22a edizione di Sorru in Musica : u « classicu » per tutti
L’ occasione di sfuglià più di vinti anni d’una manifestazione chì si scrive à longu andà.
22a edizione di Sorru in Musica : u « classicu » per tutti
Messa in piazza in 2004 da Bertrand Cervera, tercanu di u viulinu classicu è di ceppu rennese, l’edizione 2025 di Sorru in Musica si compie issu marti dopu avè giratu qualchì paese di u cantone. L’ occasione di sfuglià più di vinti anni d’una manifestazione chì si scrive à longu andà.
À l’iniziu, ci era una passione, quella di a musica in generale è masimu di u classicu. Originariu di Rennu, induve, cum’è tanti altri ghjovani corsi di a diaspora, passava e so vacanze, Bertrand Cervera, oghje membre di l’urchestru naziunale di Francia (viulinu solu), capiurchestru è prufessore di musica, ebbe l’idea, in u 2004 cù u prete Jean-Pierre Bonnafoux, di creà un festivale in u cantone di i dui Sorru, dedicatu à a musica classica. « L’idea era di « demucratizà » u classicu è di fà lu sorte di u so cuntestu « naturale », appena elitistu spiega l’artistu, per aprelu à tutti. Ma, à tempu, era l’occasione d’adunisce a ghjente di i paesi intornu à mumenti di spartera. »
Decine d’artisti
Cusì, è dapoi vintidui anni, a manifestazione hà fattu a so strada. Sempre cù a partenza in u cunventu Sant’Antone di Vicu. Bertrand Cervera s’hè arrimbatu nantu à e so cunniscenze per prupone, tutti l’anni, artisti di qualità internaziunale. Pianò, ghitarra, viulinu, cellu, flauti diversi, tutti i strumenti detti classichi sò stai messi in vale, sunendu u repertoriu di i più grandi cumpunitori. « A musica, hè un arte chì permette à a ghjente di ritruvà si, aghjusta u musicante, ci era sempre una prima parte dedicata, più o menu à u tradiziunale ma dinò, un’accademia chì hà accoltu tanti è tanti ghjovani, certi cum’è Laurence Felici, oghje prufessore agregata, sò passati per issa tapa quì. »
Sorru in Musica, ghjè l’occasione di mette in vale dinò, i talenti di dumane, quelli di l’accademia, di sicuru ma dinò d’altri cum’è l’archetti bastiacci in Vicu, dui anni fà.
Debussy, Berlioz, Ravel...
Hè, à mezu à un ambiu particulare, tuttu què ch’è noi ritruvemu dapoi qualchì ghjornu in i paesi di i dui Sorru per a vintiduiesima edizione di u festivale : Vicu, Letia, Rusazia, Casagliò, Arburi, Rennu, Coghja è, per a prima volta, aldilà di i dui Sorru-in i Peri- « Ci hè una dumanda abbastanza forte, ripiglia l’artistu, hè una manera, cum’è noi a femu d’altronde aldilà di l’estatina, d’allargà u nostru cuncettu à d’altre cumune. »
Un festivale minacciatu ?
Questu annu, cumpunitori rinumati cum’è Shuman, Debussy, u jazz, Ravel, Berlioz...cumponenu a maiò parte d’un prugrama induve ritruvemu u cine cuncertu, mostre di pittori, cunferenze è artisti cum’è u flautistu americanu Jeffrey Khaner, Robin Renucci è altre tematiche diverse (amore, a donna, « Zorba le Grec), senza sminticà i cuncerti di i studienti di l’accademia Sorru in Musica, una manera di tramandà issu sapè fà. Ma u festivale Sorru in Musica piglia, à partesi d’iss’edizione, un’andatura nova. Senza aiutu publicu, i respunsevuli sò stati custretti, per pudè mette in piazza u so bugettu (viaghju, alloghju è pranzu di l’artisti…), di fà pacà i cuncerti ch’eranu, sin’à oghje, rigalati (ogni bigliettu à 15 e, gratisi per i menu di 16 anni…Saria minacciatu u festivale ? « Ùn pensu micca, precizeghja torna Bertrand Cervera, prupunimu sempre cuncerti di qualità, i prezzi sò veramente bassi per raportu à ciò chì si face altrò per un cuncertu di musica classica. Ci hè dinò un ambiu specificu è un estru chè tuttu u mondu vole mantene. »
L’edizione 2025 si chjode issu marti à l’albergu u Paradisu, in Vicu...Un cuncertu induve tutti, musicanti prufessiunali o micca, ghjovani o anziani, s’anu ritruvà inseme. Què dinò, hè u spiritu di Sorru in Musica...
F.P.
photo: Sorru in musica
Messa in piazza in 2004 da Bertrand Cervera, tercanu di u viulinu classicu è di ceppu rennese, l’edizione 2025 di Sorru in Musica si compie issu marti dopu avè giratu qualchì paese di u cantone. L’ occasione di sfuglià più di vinti anni d’una manifestazione chì si scrive à longu andà.
À l’iniziu, ci era una passione, quella di a musica in generale è masimu di u classicu. Originariu di Rennu, induve, cum’è tanti altri ghjovani corsi di a diaspora, passava e so vacanze, Bertrand Cervera, oghje membre di l’urchestru naziunale di Francia (viulinu solu), capiurchestru è prufessore di musica, ebbe l’idea, in u 2004 cù u prete Jean-Pierre Bonnafoux, di creà un festivale in u cantone di i dui Sorru, dedicatu à a musica classica. « L’idea era di « demucratizà » u classicu è di fà lu sorte di u so cuntestu « naturale », appena elitistu spiega l’artistu, per aprelu à tutti. Ma, à tempu, era l’occasione d’adunisce a ghjente di i paesi intornu à mumenti di spartera. »
Decine d’artisti
Cusì, è dapoi vintidui anni, a manifestazione hà fattu a so strada. Sempre cù a partenza in u cunventu Sant’Antone di Vicu. Bertrand Cervera s’hè arrimbatu nantu à e so cunniscenze per prupone, tutti l’anni, artisti di qualità internaziunale. Pianò, ghitarra, viulinu, cellu, flauti diversi, tutti i strumenti detti classichi sò stai messi in vale, sunendu u repertoriu di i più grandi cumpunitori. « A musica, hè un arte chì permette à a ghjente di ritruvà si, aghjusta u musicante, ci era sempre una prima parte dedicata, più o menu à u tradiziunale ma dinò, un’accademia chì hà accoltu tanti è tanti ghjovani, certi cum’è Laurence Felici, oghje prufessore agregata, sò passati per issa tapa quì. »
Sorru in Musica, ghjè l’occasione di mette in vale dinò, i talenti di dumane, quelli di l’accademia, di sicuru ma dinò d’altri cum’è l’archetti bastiacci in Vicu, dui anni fà.
Debussy, Berlioz, Ravel...
Hè, à mezu à un ambiu particulare, tuttu què ch’è noi ritruvemu dapoi qualchì ghjornu in i paesi di i dui Sorru per a vintiduiesima edizione di u festivale : Vicu, Letia, Rusazia, Casagliò, Arburi, Rennu, Coghja è, per a prima volta, aldilà di i dui Sorru-in i Peri- « Ci hè una dumanda abbastanza forte, ripiglia l’artistu, hè una manera, cum’è noi a femu d’altronde aldilà di l’estatina, d’allargà u nostru cuncettu à d’altre cumune. »
Un festivale minacciatu ?
Questu annu, cumpunitori rinumati cum’è Shuman, Debussy, u jazz, Ravel, Berlioz...cumponenu a maiò parte d’un prugrama induve ritruvemu u cine cuncertu, mostre di pittori, cunferenze è artisti cum’è u flautistu americanu Jeffrey Khaner, Robin Renucci è altre tematiche diverse (amore, a donna, « Zorba le Grec), senza sminticà i cuncerti di i studienti di l’accademia Sorru in Musica, una manera di tramandà issu sapè fà. Ma u festivale Sorru in Musica piglia, à partesi d’iss’edizione, un’andatura nova. Senza aiutu publicu, i respunsevuli sò stati custretti, per pudè mette in piazza u so bugettu (viaghju, alloghju è pranzu di l’artisti…), di fà pacà i cuncerti ch’eranu, sin’à oghje, rigalati (ogni bigliettu à 15 e, gratisi per i menu di 16 anni…Saria minacciatu u festivale ? « Ùn pensu micca, precizeghja torna Bertrand Cervera, prupunimu sempre cuncerti di qualità, i prezzi sò veramente bassi per raportu à ciò chì si face altrò per un cuncertu di musica classica. Ci hè dinò un ambiu specificu è un estru chè tuttu u mondu vole mantene. »
L’edizione 2025 si chjode issu marti à l’albergu u Paradisu, in Vicu...Un cuncertu induve tutti, musicanti prufessiunali o micca, ghjovani o anziani, s’anu ritruvà inseme. Què dinò, hè u spiritu di Sorru in Musica...
F.P.
photo: Sorru in musica