A rinascita di a cunfraternita Santa Croce di Vicu
Piantata trà e duie guerre cum’è tante altre strutture di u listessu genaru, a cunfraternita Santa Croce di Vicu hè stata rilanciata di manera ufficiale a settimana scorsa…
A rinascita di a cunfraternita Santa Croce di Vicu
Piantata trà e duie guerre cum’è tante altre strutture di u listessu genaru, a cunfraternita Santa Croce di Vicu hè stata rilanciata di manera ufficiale a settimana scorsa…
A Corsica adunisce, oghje, novanta cunfraternite spartute in tutti i lochi di l’isula. Certe sò rilanciate dapoi qualchì tempu. Hè u casu di a cunfraternita Santa Croce, sottu à a pruttezzione di Sant’Antone di l’abbate, in Vicu. A terza in un annu dopu à quelle d’Ortu è di Letia, in a pieve di i Dui Sorru.
Una decina di cunfratelli per principià
« A struttura esistia à u sedecesimu seculu, spiega Francescu Amatu Arrighi, diacunu di u rughjone, cum’è assai altre cunfraternite, hè sparita trà e duie guerre. »
Ci vole à sapè chè ci hè dighjà una cunfraternita iin Vicu, quella di u cunventu (cunfratrnita di u Padre Albinu, un Oblat chì hà marcatu a storia religiosa di u rughjone) ma issa struttura quì, ùn hè limitata à u solu paese di Vicu. Si sparghje in tutti i p aesi di u cantone. « Sò trè anni ch’è noi parlemu di rilancià l’anziana cunfraternita, aghjusta u diacunu, avemu fattu ricerche à l’archivi per avè rinsignamnti è l’affare s’hè messa in piazza dapoi qualchì mese.Nanzu d’esse ufficializata a settimana scorsa. »
Una riliquia di u 1728
A squadra hà travagliatu è ritruvatu una riliquia dedicata à Sant’Antone chì fù purtata in Vicu un u 1728. Hè stata reabilitata. Per ciò chì tocca à i vistiti, si sò arrimbati nantu à a tradizione urale, Sant’Antone chì i culori bianche è rosse ramentanu a passione. Tandu, portanu una tabarina rossa è un camisgiu biancu.
Cusì, dopu à tantu travagliu, a cunfraternita hè stata stallata di manera ufficiale a settimana scorsa. L’occasione, per d’altre strutture di vene d’Ortu, di Carghjese, Marignana, Piana Letia è ancu di Speluncatu per participà, cù a cunfraternita d u Padre Albinu, à una celebrazione di u Cardinale Bustillo, accumpagnatu da i preti chì sò presenti tuttu l’annu in a cumuna è in i dui Sorru è di quelli di Cunventu. « Per avà, aghjusta torna Francescu Amatu Arrighi, i fundatori sò sette omi ma a struttura si vole allargà. Da quì à pocu, ci seranu intrunisazione d’altri membri, omi o donne... »
Vincentu Colonna, maritatu in Vicu, hè u priore di a cunfraternita è Ghjuvan Battista Arrighi (figliolu di u diacunu), sottu priore. S’è a Santa Maria, celebrata u 15 d’aostu, hè a festa patrunale di Vicu, a cunfraternita hè piazzata, cum’ellu a dice u so nome, Santa Croce, ancu s’ella hè sottu à a pruttezzione di Sant’Antone Abbate, hè festighjata u 14 di settembre (festa di a croce). U scopu di a nova struttura hè di fà campà l’estru è u spiritu religiosu di u paese. Sapendu, chè e celebrazione ùn mancanu micca. « Ci vole una presenza di tutti i ghjorni nantu à u terrenu, ch’ella sia intornu à u suciale o a fede. Una presenza, dinò, à fiancu à l’altre cunfraternite. Di manera à adunisce tutti... »
I cunfratelli anu, di sicuru, circà à esse presenti à u nivellu di u cantu. Versi di quì è d’altrò. « A tradizione canterina ùn hè cusì ricca, ind’è noi, fora di qualchì canti specifichi. Avemu da urganizà repetizione di cantu per pudè assicurà e diferente celebrazione... »
Prussima tapa ufficiale, fora di a Santa Maria, induve anu da esse presenti, u 14 di settembre per a festa di a Croce…
F.P.
Photo : Philppe Peraut
Piantata trà e duie guerre cum’è tante altre strutture di u listessu genaru, a cunfraternita Santa Croce di Vicu hè stata rilanciata di manera ufficiale a settimana scorsa…
A Corsica adunisce, oghje, novanta cunfraternite spartute in tutti i lochi di l’isula. Certe sò rilanciate dapoi qualchì tempu. Hè u casu di a cunfraternita Santa Croce, sottu à a pruttezzione di Sant’Antone di l’abbate, in Vicu. A terza in un annu dopu à quelle d’Ortu è di Letia, in a pieve di i Dui Sorru.
Una decina di cunfratelli per principià
« A struttura esistia à u sedecesimu seculu, spiega Francescu Amatu Arrighi, diacunu di u rughjone, cum’è assai altre cunfraternite, hè sparita trà e duie guerre. »
Ci vole à sapè chè ci hè dighjà una cunfraternita iin Vicu, quella di u cunventu (cunfratrnita di u Padre Albinu, un Oblat chì hà marcatu a storia religiosa di u rughjone) ma issa struttura quì, ùn hè limitata à u solu paese di Vicu. Si sparghje in tutti i p aesi di u cantone. « Sò trè anni ch’è noi parlemu di rilancià l’anziana cunfraternita, aghjusta u diacunu, avemu fattu ricerche à l’archivi per avè rinsignamnti è l’affare s’hè messa in piazza dapoi qualchì mese.Nanzu d’esse ufficializata a settimana scorsa. »
Una riliquia di u 1728
A squadra hà travagliatu è ritruvatu una riliquia dedicata à Sant’Antone chì fù purtata in Vicu un u 1728. Hè stata reabilitata. Per ciò chì tocca à i vistiti, si sò arrimbati nantu à a tradizione urale, Sant’Antone chì i culori bianche è rosse ramentanu a passione. Tandu, portanu una tabarina rossa è un camisgiu biancu.
Cusì, dopu à tantu travagliu, a cunfraternita hè stata stallata di manera ufficiale a settimana scorsa. L’occasione, per d’altre strutture di vene d’Ortu, di Carghjese, Marignana, Piana Letia è ancu di Speluncatu per participà, cù a cunfraternita d u Padre Albinu, à una celebrazione di u Cardinale Bustillo, accumpagnatu da i preti chì sò presenti tuttu l’annu in a cumuna è in i dui Sorru è di quelli di Cunventu. « Per avà, aghjusta torna Francescu Amatu Arrighi, i fundatori sò sette omi ma a struttura si vole allargà. Da quì à pocu, ci seranu intrunisazione d’altri membri, omi o donne... »
Vincentu Colonna, maritatu in Vicu, hè u priore di a cunfraternita è Ghjuvan Battista Arrighi (figliolu di u diacunu), sottu priore. S’è a Santa Maria, celebrata u 15 d’aostu, hè a festa patrunale di Vicu, a cunfraternita hè piazzata, cum’ellu a dice u so nome, Santa Croce, ancu s’ella hè sottu à a pruttezzione di Sant’Antone Abbate, hè festighjata u 14 di settembre (festa di a croce). U scopu di a nova struttura hè di fà campà l’estru è u spiritu religiosu di u paese. Sapendu, chè e celebrazione ùn mancanu micca. « Ci vole una presenza di tutti i ghjorni nantu à u terrenu, ch’ella sia intornu à u suciale o a fede. Una presenza, dinò, à fiancu à l’altre cunfraternite. Di manera à adunisce tutti... »
I cunfratelli anu, di sicuru, circà à esse presenti à u nivellu di u cantu. Versi di quì è d’altrò. « A tradizione canterina ùn hè cusì ricca, ind’è noi, fora di qualchì canti specifichi. Avemu da urganizà repetizione di cantu per pudè assicurà e diferente celebrazione... »
Prussima tapa ufficiale, fora di a Santa Maria, induve anu da esse presenti, u 14 di settembre per a festa di a Croce…
F.P.
Photo : Philppe Peraut
