a puisia "
Cuncorsu nantu à i passi di Saint -Exupéry
Cuncorsu « A casa di a puisia » : nantu à i passi di Saint-Exupéry
À l’occasione di a so nova edizione, l’associu « A casa di a puisia » ci prupone d’urganizà u so cuncorsu annuale nantu à a tematica « Terre des Hommes » è di parte nantu à i passi di Saint-Ex...Bella sfida per tutti i participanti…
Cuncepitu in u 1999 da Jack Lang, u cuncettu « Le printemps des poètes » hè dedicatu dapoi vinticinqu’anni in tutta a Francia, cù, tutti l’anni, una tematica cumuna. U scopu d’issa manifestazione naziuale è ancu internaziunale hè di sensibilizà u publicu à iss’arte quì. In Corsica, ghjè l’associu « A casa di a puisia » chì hè incaricata di purtà è urganizà u prughjettu. Nata cinque fà, hà suffertu in tempi di u Covid nanzu di piglià, à pocu à pocu, u so volu. Per prova, u premiu di « A Casa » adunisce tutti l’anni più di 200 participanti ghjunti da a Corsica, di sicuru, ma ancu d’altri paesi. L’edizione 2023 di « Le Printemps des Poètes » avia messu in vale à Marianghjula Antonetti-Orsoni (lingua corsa) è Michel Orban (in lingua francese) nantu à a tematica di e fruntiere. Questu annu, a tematica scelta à u nivellu naziunale è à l’occasione di u vinticiquesimu anniversariu di a manifestazione, hè « A Grazia » . Eppuru, l’urganizatori corsi anu vulstu francà si da ciò chì si face di manera usuale cù a tematica propia. Questu annu, ghjè a tematica « Terra di l’omi » chì hè stata scelta da l’urganizatori. Ottanta fà, Antoine de Saint-Exupéry partia da Bastia per a so ultima missione. À traversu issa leia storica cù a Corsica, l’associu hà vulsutu rende un umagiu maiò à u « babbu » di u Principellu » spartitu in ricunniscenza u 31 di marzu di u 1944 dopu à una partanza in Corsica. « Ci hà da essa a cummemurazioni di l’ottanta anni di a so sparizioni, spiega Norbert Paganelli, presidente di l’associu « A casa di a Puisia », ùn avemu vulsutu appughjà ci nantu à a tematica « tradiziunali » di « U veranu di i pueta », ci hà parsu chè rende umagiu à Saint-Exupéry era d’un’impurtanza maiò. Hè qualcosa chì s’hè impostu à noi tutti di manera naturali... »
Un premiu di 500 auri
Tandu, a chjama à i scritti hè stata aperta per un cuncorsu dedicatu à tutti, u publicu, di sicuru ma dinò liceani di l’academia (classe di seconda, prima è terminale... « I candidati, aghjusta Norbert Paganelli, ponu scriva in francesi o in corsu cù una traduzzioni. »
Per ogni sessione, una ghjuria independente gestita da Patrizia Gattaceca sceglierà u scrittu vincitore. À u quellu serà attribuiti un premiu (un’opera d’arte) d’un valore di 500 auri...In fine, è durante l’annu, a ghjuria sceglierà i scritti chì seranu publicati in un librettu. L’occasione di mette in vale, u travagliu d’ognunu. Una manifestazione chì mette in vale i pueta corsi è d’altrò per quelli chì scrivenu in francese. È u sustegnu di a Cullettività di Corsica.
Ogni candidatu ùn pò mandà chè un scrittu à « A casa di a puisia di a Corsica » à l’indirizzu : casadiapuisia@laposte.net
L’urganizatori ramentanu chè tutte e forme di puiesie sò accettate mentre chè u so scrittu ùn franca micca una pagina (duie per u scrittu in corsu chì deve esse traduttu. A limita di l’invii hè purtata à u prima di marzu di u 2024 à mezanotte. Resultati d’aprile…
F.P.
À l’occasione di a so nova edizione, l’associu « A casa di a puisia » ci prupone d’urganizà u so cuncorsu annuale nantu à a tematica « Terre des Hommes » è di parte nantu à i passi di Saint-Ex...Bella sfida per tutti i participanti…
Cuncepitu in u 1999 da Jack Lang, u cuncettu « Le printemps des poètes » hè dedicatu dapoi vinticinqu’anni in tutta a Francia, cù, tutti l’anni, una tematica cumuna. U scopu d’issa manifestazione naziuale è ancu internaziunale hè di sensibilizà u publicu à iss’arte quì. In Corsica, ghjè l’associu « A casa di a puisia » chì hè incaricata di purtà è urganizà u prughjettu. Nata cinque fà, hà suffertu in tempi di u Covid nanzu di piglià, à pocu à pocu, u so volu. Per prova, u premiu di « A Casa » adunisce tutti l’anni più di 200 participanti ghjunti da a Corsica, di sicuru, ma ancu d’altri paesi. L’edizione 2023 di « Le Printemps des Poètes » avia messu in vale à Marianghjula Antonetti-Orsoni (lingua corsa) è Michel Orban (in lingua francese) nantu à a tematica di e fruntiere. Questu annu, a tematica scelta à u nivellu naziunale è à l’occasione di u vinticiquesimu anniversariu di a manifestazione, hè « A Grazia » . Eppuru, l’urganizatori corsi anu vulstu francà si da ciò chì si face di manera usuale cù a tematica propia. Questu annu, ghjè a tematica « Terra di l’omi » chì hè stata scelta da l’urganizatori. Ottanta fà, Antoine de Saint-Exupéry partia da Bastia per a so ultima missione. À traversu issa leia storica cù a Corsica, l’associu hà vulsutu rende un umagiu maiò à u « babbu » di u Principellu » spartitu in ricunniscenza u 31 di marzu di u 1944 dopu à una partanza in Corsica. « Ci hà da essa a cummemurazioni di l’ottanta anni di a so sparizioni, spiega Norbert Paganelli, presidente di l’associu « A casa di a Puisia », ùn avemu vulsutu appughjà ci nantu à a tematica « tradiziunali » di « U veranu di i pueta », ci hà parsu chè rende umagiu à Saint-Exupéry era d’un’impurtanza maiò. Hè qualcosa chì s’hè impostu à noi tutti di manera naturali... »
Un premiu di 500 auri
Tandu, a chjama à i scritti hè stata aperta per un cuncorsu dedicatu à tutti, u publicu, di sicuru ma dinò liceani di l’academia (classe di seconda, prima è terminale... « I candidati, aghjusta Norbert Paganelli, ponu scriva in francesi o in corsu cù una traduzzioni. »
Per ogni sessione, una ghjuria independente gestita da Patrizia Gattaceca sceglierà u scrittu vincitore. À u quellu serà attribuiti un premiu (un’opera d’arte) d’un valore di 500 auri...In fine, è durante l’annu, a ghjuria sceglierà i scritti chì seranu publicati in un librettu. L’occasione di mette in vale, u travagliu d’ognunu. Una manifestazione chì mette in vale i pueta corsi è d’altrò per quelli chì scrivenu in francese. È u sustegnu di a Cullettività di Corsica.
Ogni candidatu ùn pò mandà chè un scrittu à « A casa di a puisia di a Corsica » à l’indirizzu : casadiapuisia@laposte.net
L’urganizatori ramentanu chè tutte e forme di puiesie sò accettate mentre chè u so scrittu ùn franca micca una pagina (duie per u scrittu in corsu chì deve esse traduttu. A limita di l’invii hè purtata à u prima di marzu di u 2024 à mezanotte. Resultati d’aprile…
F.P.
