U cullettivu « Parlemu corsu » mette a pressione nantu à i pulitichi
À l’occasione d’una cunferenza di stampa data pochi tempi fà in Corti, u cullettivu « Parlemu corsu » hà prisentatu u so prughjettu dedicatu à a sparghjera di a lingua corsa in tutti i settori di a sucetà…
U cullettivu « Parlemu corsu » mette a pressione nantu à i pulitichi
À l’occasione d’una cunferenza di stampa data pochi tempi fà in Corti, u cullettivu « Parlemu corsu » hà prisentatu u so prughjettu dedicatu à a sparghjera di a lingua corsa in tutti i settori di a sucetà…
Di maghju scorsu, u cullettivu « Parlemu corsu » avia dighjà mandatu u so prughjettu dedicatu à a lingua corsa à l’eletti di l’Assemblea di Corsica. Un prughjettu spiccatu in diciottu misure per salvà una lingua chì hè, più chè mai, in periculu. « Un pianu in dui parti, spiega Micheli Leccia, capimachja di u cullettivu, una parti dedicata à l’iletti induva prisintaiami pruposti par pruvà di fà riacquistà una piazza di primura à a lingua corsa in a sucità isulana, l’insembu in quattru aspetti. Eppo, un’altra parti dedicata à u mezu iducativu cù misuri è prugetta ch’è no prupunimu è ch’emu cuncipitu cù u pinseri d’essa ifficaci, valurizanti è mutivanti. Hè u fruttu di u nosciu impegnu dapoi 18 anni : Crèscita d’i spirienzi immirsivi in u primariu, ammiddurà ciò chì asisti in u primariu, rinfurzà u pianu par l’abilitazioni, giniralizazioni d’i 3 ori di corsu à u cullegiu, 3 ori di corsu in u troncu cumunu d’u liceu, u “Filu Rossu”, un mètudu par uttimizà i filieri bislingui (+ furmazioni d’u parsunali micca iducativu + scoli à iffittiva ridutti + valutazioni finali rialzati + meza umani pà a Canopé + cunsigliu di scola bislinguu), iniziazioni à a paghjella par tutti i sculari, dutazioni d’una sala di tiatru (arnesu d’imparera d’a lingua), cumissioni di sperti pà l’uttimizazioni d’i meza iducativi didicati à a lingua corsa... »
Dui mesi dopu avè mandatu issi ducumenti, u cullettivu hà vulsutu dà una cunferenza di stampa per fà u puntu, è prisintà u so pianu dighjà spartutu in e rete suciale, à tutti. « Par no, saria un pianu s’è veramenti issi misuri sò pigliati in carica da a Cullettività. Ch’ellu sichi missu in opara da una stituzioni publica chì si ne servaria par metta in opara una pulitica glubali pà a lingua. »
Cursizà u spaziu in tutti i duminii di a sucetà corsa
Cursisà u spaziu in tutti i duminii di a sucetà corsa, eccu u scopu d’issu pianu. « I riazzoni di l’iletti sò stati troppu timidi par no, aghjusta Micheli Leccia, u rittori saria prontu à integrà tutti ciò ch’è no dumandemu in u pianu prisintatu à a fin’d’aostu. Par ceti iletti, ci hè vulsutu à andà à circà a risposta. Ani dittu ch’eddu ci vulia à tena contu di l’attori di u tarrenu ma senza parlà di u pianu. Gilles Simeoni n’hà parlatu nentru à l’emiclu, hè una bona, aspittemu a seguita... »
Ver di un secondu appuntamentu cù l’eletti
Duie settimane fà, u cullettivu hè statu ricevutu da a nova cummissione dedicata à a lingua corsa. « Ci hè statu un’audizioni ma ùn semu micca intruti in u ditagliu di a noscia dimarchja. Emu ramintatu a noscia filusufia, di ghjunghja à a cursisazioni di u spaziu intornu à no è d’avè una pulitica linguistica purtata da a cullettività. »
A squadra di u Cullettivu cuntinueghja à travaglià in issu senza quì, d’avè a sicurezza chè l’eletti anu da piglià isse misure in carica,fighjulà ciò chì serà da ritene o scambià, per mette in piazza lestru, lestru vistu u statu periculosu di a lingua corsa, una pulitica di sviluppu di a lingua...Senza aspettà u statutu di cuufficialità. Un secondu appuntamentu cù l’eletti hè privisu à cortu andà…
F.P.
Crédi photo : cullettivu parlemu corsu
À l’occasione d’una cunferenza di stampa data pochi tempi fà in Corti, u cullettivu « Parlemu corsu » hà prisentatu u so prughjettu dedicatu à a sparghjera di a lingua corsa in tutti i settori di a sucetà…
Di maghju scorsu, u cullettivu « Parlemu corsu » avia dighjà mandatu u so prughjettu dedicatu à a lingua corsa à l’eletti di l’Assemblea di Corsica. Un prughjettu spiccatu in diciottu misure per salvà una lingua chì hè, più chè mai, in periculu. « Un pianu in dui parti, spiega Micheli Leccia, capimachja di u cullettivu, una parti dedicata à l’iletti induva prisintaiami pruposti par pruvà di fà riacquistà una piazza di primura à a lingua corsa in a sucità isulana, l’insembu in quattru aspetti. Eppo, un’altra parti dedicata à u mezu iducativu cù misuri è prugetta ch’è no prupunimu è ch’emu cuncipitu cù u pinseri d’essa ifficaci, valurizanti è mutivanti. Hè u fruttu di u nosciu impegnu dapoi 18 anni : Crèscita d’i spirienzi immirsivi in u primariu, ammiddurà ciò chì asisti in u primariu, rinfurzà u pianu par l’abilitazioni, giniralizazioni d’i 3 ori di corsu à u cullegiu, 3 ori di corsu in u troncu cumunu d’u liceu, u “Filu Rossu”, un mètudu par uttimizà i filieri bislingui (+ furmazioni d’u parsunali micca iducativu + scoli à iffittiva ridutti + valutazioni finali rialzati + meza umani pà a Canopé + cunsigliu di scola bislinguu), iniziazioni à a paghjella par tutti i sculari, dutazioni d’una sala di tiatru (arnesu d’imparera d’a lingua), cumissioni di sperti pà l’uttimizazioni d’i meza iducativi didicati à a lingua corsa... »
Dui mesi dopu avè mandatu issi ducumenti, u cullettivu hà vulsutu dà una cunferenza di stampa per fà u puntu, è prisintà u so pianu dighjà spartutu in e rete suciale, à tutti. « Par no, saria un pianu s’è veramenti issi misuri sò pigliati in carica da a Cullettività. Ch’ellu sichi missu in opara da una stituzioni publica chì si ne servaria par metta in opara una pulitica glubali pà a lingua. »
Cursizà u spaziu in tutti i duminii di a sucetà corsa
Cursisà u spaziu in tutti i duminii di a sucetà corsa, eccu u scopu d’issu pianu. « I riazzoni di l’iletti sò stati troppu timidi par no, aghjusta Micheli Leccia, u rittori saria prontu à integrà tutti ciò ch’è no dumandemu in u pianu prisintatu à a fin’d’aostu. Par ceti iletti, ci hè vulsutu à andà à circà a risposta. Ani dittu ch’eddu ci vulia à tena contu di l’attori di u tarrenu ma senza parlà di u pianu. Gilles Simeoni n’hà parlatu nentru à l’emiclu, hè una bona, aspittemu a seguita... »
Ver di un secondu appuntamentu cù l’eletti
Duie settimane fà, u cullettivu hè statu ricevutu da a nova cummissione dedicata à a lingua corsa. « Ci hè statu un’audizioni ma ùn semu micca intruti in u ditagliu di a noscia dimarchja. Emu ramintatu a noscia filusufia, di ghjunghja à a cursisazioni di u spaziu intornu à no è d’avè una pulitica linguistica purtata da a cullettività. »
A squadra di u Cullettivu cuntinueghja à travaglià in issu senza quì, d’avè a sicurezza chè l’eletti anu da piglià isse misure in carica,fighjulà ciò chì serà da ritene o scambià, per mette in piazza lestru, lestru vistu u statu periculosu di a lingua corsa, una pulitica di sviluppu di a lingua...Senza aspettà u statutu di cuufficialità. Un secondu appuntamentu cù l’eletti hè privisu à cortu andà…
F.P.
Crédi photo : cullettivu parlemu corsu