I Voci di a Gravona cantanu Maradona
Ind'una Canzona " Trà passione è miseria " esciuta à fine di nuvembre nantu à e rete suciale,....
I Voci di a Gravona cantanu Maradona
Ind’una canzona « Trà passione è miseria » esciuta à a fine di nuvembre nantu à e rete suciale, è dinò privista in u dischettu novu d’aprile, u gruppu « I voci di a Gravona » rende umaggiu à u famosu ghjucadore di ballò, sparitu u 24 di nuvembre scorsu…
Ritimu è acconci d’America suttana chì accumpagnanu un filmettu nantu e prove suprane di « El Pibe de Oro », da zitellu sin’à a so perioda napulitana passendu, di sicuru, per a cuppa di u mondu di u 1986, eccu ciò ch’elli anu riesciutu à fà i membri di u gruppu « I voci di a Gravona » (a squadra nova) subbitu dopu a sparizione di Diego Maradona.
Un umaggiu di u gruppu. Ma un’idea di Ghjaseppu Franchi chì hà scritttu e parolle è cumpostu a musica. Di fattu, issa canzona, chjamata « Trà passione è miseria » hè privista in u dischettu novu di u gruppu, chì escerà d’aprile. « Zitellu, spiega l’autore, aghju ghjucatu à u pallò è sò cresciutu à mezu à e prove suprane di Maradona in u 1986, 1990 è ancu dopu in Napuli. Un ghjucadore strasordinariu chì marcherà a storia di u ghjocu à ballò mundiale. Ghjè un ghjucadore chì hà fattu sunnià tanti zitelli… »
Nantu à u filu di u Riacquistu
Dapoi qualchì tempu, ciò chì era prima un associu (in u 2013) è dopu un gruppu (a terza squadra ma sempre nantu à u listessu spiritu), appronta u so primu dischettu. Un dischettu, fruttu di a sperienza di a scena di tutti i so membri è dinò di a so passione per u cantu corsu, chelli sò tutti arrimbati nantu à u filu di u Riacquistu. « Issa canzona, aghjusta Ghaseppu Franchi, ne aghju primu cumpostu a meludia nantu à u filu d’America Suttana, un filu abbastanza sviluppatu ind’è noi cù d’altri gruppi (Primavera, i Chjami Aghjalesi…). Eppo, aghju scrittu e parolle prestu cù una spirazione chì m’hè ghjunta d’un colpu. Dopu, l’aghju pruposta à l’inseme di u gruppu ch’ùn anu micca tutti u listessu interessu per u ghjocu à pallò. »
Quelli accettanu subbitu, di sicura è a canzona hè registrata, cum’è tutte l’altre ind’è Ricordu sin’à a fine di ghjugnu. Cù un pocu di ritardu per via di a crisa sanitaria. Subbitu dopu a sparizione di Diego Maradona, u 24 di nuvembre, u gruppu li vole rendu un umaggiu maiò. Tandu, « Trà passione è miseria » hè ripigliata è bulicata cù un filmettu-muntami chì principia cù a famosa realisazione di Maradona in quartu di finale di a cuppa di u mondu di u 1986.
230000 persone tocche
« Ci hè statu subbitu un slanciu tamantu nantu à e rete suciale ! Cuntemu à pocu pressu, più di 50000 viste nantu à Fb è You Tube, è guasgi 230000 persone tocche. Frà elle, assai d’Argentina induve ci hè vulsutu à fà a traduzzione da u corsu à u spagnolu ! Per noi, ùn hè micca qualcosa di cummerciale chè a canzona ùn si pò cumprà. Hè solu un umaggiu à quellu chì fù di sicuru, unu di i più grandi ghjucadori di ballò mai cunnisciuti. Pertutu da a miseria è cullatu nantu à u tettu di u mondu… »
S’è a canzona tratta di « A manu di Diu » ind’u so ricantu, si ritene sopratuttu u percorsu strasordinariu di « El Pibe de Oro ». Una canzona chì vene dopu à u famosu « Che Guevara » ma forse, cù un successu ancu più maiò…
F.P.
Ind’una canzona « Trà passione è miseria » esciuta à a fine di nuvembre nantu à e rete suciale, è dinò privista in u dischettu novu d’aprile, u gruppu « I voci di a Gravona » rende umaggiu à u famosu ghjucadore di ballò, sparitu u 24 di nuvembre scorsu…
Ritimu è acconci d’America suttana chì accumpagnanu un filmettu nantu e prove suprane di « El Pibe de Oro », da zitellu sin’à a so perioda napulitana passendu, di sicuru, per a cuppa di u mondu di u 1986, eccu ciò ch’elli anu riesciutu à fà i membri di u gruppu « I voci di a Gravona » (a squadra nova) subbitu dopu a sparizione di Diego Maradona.
Un umaggiu di u gruppu. Ma un’idea di Ghjaseppu Franchi chì hà scritttu e parolle è cumpostu a musica. Di fattu, issa canzona, chjamata « Trà passione è miseria » hè privista in u dischettu novu di u gruppu, chì escerà d’aprile. « Zitellu, spiega l’autore, aghju ghjucatu à u pallò è sò cresciutu à mezu à e prove suprane di Maradona in u 1986, 1990 è ancu dopu in Napuli. Un ghjucadore strasordinariu chì marcherà a storia di u ghjocu à ballò mundiale. Ghjè un ghjucadore chì hà fattu sunnià tanti zitelli… »
Nantu à u filu di u Riacquistu
Dapoi qualchì tempu, ciò chì era prima un associu (in u 2013) è dopu un gruppu (a terza squadra ma sempre nantu à u listessu spiritu), appronta u so primu dischettu. Un dischettu, fruttu di a sperienza di a scena di tutti i so membri è dinò di a so passione per u cantu corsu, chelli sò tutti arrimbati nantu à u filu di u Riacquistu. « Issa canzona, aghjusta Ghaseppu Franchi, ne aghju primu cumpostu a meludia nantu à u filu d’America Suttana, un filu abbastanza sviluppatu ind’è noi cù d’altri gruppi (Primavera, i Chjami Aghjalesi…). Eppo, aghju scrittu e parolle prestu cù una spirazione chì m’hè ghjunta d’un colpu. Dopu, l’aghju pruposta à l’inseme di u gruppu ch’ùn anu micca tutti u listessu interessu per u ghjocu à pallò. »
Quelli accettanu subbitu, di sicura è a canzona hè registrata, cum’è tutte l’altre ind’è Ricordu sin’à a fine di ghjugnu. Cù un pocu di ritardu per via di a crisa sanitaria. Subbitu dopu a sparizione di Diego Maradona, u 24 di nuvembre, u gruppu li vole rendu un umaggiu maiò. Tandu, « Trà passione è miseria » hè ripigliata è bulicata cù un filmettu-muntami chì principia cù a famosa realisazione di Maradona in quartu di finale di a cuppa di u mondu di u 1986.
230000 persone tocche
« Ci hè statu subbitu un slanciu tamantu nantu à e rete suciale ! Cuntemu à pocu pressu, più di 50000 viste nantu à Fb è You Tube, è guasgi 230000 persone tocche. Frà elle, assai d’Argentina induve ci hè vulsutu à fà a traduzzione da u corsu à u spagnolu ! Per noi, ùn hè micca qualcosa di cummerciale chè a canzona ùn si pò cumprà. Hè solu un umaggiu à quellu chì fù di sicuru, unu di i più grandi ghjucadori di ballò mai cunnisciuti. Pertutu da a miseria è cullatu nantu à u tettu di u mondu… »
S’è a canzona tratta di « A manu di Diu » ind’u so ricantu, si ritene sopratuttu u percorsu strasordinariu di « El Pibe de Oro ». Una canzona chì vene dopu à u famosu « Che Guevara » ma forse, cù un successu ancu più maiò…
F.P.
