• Le doyen de la presse Européenne

Trentaseiesimu premiu di u libru Corsu : Trè scrvani à l'onore

Una prova, una fizzione è un libru in lingua corsa eccu.......
Trentaseiesimu premiu di u libru corsu : trè scrivani à l’onore
Una prova, una fizzione è un libru in lingua corsa eccu i trè premiati di a 36a edizione di u libru corsu chì sò stati unurati l’ondeci d’ottobre scorsu in Castifau. Laure Limongi (« On ne peut pas tenir la mer entre ses mains »), Paulu Desanti (« Fiaschi ed altri scumpienti ») è Jean-Cristophe Liccia (« Jeux, musiques, danse et théâtre en Corse ») anu ricevutu u so premiu…

Evenimentu maiò monda aspettatu da a cumunità litteraria corsa dapoi u 1984, u premiu di u libru corsu hè, tutti l’annu, una manera di mette in vale a qualità di scritti in francese o in corsu. Saria a diversità di scrivani, di a scrittura (nuvella, rumanzu, prova, puesia) è ancu di a case d’edizione (a maiò parte ghjunghjenu da a Corsica). Per a 36a edizione, i premii s\o stati cunnisciuti di settembre. L’occasione di mintuà trè scrivani più o menu cunnisciuti.

Trè autore, trè spressione diverse

In a categuria de prove, ghjè Jean-Christophe Liccia chì piglia u premiu per « Jeux, musique, danse et théâtre en Corse-quatre siècles de divertissement » ( dui libri chì vanu da u XVu à u XVIIIu, Edizione Piazzola). Inde issa prova, l’autore hà vulsutu mette in vale a vita di i Corsi durante sta perioda quì. Mintuendu a cultura cum’è una manera di truvà un « passatempu » à l’epica di pettu à una vita ughjinca fatta à spessu du suffrenze è di viulenza. Una manera, à tempu, di mustrà quantu a cultura hè sculpita in a vita di u populu è què dapoi seculi è seculi. Intornu à a tematica di a storia è di u patrimoniu, l’autore hà dighjà scrittu dui libri, « Les servites de Marie et la Balagna » (2001) è « Les maisons d’Américains » (2006) cù Caroline Paoli è Michel-Edouard Nigaglioni.

Ind’a categuria di fizzione litteraria
, hè Laure Limongi chì vince cù « On ne peut pas tenir la mer entre ses mains » (Grasset). Un libru dedicatu à a so mamma chì hà messu…vinti anni per esse scrittu è publicatu. L’autore, cunnisciuta in u mondu di a litteratura è ancdu di l’edizione, hà dighjà publicatu parechji rumanzi cum’è « Doublement sexie (2000), « La rumeur des espaces négatifs » (2005) o « Hashtag Poésies » (2018). Critica litteraria, respunsevule d’una casa d’edizione (Al Dante), cantatrice è membre di u primu master di creazione litteraria, Laure Limonge, chì t’hà e so radiche in Bastia, s’impegna dapoi sempre in a litteratura.

In fine, è in a categuria di a lingua corsa,
Paulu Desanti hè premiatu cù « Fiachi è d’altri scumpienti » (Albania) Uriginariu di Pitretu è Bicchisgià, hè prufessore di lingua è cultura corsa è incaricatu di dà corsi à l’Università. Hà dighjà scrittu in parechji publicazione : U Taravu, A Spannata, Bonanova. Membru di l’associu « Matina Latina », face parte di l’autori chì volenu prumove a parlata pumuntica in periculu. Paulu Desanti hè dighjà statu premiatu ind’una prosa litteraria corsa è sarda (1996 è 1997). Cù « Fiaschi ed altri scumpienti », hà circatu à trattà di a Corsica d’oghje cù reflessione di devenu sensibilià a ghjente. « Esse premiatu, spiega l’autore, permette di mette in vale a lingua corsa chè i so lettori sò pochi… »

I trè scrivani si sò ritruvati l’ondeci d’ottobre nantu à a piazza cumuna di Castifau per riceve u so premiu…
Partager :