Terza edizione di u Cruzinu in festa
L'associu << a casa di zia Mattea >> , purtata da Vannina Bruna, urganizeghja i 19 è 20 d'aprile nantu à a cumuna di u Salge, a terza edizione di << U Cruziu in festa >>
Terza edizione di u Cruzinu in festa
l’associu « a casa di zia Mattea », purtata da Vannina Bruna, urganizeghja i 19 è 20 d’aprile nantu à a cumuna di u Salge, a terza edizione di « U Cruziu in festa ». Una manifestazione culturale chì cerca à mette in vale u sapè fà è u patrimoniu d’issa pieve…
Fà campà i paesi fora di l’estatina-una scumessa tamata-, eccu u scopu di l’associu « A casa di zia Mattea », creatu in u 2021 da Vannina Bruna. « Oghje, spiega a capimachja, si vede chè i nostri paesi sò vioti. Tuttu u mondu si ne scorda di e so radiche. In più, ùn ci hè animazione ch’à l’occasione di l’estate è masim per una populazione ch’ùn hè micca à capu di a realità ch’è noi campemu tuttu l’annu. »
Un umaggiu à l’arcimammona
Hè à partesi d’issu custattu chè a donna creò l’associu « A casa d i Zia Mattea » quattru anni fà. « Era, aghjusta Vannina, una manera di rende umaggiu à a mo arcimammona, Mattea, chì era arrimbata à valori, sapè è tradizione chì, ci vole à dilla, spariscenu à pocu à pocu ind’è noi. »
Cum’è assai altri corsi, Vannina passa u so tempu trà Aiacciu induve ella travaglia (infirmiera) è u so paese. Senza cuntà l’ore nè u tempu, colla à spessu induve ella hà e so radiche…
Amparera di u cantu in paghjella
In quattru anni, l’associu hà fattu a so strada. Solca a so andatura intornu à attelli culturali chè u più impurtante hè a messa in piazza d’una scola di cantu dedicata à e persone maìo cù, ogni volta, a participazione in tantu chè « furmatori » di cantadori cunnisciuti (Franck Zilana, membri di « I voci di a Gravona »...) « Ci sò dinò residenze d’artisti i u rughjone, u scopu hè di fà campà l’insemi di i nostri paesi cù e nostre manifestazione. »
In issa demarchja quì, u fattu maiò di l’associu, fù dui anni fà, di creà « Cruzinu in festa », masimu à un mumentu abbastanza alluntanatu di l’estate. « L’estatina, assicureghja a presidente, ùn ci hè alcuna manifestazione di l’associu. Ùn la vulemu micca. Ci vole à fà campà i paesi aldilà ! »
A manifestazione hè stata principiata in u 2023 in u Salge. Una prima edizione s’era fattu intornu à un campiunatu di morra cù Lisandru Casamarta, attelli di cantu, pranzu, mercatu, ecc… Un cuncettu mantenutu l’annu scorsu è chì s’hè sviluppatu appena oghje cù un aspettu patrimuniale. « Avanzemu pian’pianinu cuntinueghja Vannina Bruna, u patrimoniu face parte di a nostra memoria. Hè impurtante di tramandà lu à i più ghjovani. »
Hè dunque in stu spiritu quì chè a manifestazione si prisenta a dumenicata prussima. « Avemu da principià cù una visita virtuale di i lochi patrimuniali di Corsi à a sala di e festa u sabbatu, un aspettu archeulogicu dedicatu à i zitelli, sempre u sabbatu matina cù scuperta di a tarra rossa preistorica, u so interessu à iss’epica quì, picculi vasi è piatti fatti in terra rossa cù stuvigli archeulogichi. »
Dopu meziornu, si ripiglierà l’attellu d’amparera di u cantu in paghjella dopu à una cunferenza dedicata à iss’arte anticu. Un cuncertu intornu à una veghja nustrale hè privistu per compie à prima ghjurnata. « A dumenica, ci serà a messa cantata è dinò attelli diversi cum’è quellu d’ogetti tresciati è fabricazione di sporte in vinculu. Dopu, ch’ellu serà a dumenica di pasqua, ci srà l’agnellu arrustitu è una « caccia » à l’ovi in cicculata in e strette di u paese, pr i più chjuchi. Di sicuru, tuttu u mondu hè benvenutu per issa terza edizione. »
À più o menu longu andà, l’urganizatori anu da cercà à fà girà attività è a manifstazione in tutti i paesi di u Cruzinu.
F.P.
Photo : Cruzinu in festa
l’associu « a casa di zia Mattea », purtata da Vannina Bruna, urganizeghja i 19 è 20 d’aprile nantu à a cumuna di u Salge, a terza edizione di « U Cruziu in festa ». Una manifestazione culturale chì cerca à mette in vale u sapè fà è u patrimoniu d’issa pieve…
Fà campà i paesi fora di l’estatina-una scumessa tamata-, eccu u scopu di l’associu « A casa di zia Mattea », creatu in u 2021 da Vannina Bruna. « Oghje, spiega a capimachja, si vede chè i nostri paesi sò vioti. Tuttu u mondu si ne scorda di e so radiche. In più, ùn ci hè animazione ch’à l’occasione di l’estate è masim per una populazione ch’ùn hè micca à capu di a realità ch’è noi campemu tuttu l’annu. »
Un umaggiu à l’arcimammona
Hè à partesi d’issu custattu chè a donna creò l’associu « A casa d i Zia Mattea » quattru anni fà. « Era, aghjusta Vannina, una manera di rende umaggiu à a mo arcimammona, Mattea, chì era arrimbata à valori, sapè è tradizione chì, ci vole à dilla, spariscenu à pocu à pocu ind’è noi. »
Cum’è assai altri corsi, Vannina passa u so tempu trà Aiacciu induve ella travaglia (infirmiera) è u so paese. Senza cuntà l’ore nè u tempu, colla à spessu induve ella hà e so radiche…
Amparera di u cantu in paghjella
In quattru anni, l’associu hà fattu a so strada. Solca a so andatura intornu à attelli culturali chè u più impurtante hè a messa in piazza d’una scola di cantu dedicata à e persone maìo cù, ogni volta, a participazione in tantu chè « furmatori » di cantadori cunnisciuti (Franck Zilana, membri di « I voci di a Gravona »...) « Ci sò dinò residenze d’artisti i u rughjone, u scopu hè di fà campà l’insemi di i nostri paesi cù e nostre manifestazione. »
In issa demarchja quì, u fattu maiò di l’associu, fù dui anni fà, di creà « Cruzinu in festa », masimu à un mumentu abbastanza alluntanatu di l’estate. « L’estatina, assicureghja a presidente, ùn ci hè alcuna manifestazione di l’associu. Ùn la vulemu micca. Ci vole à fà campà i paesi aldilà ! »
A manifestazione hè stata principiata in u 2023 in u Salge. Una prima edizione s’era fattu intornu à un campiunatu di morra cù Lisandru Casamarta, attelli di cantu, pranzu, mercatu, ecc… Un cuncettu mantenutu l’annu scorsu è chì s’hè sviluppatu appena oghje cù un aspettu patrimuniale. « Avanzemu pian’pianinu cuntinueghja Vannina Bruna, u patrimoniu face parte di a nostra memoria. Hè impurtante di tramandà lu à i più ghjovani. »
Hè dunque in stu spiritu quì chè a manifestazione si prisenta a dumenicata prussima. « Avemu da principià cù una visita virtuale di i lochi patrimuniali di Corsi à a sala di e festa u sabbatu, un aspettu archeulogicu dedicatu à i zitelli, sempre u sabbatu matina cù scuperta di a tarra rossa preistorica, u so interessu à iss’epica quì, picculi vasi è piatti fatti in terra rossa cù stuvigli archeulogichi. »
Dopu meziornu, si ripiglierà l’attellu d’amparera di u cantu in paghjella dopu à una cunferenza dedicata à iss’arte anticu. Un cuncertu intornu à una veghja nustrale hè privistu per compie à prima ghjurnata. « A dumenica, ci serà a messa cantata è dinò attelli diversi cum’è quellu d’ogetti tresciati è fabricazione di sporte in vinculu. Dopu, ch’ellu serà a dumenica di pasqua, ci srà l’agnellu arrustitu è una « caccia » à l’ovi in cicculata in e strette di u paese, pr i più chjuchi. Di sicuru, tuttu u mondu hè benvenutu per issa terza edizione. »
À più o menu longu andà, l’urganizatori anu da cercà à fà girà attività è a manifstazione in tutti i paesi di u Cruzinu.
F.P.
Photo : Cruzinu in festa
