Antone Tramin i canta è scrive u Medievu corsu
L’artistu isulanu escerà, à a fine di ghjugnu, u so ultimu prughjettu. « Medievu », un prughjettu sviluppatu à partesi d’un missiavu chì conta u medievu à a so puffigliola…
Antone Tramini canta è scrive u Medievu corsu
L’artistu isulanu escerà, à a fine di ghjugnu, u so ultimu prughjettu. « Medievu », un prughjettu sviluppatu à partesi d’un missiavu chì conta u medievu à a so puffigliola…
Cunniscimu dapoi quaranta anni, l’impegnu à prò di a lingua è a cultura corsa d’Antone Tramini. « I voci di a Gravona », « Diana di l’Alba », « Mimoria tramandata », ùn si contanu più e strutture induve ellu hà participatu. Senza cuntà nantu a so scola di cantu, corsi di lingua corsa è u so travagli di cultellaghju... Ultimu prughjettu, a storia di u medievu cuntata è cantata, cum’è sempre, à modu soiu. Un prughjettu vechju di dodeci anni…
Primi passi in u...2013
« A storia di u Medievu corsu, hè qualcosa chì m’hà sempri passiunatu, spiaga u cantadore, di fattu, i cosi sò pochi cambiati oghji. Ritruvemi u listessu ambiu : i signori, u populu, i ricchi, i povari...Listessi « attori » malgratu l’arrivu di u mudernisimu. È pensu chì i cosi ùn ani micca da cambià... »
Hè cusì ch’in u...2013, l’artistu principia a so demarchja, scrivendu duie canzone. À pocu à pocu, l’idea d’un prughjettu maiò face a so strada. Ma un prughjettu particulare. « Aghju pinsatu, à tempu, à canzoni intornu à iss’epica quì, ripiglia l’artistu, ma aghju circatu, à tempu, di metta in piazza un scenariu specificu. Tandu, hè nata l’idea d’una zitedda chì hà un travaddu à fà nantu à u Medievu, à u culleghju. È chì si ne và à dumandà rinsignamenti à u so missiavu. »
Cinque periode di u Medievu corsu
U prughjettu face, pian’pianinu a so strada. Antone Tramini chjama qualchì amicu per u cantu, Jacques Marin, incaricatu di u rolu di u missiavu è Carla Campinchi, di quellu di a zitella per assicurà i dialoghi. Ma ci hè vulsutu à fà scelte. « U Medievu, conta l’artistu, hè una perioda di mili anni chì parti da a caduta di Roma sin’à a scuperta di l’America. Per ciò chì tocca à a Corsica, ùn aghju sceltu chè quattru o cinqui parsunaghji, osinnò, u prughjettu era troppu longu. Si ritrova tandu, Giudici di Cinarca, Arrigo Bel Messere, Sambucucciu d’Alandu, Ugo Colonna, i Ghjuvannali è si compia cù Vincintellu d’Istria... »
« Medievu » si sparghje in dui dischetti è un librettu di sessanta pagine induve e canzone è qualchì spiegazione sò prisentate. Per u cantu, Antone Tramini hà chjamatu una decina di i so amichi, guasgi tutti membri o anziani di so associu « Mimoria tramandata » chì porta dinò u prughjettu. Fora di duie canzona scritte da l’amichi Petru Canon è Avustu Fantoni, tutte l’altre sò opere d’Antone Tramini chì sona di tutti i so strumenti : corsi (ghitarra, cetera, viulinu, pirula, pivana, caramusa) è d’altrò (ud, ciarangu, banjò…). A so moglia Laurence hè stata incaricata di e percussione. Un prughjettu di dodeci anni... « Sò statu custrettu d’aspettà è di piddà tempu ch’ùn aghju avutu alcunu aiutu. Micca suvvenzioni...Tandu, aghju assicuratu solu, u finanzamentu. Hè par quissa chì i dialoghi ùn sò micca in u librettu. »
L’inseme hè spiccatu i dui dischetti chì seranu prisentati à u mese di ghjugnu. U primu cù e canzone è u secondu cù u cuntrastu trà u missiav è a zitella nantu à un fondu musicale. « Par contu meiu, aghjusta l’artistu, serà l’ultimu prughjettu ch’aghju fattu abbastanza dapoi più di quaranta anni. L’aviu in cori, iss’idea quì ma avà, pensu chì mi tocca à cunsacrà mi à a me attività è a i mei. »
Sicura ma u cantu è a musica ùn seranu mai luntanu…
F.P.
Photo : Antoine Tramini
L’artistu isulanu escerà, à a fine di ghjugnu, u so ultimu prughjettu. « Medievu », un prughjettu sviluppatu à partesi d’un missiavu chì conta u medievu à a so puffigliola…
Cunniscimu dapoi quaranta anni, l’impegnu à prò di a lingua è a cultura corsa d’Antone Tramini. « I voci di a Gravona », « Diana di l’Alba », « Mimoria tramandata », ùn si contanu più e strutture induve ellu hà participatu. Senza cuntà nantu a so scola di cantu, corsi di lingua corsa è u so travagli di cultellaghju... Ultimu prughjettu, a storia di u medievu cuntata è cantata, cum’è sempre, à modu soiu. Un prughjettu vechju di dodeci anni…
Primi passi in u...2013
« A storia di u Medievu corsu, hè qualcosa chì m’hà sempri passiunatu, spiaga u cantadore, di fattu, i cosi sò pochi cambiati oghji. Ritruvemi u listessu ambiu : i signori, u populu, i ricchi, i povari...Listessi « attori » malgratu l’arrivu di u mudernisimu. È pensu chì i cosi ùn ani micca da cambià... »
Hè cusì ch’in u...2013, l’artistu principia a so demarchja, scrivendu duie canzone. À pocu à pocu, l’idea d’un prughjettu maiò face a so strada. Ma un prughjettu particulare. « Aghju pinsatu, à tempu, à canzoni intornu à iss’epica quì, ripiglia l’artistu, ma aghju circatu, à tempu, di metta in piazza un scenariu specificu. Tandu, hè nata l’idea d’una zitedda chì hà un travaddu à fà nantu à u Medievu, à u culleghju. È chì si ne và à dumandà rinsignamenti à u so missiavu. »
Cinque periode di u Medievu corsu
U prughjettu face, pian’pianinu a so strada. Antone Tramini chjama qualchì amicu per u cantu, Jacques Marin, incaricatu di u rolu di u missiavu è Carla Campinchi, di quellu di a zitella per assicurà i dialoghi. Ma ci hè vulsutu à fà scelte. « U Medievu, conta l’artistu, hè una perioda di mili anni chì parti da a caduta di Roma sin’à a scuperta di l’America. Per ciò chì tocca à a Corsica, ùn aghju sceltu chè quattru o cinqui parsunaghji, osinnò, u prughjettu era troppu longu. Si ritrova tandu, Giudici di Cinarca, Arrigo Bel Messere, Sambucucciu d’Alandu, Ugo Colonna, i Ghjuvannali è si compia cù Vincintellu d’Istria... »
« Medievu » si sparghje in dui dischetti è un librettu di sessanta pagine induve e canzone è qualchì spiegazione sò prisentate. Per u cantu, Antone Tramini hà chjamatu una decina di i so amichi, guasgi tutti membri o anziani di so associu « Mimoria tramandata » chì porta dinò u prughjettu. Fora di duie canzona scritte da l’amichi Petru Canon è Avustu Fantoni, tutte l’altre sò opere d’Antone Tramini chì sona di tutti i so strumenti : corsi (ghitarra, cetera, viulinu, pirula, pivana, caramusa) è d’altrò (ud, ciarangu, banjò…). A so moglia Laurence hè stata incaricata di e percussione. Un prughjettu di dodeci anni... « Sò statu custrettu d’aspettà è di piddà tempu ch’ùn aghju avutu alcunu aiutu. Micca suvvenzioni...Tandu, aghju assicuratu solu, u finanzamentu. Hè par quissa chì i dialoghi ùn sò micca in u librettu. »
L’inseme hè spiccatu i dui dischetti chì seranu prisentati à u mese di ghjugnu. U primu cù e canzone è u secondu cù u cuntrastu trà u missiav è a zitella nantu à un fondu musicale. « Par contu meiu, aghjusta l’artistu, serà l’ultimu prughjettu ch’aghju fattu abbastanza dapoi più di quaranta anni. L’aviu in cori, iss’idea quì ma avà, pensu chì mi tocca à cunsacrà mi à a me attività è a i mei. »
Sicura ma u cantu è a musica ùn seranu mai luntanu…
F.P.
Photo : Antoine Tramini
