U Cantu di a Trova : dece anni di passione canterina

U cantu di a Trova : dece anni di
passione canterina

A scola di cantu gestita da Mathieu Casanova, stitutore è membre fundatore di u gruppu « Primavera », festighjava, a settimana scorsa à u Palazzu di i Cungressd’Aiacciu, i so dece anni.



Felì, i Chjami Aghjalesi, Canta u Populu Corsu, a Filetta Chjar di Luna, Voce Ventu, Diana di l’Alba...Paghjella, cantu sacru è prufanu, eccu ciò chè u publicuaiaccinu hà pussutu sente a settimana scorsa à u Palazzu di i Cungressi à l’occasione di i dece anni di a scola « U cantu di a Trova ». À l’iniziu d’issu bellu prughjettu, Mathieu Casanova, stitutore à a scola materna di Mezzavia è cantadore rinumatu. « U cantu, spiega l’artistu, hè nanzu à tuttu un piaceri. Dopu, s’acconciani voci, strumenti, etc...Cum’è sò passiunatu, aghju avutu a furtuna d’avè una sala à a scola di a Trova deci anni fà, pà fà cantà, prima, i chjuchi, è à pocu à pocu, a squadra s’hè allargata. Oghji, saremi à pocu pressucentuvinti... »

Cusì, a squadra hà fattu a so strada. Zitelli, ghjovani è maiò, tutti si sò ritruvati i marti è mercuri, à a scola di a Trova per una stonda d’amparera. « Pà i zitelli, aghjusta Mathieu Casanova, canzoni di i so età ma dinò, à pocu à pocu, canti di gruppi o d’artisti. Nimu n’hè lacatu da cantu.. Tuttu u mondu devi cantà. Eppo, i niveddi sò cresciuti... »

Chjuchi, ghjovani è maiò

Tandu, s’è u marcuri era dedicatu à i zitelli, à u principiu di u dopu meziornu, u marti sera è u marcuri eranu per maiò, spiccati in duie squadre. I « principianti», chì anu dighjà un certu nivellu è i « cunfirmati » chì sò capaci di cullà nantu à una scena. In più di què, l’artistu hà principiatu dinò, un attellu di ghitarra. « Travaddemi canzoni di i gruppi d’eri ma ancu di quiddi ch’anu esciutu dischetttipochi tempi fà. Ci hè dinò qualchì paghjella o cantu ghjesgiali. Ma a nuzioni di piaceri passa nanzu à tuttu. Ci dà un insemi monda interessanti, tutti « l’elevi sòcuntenti di ritruvà si. Ghjunghjani da circondu ma certi affaccani da più luntanu(Saone, Tiuccia, Calcatoghju… ). » Mathieu Casanova hè statu vittimu di u sosuccessu. Da una decina à l’iniziu, a squadra hè passata à più di centu. È cusì, ogni anni, tuttu u mondu si ritruvava in a Trova o in a ghjesgia d’Appiettu per un cuncertu di fine d’annata. Un’altra stonda di spartera. Dapoi qualchì annu, Nathalie, a cumpagna di Mathieu, hà pigliatu in carica, a ghitarra cù una vintenad’elevi, chjuchi è maiò.

Trè ore di cuncertu

Ghjè tuttu stu mondu chì s’hè ritruvatu marti l’otu di lugliu, à u Palazzu di i Cungressi d’Aiacciu, per più di trè ore di cuncertu. S’hè principiatu à sette ore di sera per un’oretta cù zitelli, scularizati, per a maiò parte in a Trova, ma dinò Afàè Appiettu. Eppo, Mathieu è Nathalie anu gestitu i maiò durante guasgi duie ore. Cù Luc Carta, chì tarruccava appena u publicu, s’hè principiatu cù « A basgina», una paghjella, nanzu di fà cullà l’ambianza cù canzone più o menu cunnisciute, cantate cù una qualità maiò da e duie squadre, accumpagnate, di tantu in tantu, da ghitarristi di a scola. È u spettaculu s’hè compiu cù « Borgu », di i Chjami. « Una bedda stonda di spartera, precizeghja torna Mathieu Casanova, avemi vulsutu francà un passu per raportu à l’ultmi anni. Una riesciuta maiò pà tutti. È un ringraziu pà nosci sustegni. » « Maestri » è « elevi» anu da prufittà, avà di vacanze meritata nanzu à a ripresa di settembre cùd’altri prughjetti. Aspettendu, cantu ùn serà tantu luntanu per certi…



F.P.
Photo : Philippe Peraut