<< Paoli 2025 >>, nove mesi per celebrà i trè centu anni di a nascita di Pasquale Paoli
Eletti, sturiani, universitariii, ecc,anu prisentatu vennari scorsu à ,l'Assemblea di Corsica, u prughjettu << Paoli 2025 >>
« Paoli 2025 », nove mesi per celebrà i trè centu anni di a nascita di Pasquale Paoli
Eletti, sturiani, universitarii, ecc, anu prisentatu vennari scorsu à l’Assemblea di Corsica, u prughjettu « Paoli 2025 ». Attelli, cunferenze, mostre, debatiti seranu messi à a dispusizione di u publicu, chjuchi o maiò da issu sei d’aprile, ghjornu di a nascita di « U Babbu » è si compieranu l’ottu di dicembre à l’occasione di a festa di a Nazione. Una manera di sapè ne di più nantu à issu persunaghju maiò di a storia di l’isula.
Guasgi un annu per scopre o simpliciamente amparà ne di più nantu à « U babbu di a Patria », eccu l’assu maiò di a demarchja culturale, ma dinò suciale, storica è patrimuniale, chjamata « Paoli 2025 » è chì hà à partesi d’issa dumenica, celebrà i trè centu anni di a nascita di Paoli in u so paese di Merusaglia. Un persunaghju maiò di a nostra storia, liatu, a sapemu à d’altri paesi cum’è a Francia, l’Inghliterra, l’Italia o i Stati Uniti. Intornu à un labellu specialmente creatu per issu prughjettu, a manifestazione s’hà da sparghje à longu à a « Strada Paulina » induve ellu passò, per finisce l’ottu di dicembre à l’occasione di a festa di a Nazione. Un cumitatu incaricatu di travaglià intornu à issu prughjettu, hè statu messu in piazza qualchì tempu fà. Purtatu da sturiani cum’è Antone Maria Graziani, chì hà studiatu assai à Paoli, masimu scuntrendu à « Lady Rose », Dorothy Carrington. À fiancu à u sturiani, universitarii cum’è Francescu Maria Luneschi, vice presidente di a direzzione di a lingua è a cultura corsa à l’Università, eletti di l’Assemblea di Corsica, di a Cità di Bastia, è, à u capu, Bianca Fazi.
Purtà a memoria di Paoli
« Sò assai fiera di purtà issu prughjettu cù d’altri, ben intesa, spiega l’eletta, masimu chè u me babbu scrivò u libru dedicatu à Paoli in lingua corsa in u 1989. U scopu hè di purtà a memoria di Paoli à traversu parechje imbusche strategiche : un slanciu creativu in a sucetà corsa durante issi novi mesi, cù a valurisazione di u patrimoniu, u cuncettu di demucrazia davanti à l’imbusche oghjinche (cambiamenti climaticu, mundialisazione, tecnulugia, risichi sanitarii), mubilizà a nostra ghjuventù per rapportu à a citadinità muderna, rinfurzà e leia cù l’altri paesi di u Mediterraneu... »
Una demarchja chì si vole umana, artistica, culturale è ancu ecunomica.
S’è a Cullettività di Corsica hè capifila d’issu prughjettu, d’altri partenarii si sò impegnati : l’Università, e stituzione patrimuniale, merrie cuncernate, u Centru Corsica, associ culturali è ancu partenarii internaziunale. Cù forse, a prisenza di membri di l’associu americanu « Paoli City ». « U sguardu nantu à Paoli, ripiglia Bianca Fazi, và aldilà di a nostra isula. Fù un persunaghju di u seculu di i Lumi, assai impurtante, scrivò a prima custituzione democratica à un’epica induve ùn ci era chè Munarchi, fece vutà e donne, fece esce una muneta corsa, un omu di pace... »
Una demarchja festiva
A manifestazione s’hà da sviluppà in attelli diversi per i chjuchi o i maiò, mostre, cunferenze in Tallà, in Casinca, Merusaglia ma dinò à u stranieru (Tusca, Belgica, Napuli). « Avemu vulsutu issa manisfestazione festiva per via di tuttu ciò chì si passa oghje in Corsica...Paoli parlò dinò d’Educazione, una tematica chì ci tocca assai oghje... »
Nove mesi per sapè ne di più nantu à issu persunaghju cunnisciutu da certi, pocu da altri è ch’averemu troppu paragunatu à tortu à Napuliò. Da seguità dopu à a messa celebrata da u Cardinale Bustillo, sin’à l’ottu di dicembre. È un prughjettu, appena cum’è a Festa di a Nazione, chì và aldilà di a storia...
F.P.
Photo : Cullettività di Corsica
Eletti, sturiani, universitarii, ecc, anu prisentatu vennari scorsu à l’Assemblea di Corsica, u prughjettu « Paoli 2025 ». Attelli, cunferenze, mostre, debatiti seranu messi à a dispusizione di u publicu, chjuchi o maiò da issu sei d’aprile, ghjornu di a nascita di « U Babbu » è si compieranu l’ottu di dicembre à l’occasione di a festa di a Nazione. Una manera di sapè ne di più nantu à issu persunaghju maiò di a storia di l’isula.
Guasgi un annu per scopre o simpliciamente amparà ne di più nantu à « U babbu di a Patria », eccu l’assu maiò di a demarchja culturale, ma dinò suciale, storica è patrimuniale, chjamata « Paoli 2025 » è chì hà à partesi d’issa dumenica, celebrà i trè centu anni di a nascita di Paoli in u so paese di Merusaglia. Un persunaghju maiò di a nostra storia, liatu, a sapemu à d’altri paesi cum’è a Francia, l’Inghliterra, l’Italia o i Stati Uniti. Intornu à un labellu specialmente creatu per issu prughjettu, a manifestazione s’hà da sparghje à longu à a « Strada Paulina » induve ellu passò, per finisce l’ottu di dicembre à l’occasione di a festa di a Nazione. Un cumitatu incaricatu di travaglià intornu à issu prughjettu, hè statu messu in piazza qualchì tempu fà. Purtatu da sturiani cum’è Antone Maria Graziani, chì hà studiatu assai à Paoli, masimu scuntrendu à « Lady Rose », Dorothy Carrington. À fiancu à u sturiani, universitarii cum’è Francescu Maria Luneschi, vice presidente di a direzzione di a lingua è a cultura corsa à l’Università, eletti di l’Assemblea di Corsica, di a Cità di Bastia, è, à u capu, Bianca Fazi.
Purtà a memoria di Paoli
« Sò assai fiera di purtà issu prughjettu cù d’altri, ben intesa, spiega l’eletta, masimu chè u me babbu scrivò u libru dedicatu à Paoli in lingua corsa in u 1989. U scopu hè di purtà a memoria di Paoli à traversu parechje imbusche strategiche : un slanciu creativu in a sucetà corsa durante issi novi mesi, cù a valurisazione di u patrimoniu, u cuncettu di demucrazia davanti à l’imbusche oghjinche (cambiamenti climaticu, mundialisazione, tecnulugia, risichi sanitarii), mubilizà a nostra ghjuventù per rapportu à a citadinità muderna, rinfurzà e leia cù l’altri paesi di u Mediterraneu... »
Una demarchja chì si vole umana, artistica, culturale è ancu ecunomica.
S’è a Cullettività di Corsica hè capifila d’issu prughjettu, d’altri partenarii si sò impegnati : l’Università, e stituzione patrimuniale, merrie cuncernate, u Centru Corsica, associ culturali è ancu partenarii internaziunale. Cù forse, a prisenza di membri di l’associu americanu « Paoli City ». « U sguardu nantu à Paoli, ripiglia Bianca Fazi, và aldilà di a nostra isula. Fù un persunaghju di u seculu di i Lumi, assai impurtante, scrivò a prima custituzione democratica à un’epica induve ùn ci era chè Munarchi, fece vutà e donne, fece esce una muneta corsa, un omu di pace... »
Una demarchja festiva
A manifestazione s’hà da sviluppà in attelli diversi per i chjuchi o i maiò, mostre, cunferenze in Tallà, in Casinca, Merusaglia ma dinò à u stranieru (Tusca, Belgica, Napuli). « Avemu vulsutu issa manisfestazione festiva per via di tuttu ciò chì si passa oghje in Corsica...Paoli parlò dinò d’Educazione, una tematica chì ci tocca assai oghje... »
Nove mesi per sapè ne di più nantu à issu persunaghju cunnisciutu da certi, pocu da altri è ch’averemu troppu paragunatu à tortu à Napuliò. Da seguità dopu à a messa celebrata da u Cardinale Bustillo, sin’à l’ottu di dicembre. È un prughjettu, appena cum’è a Festa di a Nazione, chì và aldilà di a storia...
F.P.
Photo : Cullettività di Corsica
