<< Dite a vostra >> festighjeghja i so vinti anni
À l’occasione di i vinti anni di l’emissione dedicata à a lingua corsa, Ghjuvan carlu Marsily, capimachja di u cuncettu è a so squadra,....
« Dite a vostra » festighjeghja i so vinti anni
À l’occasione di i vinti anni di l’emissione dedicata à a lingua corsa, Ghjuvan carlu Marsily, capimachja di u cuncettu è a so squadra, approntanu una ghjurnata sana intornu à a lingua, à u Campus Mariani, sabbatu u 20 di settembre chì vene. Tuttu u mondu hè invitatu. L’occasione, per u JDC, di mette in vale, un’emissione chì hà fattu a so strada dapoi vinti anni…
À u principiu di settembre di l’annu 2005, Ghjuvan Carlu Marsily, animatore di a Frequenza Mora, vole prufittà d’un urariu subbitu dopu meziornu, per mette in piazza un’emissione dedicata à a lingua corsa. « Dite a vostra » hè in marchja. « L’idea, spiega u respunsevule, era di sviluppà a lingua corsa nantu à l’onde ma dinò d’apre l’emissione à tutti, pocu impreme so nivellu di lingua è d’ùn parlà chè corsa, aldilà di a frasa « aghju da parlà in francese chè tuttu u mondu possi capisce...Altru puntu, si parlava di tuttu ma micca di pulitica. »
Un usu naturale
Ci vole à dì chè l’emissione hè, à l’iniziu, una scumessa tamanta. « Masimu, aghjusta u so capimachja, chè emissione d’un’ora è mezu, ci n’era pocu à l’epica. »
Subbitu, « Dite a vostra » solca u so territoriu. Sapè fà, usi, grammatica... Chjamanu da tutti i lochi di Corsica è d’altrò (Nizza, Marseglia, Parrighji è ancu Sardegna è Germania…) per scambià. |È tutti i sughjetti, fora di a pulitica, sò trattati. S’amparanu parolle schiette sparite in certi lochi, fole, puesie, è si canta dinò. « Frà tempu, peccatu, avemu persu qualchì persona. Ma si pò dì chè l’affare hà pigliatu subbitu. Tutte e parlate di l’isula eranu è sò sempre aduprate cù u travagliu nantu à a pulinumia. »
L’emissione deve u so successu à u so estru naturale è l’impegnu maiò di l’intervenanti, tutti passiunati di a so lingua. « Ùn ci aspettavamu micca à issu « resultatu ». Oghje, « Dite a vostra » hè l’emissione a più ascultata nantu à a Frequenza Mora dopu à u Foru è u nutiziale. »
Più di centu persone aspettate
Dece anni fà, a squadra hà marcatu u so anniversariu cù una stonda di spartera. Ma questu annu, Ghjuvan Carlu hà vulsutu marcà u colpu. « Vinti anni sò vnt’anni, preciseghja l’omu, ci vulia à fà qualcosa. Dunque, avemu decisu d’urganizà una ghjurnata dedicata à a nostra lingua u 20 di settembre, à partesi da 11 ore di mane à u Campus Mariani di l’Università di Corsica. Ci serà un ripastu è dopu meziornu, ognunu dicerà a soia : fola, canzone, viulinu, ecc... »
S’è u statu di a lingua corsa ùn hè tantu tremende oghje, u capimachja di l’emissione, ellu, vole fighjulà davanti. « Tuttu u mondu cunnosce u statu pessimu di a lingua. Ma, à pocu à pocu, e cose avanzanu. Fighjulate bè, u bislinguisimu si sviluppa di più in più è l’immersione face dinò a so strada. Eiu,ci crergu. »
Dopu à vinti anni passati, Ghjuvan Carlu Marsily hà principiatu à assicurà a rileva cù qualchì ghjovanu cum’è Paulu Antò Squarcini è Arthur Solinas tramindui cù a parlata pumuntinca « Ci vole à tramandà ma cuntinuà nantu à u listessu spiritu di vint’anni fà. Ma, à più o menu longu andà, ci vulerebbe di più lingua corsa nantu à i media. A so salvezza passa per quì. È a sucetà bislingua dinò. Avemu assai arnesi, oghje, ci tocca à prufittà ne. »
D’eri, oghje è dumane, si tratterà u 20 di settembre cù, per avà, più di centu persone aspettate. Ognunu per dì a soia…
F.P.
Photo : Dite a Vostra !
À l’occasione di i vinti anni di l’emissione dedicata à a lingua corsa, Ghjuvan carlu Marsily, capimachja di u cuncettu è a so squadra, approntanu una ghjurnata sana intornu à a lingua, à u Campus Mariani, sabbatu u 20 di settembre chì vene. Tuttu u mondu hè invitatu. L’occasione, per u JDC, di mette in vale, un’emissione chì hà fattu a so strada dapoi vinti anni…
À u principiu di settembre di l’annu 2005, Ghjuvan Carlu Marsily, animatore di a Frequenza Mora, vole prufittà d’un urariu subbitu dopu meziornu, per mette in piazza un’emissione dedicata à a lingua corsa. « Dite a vostra » hè in marchja. « L’idea, spiega u respunsevule, era di sviluppà a lingua corsa nantu à l’onde ma dinò d’apre l’emissione à tutti, pocu impreme so nivellu di lingua è d’ùn parlà chè corsa, aldilà di a frasa « aghju da parlà in francese chè tuttu u mondu possi capisce...Altru puntu, si parlava di tuttu ma micca di pulitica. »
Un usu naturale
Ci vole à dì chè l’emissione hè, à l’iniziu, una scumessa tamanta. « Masimu, aghjusta u so capimachja, chè emissione d’un’ora è mezu, ci n’era pocu à l’epica. »
Subbitu, « Dite a vostra » solca u so territoriu. Sapè fà, usi, grammatica... Chjamanu da tutti i lochi di Corsica è d’altrò (Nizza, Marseglia, Parrighji è ancu Sardegna è Germania…) per scambià. |È tutti i sughjetti, fora di a pulitica, sò trattati. S’amparanu parolle schiette sparite in certi lochi, fole, puesie, è si canta dinò. « Frà tempu, peccatu, avemu persu qualchì persona. Ma si pò dì chè l’affare hà pigliatu subbitu. Tutte e parlate di l’isula eranu è sò sempre aduprate cù u travagliu nantu à a pulinumia. »
L’emissione deve u so successu à u so estru naturale è l’impegnu maiò di l’intervenanti, tutti passiunati di a so lingua. « Ùn ci aspettavamu micca à issu « resultatu ». Oghje, « Dite a vostra » hè l’emissione a più ascultata nantu à a Frequenza Mora dopu à u Foru è u nutiziale. »
Più di centu persone aspettate
Dece anni fà, a squadra hà marcatu u so anniversariu cù una stonda di spartera. Ma questu annu, Ghjuvan Carlu hà vulsutu marcà u colpu. « Vinti anni sò vnt’anni, preciseghja l’omu, ci vulia à fà qualcosa. Dunque, avemu decisu d’urganizà una ghjurnata dedicata à a nostra lingua u 20 di settembre, à partesi da 11 ore di mane à u Campus Mariani di l’Università di Corsica. Ci serà un ripastu è dopu meziornu, ognunu dicerà a soia : fola, canzone, viulinu, ecc... »
S’è u statu di a lingua corsa ùn hè tantu tremende oghje, u capimachja di l’emissione, ellu, vole fighjulà davanti. « Tuttu u mondu cunnosce u statu pessimu di a lingua. Ma, à pocu à pocu, e cose avanzanu. Fighjulate bè, u bislinguisimu si sviluppa di più in più è l’immersione face dinò a so strada. Eiu,ci crergu. »
Dopu à vinti anni passati, Ghjuvan Carlu Marsily hà principiatu à assicurà a rileva cù qualchì ghjovanu cum’è Paulu Antò Squarcini è Arthur Solinas tramindui cù a parlata pumuntinca « Ci vole à tramandà ma cuntinuà nantu à u listessu spiritu di vint’anni fà. Ma, à più o menu longu andà, ci vulerebbe di più lingua corsa nantu à i media. A so salvezza passa per quì. È a sucetà bislingua dinò. Avemu assai arnesi, oghje, ci tocca à prufittà ne. »
D’eri, oghje è dumane, si tratterà u 20 di settembre cù, per avà, più di centu persone aspettate. Ognunu per dì a soia…
F.P.
Photo : Dite a Vostra !