U sonniu canterinu d' Elisa Tramoni
À 26 anni, iss’artista sartinese realizeghja u sonniu di campà di a musica.
U sonniu canterinu d’Elisa Tramoni
À 26 anni, iss’artista sartinese realizeghja u sonniu di campà di a musica. Intermittente di u spettaculu, face parte di u gruppu « Suarina » è appronta, cù u so cumpagnu Ghjaseppu Mambrini, u so primu dischettu in corsu è inghlese chì hà da esce à a fine di l’annu.
Elisa Tramoni è u cantu, una storia di più di vint’anni. Nata in Aiacciu, hà campatu in Sartè induve hà e so radiche. U cantu ? « L’aghju principiatu à l’età di quattru anni, spiega a ghjuvanotta, cù Matteu Begué Tramoni, chì facia parti di u Cori di l’Omini di Sartè ? Era una scola di cantu ma sopratuttu un attellu induva s’amparava à scopra a so voci è dinò un travaddu nantu à a pulifunia. Hè eddu chì m’haà datu u gustu di u cantu corsu. Aghju principiatu cù « Libertà », « Ricordu » è qualchì canzona ziteddina nanzi d’andà, pian’pianinu, più luntanu. »
À tempu, a zitella seguita un percorsu bislinguu à a scola, u culleghju è u liceu di Sartè sin’à chjappà si un basciliè S in u 2017. « Dopu, aghjusta a ghjuvanotta, aghju studiatu l’inghlesi in Corti è piddatu una licenza. »
Da « Suarina » à un primu dischettu
Finalmente, si mette à a lingua corsa ind’un master d’ingeneria di a mediazione culturale è di l’animazione. « Ci era un’alternanza, è per mè era megliu inu u me parcorsu. »
A lingua corsa ? « Si parlaia in casa ma à dilla franca, l’aghju di più, travaddatu in i scola... »
Qualchì tempu dopu, face parte di u gruppu « Suarina » cù e so amiche Angélique di Giovanni è Sylvia Gensollen. « U gruppu avanza bè, di sittembri, avaremi à Marianne Valentini chì ci hà da raghjunghja. Giremi. Si travadda a pulifunia è, à pocu à pocu, avemi da andà versu i nosci creazioni... »
2023 : intermittente di u spettaculu
Dui anni fà, Elisa franca u passu. Diventa intermittenta di u spettaculu è face a scelta di campà di a musica. Sunadore di pianò, th’à parechji cuncetti trà l’animazione cù Andrea Musso (ghitarra) è cuncerti cù Ghjaseppu Mambrini (ghitarra è mandulina), u so cumpagnu, nipote di u famosu « rusignolu » di Zilia. È ghjè cusì ch’ella hè venuta l’idea di fà un dischettu. « Aghju sceltu un ambiu pop rock è folk cù creazioni in corsu è in inghlesi. Travaddu nantu à i me creazioni cù Ghjaseppu Mambrini. L’inghlesi hè impurtanti, t’aghju assa rifarenzi trà i Beatles, Clapton, Joan Baez o Oasis ».
Elisa Tramoni hà scrittu è cumpostu a maiò parte di dodec titul d’issu primu dischettu. È Ceccè Lanfranchi è Ghjuvan Federicu Terrazzoni anu purtatu, dinò, a so petra à un inseme chì serà, di sicuru,di qualità è à modu soiu. « S’è tuttu và bè, ripiglia a cantatrice, issu dischettu escerà di dicembri. Tuttu hè guasgi prontu. Mancani i registramenti è u mischiu. »
Eletta di l’Assemblea di Corsica
Una bona nutizia ùn hè sempre sola. D’aprile scorsu, Elisa, chì era nantu à a lista di « Fà populu inseme » in u 2021, ma prima à ùn esse eletta, hè ghjunta à rimpiazzà à Ghjuvanni Biancucci, chì si n’andava à a retirata. « Pà mè, hè un onori è qualcosa d’impurtanti di pudè fighjulà ciò chì si passa in Corsica. Possu participà è s’eu possu purtà una petruccia... »
Trà cuncerti, animazione, u gruppu Suarina, u so primu dischettu è a pulitica, a ghjovana averà da chì fà. Una zitella da seguità…
F.P.
photo : F.P
À 26 anni, iss’artista sartinese realizeghja u sonniu di campà di a musica. Intermittente di u spettaculu, face parte di u gruppu « Suarina » è appronta, cù u so cumpagnu Ghjaseppu Mambrini, u so primu dischettu in corsu è inghlese chì hà da esce à a fine di l’annu.
Elisa Tramoni è u cantu, una storia di più di vint’anni. Nata in Aiacciu, hà campatu in Sartè induve hà e so radiche. U cantu ? « L’aghju principiatu à l’età di quattru anni, spiega a ghjuvanotta, cù Matteu Begué Tramoni, chì facia parti di u Cori di l’Omini di Sartè ? Era una scola di cantu ma sopratuttu un attellu induva s’amparava à scopra a so voci è dinò un travaddu nantu à a pulifunia. Hè eddu chì m’haà datu u gustu di u cantu corsu. Aghju principiatu cù « Libertà », « Ricordu » è qualchì canzona ziteddina nanzi d’andà, pian’pianinu, più luntanu. »
À tempu, a zitella seguita un percorsu bislinguu à a scola, u culleghju è u liceu di Sartè sin’à chjappà si un basciliè S in u 2017. « Dopu, aghjusta a ghjuvanotta, aghju studiatu l’inghlesi in Corti è piddatu una licenza. »
Da « Suarina » à un primu dischettu
Finalmente, si mette à a lingua corsa ind’un master d’ingeneria di a mediazione culturale è di l’animazione. « Ci era un’alternanza, è per mè era megliu inu u me parcorsu. »
A lingua corsa ? « Si parlaia in casa ma à dilla franca, l’aghju di più, travaddatu in i scola... »
Qualchì tempu dopu, face parte di u gruppu « Suarina » cù e so amiche Angélique di Giovanni è Sylvia Gensollen. « U gruppu avanza bè, di sittembri, avaremi à Marianne Valentini chì ci hà da raghjunghja. Giremi. Si travadda a pulifunia è, à pocu à pocu, avemi da andà versu i nosci creazioni... »
2023 : intermittente di u spettaculu
Dui anni fà, Elisa franca u passu. Diventa intermittenta di u spettaculu è face a scelta di campà di a musica. Sunadore di pianò, th’à parechji cuncetti trà l’animazione cù Andrea Musso (ghitarra) è cuncerti cù Ghjaseppu Mambrini (ghitarra è mandulina), u so cumpagnu, nipote di u famosu « rusignolu » di Zilia. È ghjè cusì ch’ella hè venuta l’idea di fà un dischettu. « Aghju sceltu un ambiu pop rock è folk cù creazioni in corsu è in inghlesi. Travaddu nantu à i me creazioni cù Ghjaseppu Mambrini. L’inghlesi hè impurtanti, t’aghju assa rifarenzi trà i Beatles, Clapton, Joan Baez o Oasis ».
Elisa Tramoni hà scrittu è cumpostu a maiò parte di dodec titul d’issu primu dischettu. È Ceccè Lanfranchi è Ghjuvan Federicu Terrazzoni anu purtatu, dinò, a so petra à un inseme chì serà, di sicuru,di qualità è à modu soiu. « S’è tuttu và bè, ripiglia a cantatrice, issu dischettu escerà di dicembri. Tuttu hè guasgi prontu. Mancani i registramenti è u mischiu. »
Eletta di l’Assemblea di Corsica
Una bona nutizia ùn hè sempre sola. D’aprile scorsu, Elisa, chì era nantu à a lista di « Fà populu inseme » in u 2021, ma prima à ùn esse eletta, hè ghjunta à rimpiazzà à Ghjuvanni Biancucci, chì si n’andava à a retirata. « Pà mè, hè un onori è qualcosa d’impurtanti di pudè fighjulà ciò chì si passa in Corsica. Possu participà è s’eu possu purtà una petruccia... »
Trà cuncerti, animazione, u gruppu Suarina, u so primu dischettu è a pulitica, a ghjovana averà da chì fà. Una zitella da seguità…
F.P.
photo : F.P