« Couteaux et stylets corses » : l’opera nustrale nustrale di Ghjuvanni Biancucci
Una storia di 10 000 anni
« Couteaux et stylets corses » : l’opera nustrale nustrale di Ghjuvanni Biancucci
L’anzianu cultellaghju chì fù dinò bancalaru, hè esciutu, di nuvembre un libru nantu à a storia è u sapè fà di tuttu ciò chì tocca à i cultelli. Un travagliu ch’ellu vole nanzu à tuttu tramandà…
Ghjuvanni Biancucci, merre di Cutuli è Curtichjatu è l’universu di i cultelli, una storia di trenta anni... « Prima, eru bancalaru, spiega l’omu, aghju travagliatu u legnu, fattu mobuli...In u 1994, avemi dicisu, cù i me figliolu, Paulu, di travaglià a cultedda... »
Una storia di 10000 anni
Dopu avè lasciatu a seguita à u so figliolu, s’hè cunsacratu, di più à d’altre tematiche, ma tinendu sempre in capu, issa passione. Hè ghjust’à puntu issa passione chì l’hà purta à scrive « Couteaux et stylets corses » di nuvembre scorsu à l’edizione Alain Piazzola. Un libru di cinquecentu pagine nantu à a storia, vuliu da veru prupona à i generazioni d’oghji, tuttu un travagliu nantu à i sapè fè è particularmenti quissu quì. »
Cusì, Ghjuvanni Biancucci racoglie testimonii è ducumenti -dopu à u Covid- è s’arremba, à tempu nantu à u so sapè fà è a so sperienza d’artisgianu. L’omi, e tradizione, e tecniche, e materie aduprate, a legge dinò d’iss’ultimi anni, sò seculi è seculi chì sò mintuati in iss’opera quì. « Si tratta d’un duminiu ancu archeologicu, ripiglia l’autore, chì a cultedda accumpagna l’omu dipoi sempri. Hè una storia di 10000 anni. Eppo, secondu à l’evuluzioni, a cultedda era un ugettu parsunali. »
U libru c’invinta à un viaghju induve parechji duminii sò cuncernati : u sapè fà, l’usi, a storia, l’archeulugia, l’aspettu scientificu...S’ampara, per indettu, a manera di travaglià l’acciaghju, i minelli (pigliati nantu à l’isula d’Elbe), i lochi induve a tradizione s’hè mantenuta, quelli induve hè sparita, a sfarenza trà a cultella (nome feminile), chì si piega è u cultellu, chì serve à manghjà è ch’ùn si piega micca. L’autore hà avutu l’aiutu di scientifichi, archeolughi eppo hà racoltu ducumenti à l’archivi, in Bastia, Aiacciu, Corti, in Balagna è a u serviziu di u patrimoniu di a Cullettività di Corsica.
Verdi un libru nantu à u legnu
« Ci voli à sapè ch’in Corsica, certi lochi com’è l’Aschesu, u Niolu, a Castagniccia, i lochi di muntagna, ani mantinuta iss’usi quì sin’à 100 fà. A putenza industriali di XIXu seculu, ci hà fattu mali cù l’arrivu di ciò ch’eddi chjamavani a Vindetta è chì hà pigliatu a suprana. U travagliu ùn hà nudda à chì veda cù i nosci usi. »
U librone impurtante per tutti quelli chì ne volenu sapè di più nantu à l’usi di nanzu chì riprisenta una ricchezza maiò ind’è noi. « Pà avà, aghjusta l’autore, u ritornu hè bonu. A ghjenti mi chjama pà ringrazià mi, dumandà rinsignamenti...Pà mè, ciò chì hè u più impurtanti hè di tramandà tutti issi sapè fà à i nosci ghjovani. Sò eddi l’avvena è deveni arrimbà si nantu à què pà custruì a Corsica di dumani... »
Ghjuvanni Biancucci travaglia dighjà nantu à un’altra tematica, quella di u legnu. « Quì dinò, ci hè un sapè fà strasordinariu cù i mobuli ma dinò tanti stuvigli fatti in legnu...Aghju principiatu à travaglià à nantu... »Torna usi da tramandà.
F.P.
L’anzianu cultellaghju chì fù dinò bancalaru, hè esciutu, di nuvembre un libru nantu à a storia è u sapè fà di tuttu ciò chì tocca à i cultelli. Un travagliu ch’ellu vole nanzu à tuttu tramandà…
Ghjuvanni Biancucci, merre di Cutuli è Curtichjatu è l’universu di i cultelli, una storia di trenta anni... « Prima, eru bancalaru, spiega l’omu, aghju travagliatu u legnu, fattu mobuli...In u 1994, avemi dicisu, cù i me figliolu, Paulu, di travaglià a cultedda... »
Una storia di 10000 anni
Dopu avè lasciatu a seguita à u so figliolu, s’hè cunsacratu, di più à d’altre tematiche, ma tinendu sempre in capu, issa passione. Hè ghjust’à puntu issa passione chì l’hà purta à scrive « Couteaux et stylets corses » di nuvembre scorsu à l’edizione Alain Piazzola. Un libru di cinquecentu pagine nantu à a storia, vuliu da veru prupona à i generazioni d’oghji, tuttu un travagliu nantu à i sapè fè è particularmenti quissu quì. »
Cusì, Ghjuvanni Biancucci racoglie testimonii è ducumenti -dopu à u Covid- è s’arremba, à tempu nantu à u so sapè fà è a so sperienza d’artisgianu. L’omi, e tradizione, e tecniche, e materie aduprate, a legge dinò d’iss’ultimi anni, sò seculi è seculi chì sò mintuati in iss’opera quì. « Si tratta d’un duminiu ancu archeologicu, ripiglia l’autore, chì a cultedda accumpagna l’omu dipoi sempri. Hè una storia di 10000 anni. Eppo, secondu à l’evuluzioni, a cultedda era un ugettu parsunali. »
U libru c’invinta à un viaghju induve parechji duminii sò cuncernati : u sapè fà, l’usi, a storia, l’archeulugia, l’aspettu scientificu...S’ampara, per indettu, a manera di travaglià l’acciaghju, i minelli (pigliati nantu à l’isula d’Elbe), i lochi induve a tradizione s’hè mantenuta, quelli induve hè sparita, a sfarenza trà a cultella (nome feminile), chì si piega è u cultellu, chì serve à manghjà è ch’ùn si piega micca. L’autore hà avutu l’aiutu di scientifichi, archeolughi eppo hà racoltu ducumenti à l’archivi, in Bastia, Aiacciu, Corti, in Balagna è a u serviziu di u patrimoniu di a Cullettività di Corsica.
Verdi un libru nantu à u legnu
« Ci voli à sapè ch’in Corsica, certi lochi com’è l’Aschesu, u Niolu, a Castagniccia, i lochi di muntagna, ani mantinuta iss’usi quì sin’à 100 fà. A putenza industriali di XIXu seculu, ci hà fattu mali cù l’arrivu di ciò ch’eddi chjamavani a Vindetta è chì hà pigliatu a suprana. U travagliu ùn hà nudda à chì veda cù i nosci usi. »
U librone impurtante per tutti quelli chì ne volenu sapè di più nantu à l’usi di nanzu chì riprisenta una ricchezza maiò ind’è noi. « Pà avà, aghjusta l’autore, u ritornu hè bonu. A ghjenti mi chjama pà ringrazià mi, dumandà rinsignamenti...Pà mè, ciò chì hè u più impurtanti hè di tramandà tutti issi sapè fà à i nosci ghjovani. Sò eddi l’avvena è deveni arrimbà si nantu à què pà custruì a Corsica di dumani... »
Ghjuvanni Biancucci travaglia dighjà nantu à un’altra tematica, quella di u legnu. « Quì dinò, ci hè un sapè fà strasordinariu cù i mobuli ma dinò tanti stuvigli fatti in legnu...Aghju principiatu à travaglià à nantu... »Torna usi da tramandà.
F.P.
