« Di mè, n’avete fattu una mamma », l’ultima opera d’Anghjula Potentini
Dopu à un arrestu di tredeci anni, l’artista isulana hà esciutu, à a fine di l’annu scorsu, u so ultimu dischettu : « Di mè, n’avete fattu una mamma.
« Di mè, n’avete fattu una mamma », l’ultima opera d’Anghjula Potentini
Dopu à un arrestu di tredeci anni, l’artista isulana hà esciutu, à a fine di l’annu scorsu, u so ultimu dischettu : « Di mè, n’avete fattu una mamma. »Un’opera di sedeci canti è un titulu in umaggiu à Ghjuvan Santu, u so figliolu…
Aviamu dighjà avutu l’occasione, inde e nostre pagine, di rende umaggi à u percorsu canterinu d’Anghjula Potentini. L’artista uriginaria di u Poghju d’Oletta, festighjava, dui anni fà, i so vinti anni di cantu. Vinti anni è trè dischetti. A famosa « Lettera d’amore », in u 2006 chì era cum’è un umaggiu à e canzone di a so zitellina, « canzone chì mi piacianu, spiega l’artista, è cantadori rinumati cum’è fratelli Vincenti, Antone Ciosi, Carlu Rocchi... ». « Fiara », 2009 è « Ora Serena », 2012 si vulianu dischetti di creazione chì mettianu in vale u talente di a cantatrice. À mezu pueti è cumpunitori dinù rinumati : Petru Santucci, Cristofanu Mac Daniel, Sonia Moretti, Battì de Nobili...Eppo, à partesi di u 2012, un arrestu. «Hè vera chè i trè dischetti si sò seguitati in sei anni. Ma dopu, sò divintata mamma d’un masciu chì t’hà, oghje, 12 anni, mi sò cunsacrata à sta vita di mamma. À tempu, aghju passatu qualchì annu difficiule. »
Un annu è mezu di travagliu
U cantu, ellu, ùn hè mai statu troppu luntanu. Ma ci hè vulsutu à aspettà una decina d’anni per vede l’artista fà un giru maiò à l’occasione di i so vinti anni di scena in u 2024 : l’albore, Pigna, l’Aghja è cumpagni di scena cum’è Raphaël Pierre, Marc’Andria Castellani o Cristofanu Mac Daniel. I sti tempi quì, unepochi di canzone nove eranu dighjà scritte. « Avia issu prughjettu in capu, aghjusta a cantatrice, ci vulia solu à sviluppà lu. Cusì, dopu à una chjama di Ricordu chì vulia pruduce issu dischettu, u prughjettu hè statu principiatu. Avemu messu più d’un annu per compielu. »
Un umaggiu à i soi è à a Corsica
Sedeci canzone cumponenu issu quartu dischettu chì si vole cum’è un umaggiu. Nanzu di tuttu à Ghjuvan Santu, u so figliolu-u titulu di l’opera è di a canzona eponima- li sò dedicati. Anghjula hà, di sicuru, scrittu è cumpostu sta canzona. Ma dinù « una girata d’ochju », stagione di a vita d’una zitella. « Sò fiure di ciò ch’aghju campatu in a mo zitellina. È dinù umaggi à u mo babbu è u mo ziu. » Duie canzone cù un stilu musicale abbastanza dolce. L’inseme di u dischettu si vole ancu ellu un umaggiu. « Un angulu di tettu », scrittu da Ghjuvan Petru Ristori, hè dedicatu à i migranti, « A volta serenaé à Francis Pantalacci, guardianu di u rifugiu di l’usciolu, « A stantara » dedicata à Petru Guelfucci, un scrittu di Marc’Andria Castellani o « In cunfine » scritta da l’artista in tempi di u cunfinamentu…
Qualchì cuncertu d’estatina
In tuttu, l’artista hà scrittu cinque canzone, per l’altre, i so cumpagni di prima (Petru Santucci, Letizia Cosimi, Sonia Moretti…) l’anu accumpagnata. Un dischettu novu chì puderia girà iss’estatina. « In tuttu, simu cinque nantu à a scena, aspettemu qualchì prugramazione. » Frà tempu, l’artista, ch’ùn pianta mai, apprnteria un spettaculu di pulifunia. Ma quì, acqua in bocca…
F.P.
photo : Anghjula Potentini
Dopu à un arrestu di tredeci anni, l’artista isulana hà esciutu, à a fine di l’annu scorsu, u so ultimu dischettu : « Di mè, n’avete fattu una mamma. »Un’opera di sedeci canti è un titulu in umaggiu à Ghjuvan Santu, u so figliolu…
Aviamu dighjà avutu l’occasione, inde e nostre pagine, di rende umaggi à u percorsu canterinu d’Anghjula Potentini. L’artista uriginaria di u Poghju d’Oletta, festighjava, dui anni fà, i so vinti anni di cantu. Vinti anni è trè dischetti. A famosa « Lettera d’amore », in u 2006 chì era cum’è un umaggiu à e canzone di a so zitellina, « canzone chì mi piacianu, spiega l’artista, è cantadori rinumati cum’è fratelli Vincenti, Antone Ciosi, Carlu Rocchi... ». « Fiara », 2009 è « Ora Serena », 2012 si vulianu dischetti di creazione chì mettianu in vale u talente di a cantatrice. À mezu pueti è cumpunitori dinù rinumati : Petru Santucci, Cristofanu Mac Daniel, Sonia Moretti, Battì de Nobili...Eppo, à partesi di u 2012, un arrestu. «Hè vera chè i trè dischetti si sò seguitati in sei anni. Ma dopu, sò divintata mamma d’un masciu chì t’hà, oghje, 12 anni, mi sò cunsacrata à sta vita di mamma. À tempu, aghju passatu qualchì annu difficiule. »
Un annu è mezu di travagliu
U cantu, ellu, ùn hè mai statu troppu luntanu. Ma ci hè vulsutu à aspettà una decina d’anni per vede l’artista fà un giru maiò à l’occasione di i so vinti anni di scena in u 2024 : l’albore, Pigna, l’Aghja è cumpagni di scena cum’è Raphaël Pierre, Marc’Andria Castellani o Cristofanu Mac Daniel. I sti tempi quì, unepochi di canzone nove eranu dighjà scritte. « Avia issu prughjettu in capu, aghjusta a cantatrice, ci vulia solu à sviluppà lu. Cusì, dopu à una chjama di Ricordu chì vulia pruduce issu dischettu, u prughjettu hè statu principiatu. Avemu messu più d’un annu per compielu. »
Un umaggiu à i soi è à a Corsica
Sedeci canzone cumponenu issu quartu dischettu chì si vole cum’è un umaggiu. Nanzu di tuttu à Ghjuvan Santu, u so figliolu-u titulu di l’opera è di a canzona eponima- li sò dedicati. Anghjula hà, di sicuru, scrittu è cumpostu sta canzona. Ma dinù « una girata d’ochju », stagione di a vita d’una zitella. « Sò fiure di ciò ch’aghju campatu in a mo zitellina. È dinù umaggi à u mo babbu è u mo ziu. » Duie canzone cù un stilu musicale abbastanza dolce. L’inseme di u dischettu si vole ancu ellu un umaggiu. « Un angulu di tettu », scrittu da Ghjuvan Petru Ristori, hè dedicatu à i migranti, « A volta serenaé à Francis Pantalacci, guardianu di u rifugiu di l’usciolu, « A stantara » dedicata à Petru Guelfucci, un scrittu di Marc’Andria Castellani o « In cunfine » scritta da l’artista in tempi di u cunfinamentu…
Qualchì cuncertu d’estatina
In tuttu, l’artista hà scrittu cinque canzone, per l’altre, i so cumpagni di prima (Petru Santucci, Letizia Cosimi, Sonia Moretti…) l’anu accumpagnata. Un dischettu novu chì puderia girà iss’estatina. « In tuttu, simu cinque nantu à a scena, aspettemu qualchì prugramazione. » Frà tempu, l’artista, ch’ùn pianta mai, apprnteria un spettaculu di pulifunia. Ma quì, acqua in bocca…
F.P.
photo : Anghjula Potentini