Jazz in Aiacciu 2025 : un altra dimensione
L'editizione 2025 di << Jazz in Aiacciu >> prupone da u 25 à 29 di ghjugnu nant à a scena di Casone......
Jazz in Aiacciu 2025 : un altra dimensione
L’edizione 2025 di « Jazz in Aiacciu » prupone da u 25 à 29 di ghjugnu nant à a scena di Casone, quattru ghjorni dedicati à u ballu, a musica d’America suttana è u funk. Una nova dimensione chì principia nantu à a piazza di a Ghinghetta, à a citadella cù u cuncettu sempre festivu, di i « ghjovi sonori »…
Jazz in Aiacciu face a so strada dapoi anni è anni in l’universu di a musica cù, ogni volta, un spettaculu prisentatu da l’urganizatori, chì rallegra tutti i passiunati di parechji genari di musica : tango, rumba, musica d’eri è d’oghje, sempre intornu à u jazz, di sicura. Ma ci vole à ricunnosce chè u cuncettu hà pigliatu dapoi qualchì tempi, una nova dimensione, cù parechje manifestazione nanzu è dopu à « Jazz in Aiacciu » da apre si in certi paesi. « U jazz in tutta a so diversità, spiega Marcel Guidicelli, capimachja di a struttura dapoi u principiu, un’edizione s’appronta durante parechji mesi, un annu è tutta a squadra hà travagliatu nantu à u 2025 cù, torna una volta, artisti monda rinumati. »
U jazz in tutta a so diversità
Questu annu, u jazz in modu latinu, afru, funk, soul o ancu bossa nova, s’invita nantu à scena di u Casone. U jazz in « tutte e salse », cù radiche africane, d’America latina o ancu suttana. In apertura, u mini big band di u cunservatoriu d’Aiacciu, prisenterà « Carmen in swing », u famosu opera di Bizet, ripigliatu à modu soiu, vale à dì à l’usu jazz. Una creazione di Francia è u Brasiliu seguiterà cù artisti monda cunnisciuti in l’universu di u Jazz : Flavia Coelho (Braziliana ma cù influenze nantu à u Reggae, u funk è dinò a musica tradiziunale), « Voyou », un cantadore francese chì difende a so musica, Jocelyne Beroard, specialista di u Zouc, Sian Pottok, chì ci face scopre e so oringine musicale è Luiza, cantatrice Franco Bra ziliana, tutti sottu à a direzzione di Philippe Powel.
U 26 di ghjugnu, Cuba serà unuratu cù Ana Carla Maza, so cellu è i so ritimu d’America latina, u famosu Chucho Valdes ch’ùn si prisenta più è chì festighjerà cù u so quartet, 60 anni di carriera. U lindumane, tuccherà à a cantatrice francese Ludivine Issambourg di fà valè e so qualità cù u so flautu è e so influenze jazz, electro è hip-hop. Ghjunghjerà à rende umaggiu à Hubert Laws cù una spressione jazz funky. Erik Alejandro Iglesias, di cungnome Cimafunk, un musicante chì face a so strada, compierà issa ghjurnata. I fine, u 28 di ghjugnu, u sunadore di trumbone americanu Fred Welsey, un tercanu di u funk, accumpagnatu di i News J B hà da assicurà una parte di u spettaculu nanzu à Seun Kuti è Egittu 80, l’occasione di mantene u spiritu di u so babbu cù a so musica ingaghjata. « Una prugrammazione di qualità, aghjusta u capimachja, ci ne serà per tutti i passiunati di jazz. »
« I ghjovi sonori », « jazz in paese » è « jazz in e vigne »
Ma dapoi qualchì tempu, « Jazz in Aiacciu » si sparghje altrò. Ind’un cuncettu novu iniziatu l’annu scorsu, « i ghjovi sonori di a citadella » pruponenu nantu à a piazza di a Ghinghetta, cuncerti. Dopu à Verb u 22 di maghju, u publicu puderà ascultà à Eda Diaz è a so musica pop, issu 29, « Cotonete » u 5 di ghjugnu è Gandbé Brass Band, u 12. D’aostu, si tratterà di « Jazz in paese » in dece cumune di Corsica, nanzu di compie cù una nuvità di settembre : « Jazz in a vigna... ». L’occasione di fà a prumuzione d’iss’arte musicale…
F.P.
Photo : Jazz in Aiacciu
L’edizione 2025 di « Jazz in Aiacciu » prupone da u 25 à 29 di ghjugnu nant à a scena di Casone, quattru ghjorni dedicati à u ballu, a musica d’America suttana è u funk. Una nova dimensione chì principia nantu à a piazza di a Ghinghetta, à a citadella cù u cuncettu sempre festivu, di i « ghjovi sonori »…
Jazz in Aiacciu face a so strada dapoi anni è anni in l’universu di a musica cù, ogni volta, un spettaculu prisentatu da l’urganizatori, chì rallegra tutti i passiunati di parechji genari di musica : tango, rumba, musica d’eri è d’oghje, sempre intornu à u jazz, di sicura. Ma ci vole à ricunnosce chè u cuncettu hà pigliatu dapoi qualchì tempi, una nova dimensione, cù parechje manifestazione nanzu è dopu à « Jazz in Aiacciu » da apre si in certi paesi. « U jazz in tutta a so diversità, spiega Marcel Guidicelli, capimachja di a struttura dapoi u principiu, un’edizione s’appronta durante parechji mesi, un annu è tutta a squadra hà travagliatu nantu à u 2025 cù, torna una volta, artisti monda rinumati. »
U jazz in tutta a so diversità
Questu annu, u jazz in modu latinu, afru, funk, soul o ancu bossa nova, s’invita nantu à scena di u Casone. U jazz in « tutte e salse », cù radiche africane, d’America latina o ancu suttana. In apertura, u mini big band di u cunservatoriu d’Aiacciu, prisenterà « Carmen in swing », u famosu opera di Bizet, ripigliatu à modu soiu, vale à dì à l’usu jazz. Una creazione di Francia è u Brasiliu seguiterà cù artisti monda cunnisciuti in l’universu di u Jazz : Flavia Coelho (Braziliana ma cù influenze nantu à u Reggae, u funk è dinò a musica tradiziunale), « Voyou », un cantadore francese chì difende a so musica, Jocelyne Beroard, specialista di u Zouc, Sian Pottok, chì ci face scopre e so oringine musicale è Luiza, cantatrice Franco Bra ziliana, tutti sottu à a direzzione di Philippe Powel.
U 26 di ghjugnu, Cuba serà unuratu cù Ana Carla Maza, so cellu è i so ritimu d’America latina, u famosu Chucho Valdes ch’ùn si prisenta più è chì festighjerà cù u so quartet, 60 anni di carriera. U lindumane, tuccherà à a cantatrice francese Ludivine Issambourg di fà valè e so qualità cù u so flautu è e so influenze jazz, electro è hip-hop. Ghjunghjerà à rende umaggiu à Hubert Laws cù una spressione jazz funky. Erik Alejandro Iglesias, di cungnome Cimafunk, un musicante chì face a so strada, compierà issa ghjurnata. I fine, u 28 di ghjugnu, u sunadore di trumbone americanu Fred Welsey, un tercanu di u funk, accumpagnatu di i News J B hà da assicurà una parte di u spettaculu nanzu à Seun Kuti è Egittu 80, l’occasione di mantene u spiritu di u so babbu cù a so musica ingaghjata. « Una prugrammazione di qualità, aghjusta u capimachja, ci ne serà per tutti i passiunati di jazz. »
« I ghjovi sonori », « jazz in paese » è « jazz in e vigne »
Ma dapoi qualchì tempu, « Jazz in Aiacciu » si sparghje altrò. Ind’un cuncettu novu iniziatu l’annu scorsu, « i ghjovi sonori di a citadella » pruponenu nantu à a piazza di a Ghinghetta, cuncerti. Dopu à Verb u 22 di maghju, u publicu puderà ascultà à Eda Diaz è a so musica pop, issu 29, « Cotonete » u 5 di ghjugnu è Gandbé Brass Band, u 12. D’aostu, si tratterà di « Jazz in paese » in dece cumune di Corsica, nanzu di compie cù una nuvità di settembre : « Jazz in a vigna... ». L’occasione di fà a prumuzione d’iss’arte musicale…
F.P.
Photo : Jazz in Aiacciu
