A rinascita di a fiera di a trinità
Una prima edizione si tenerà à a fine di u mese di maghju…
A rinascita di a fiera di a trinità
Sparita durante guasgi cinquanta anni, a fiera di a trinità, chì marcava tempi fà in Frassetu, a perioda di e muntagnere, rinvivisce cù u travagliu di l’associu « A Frassitana ». Una prima edizione si tenerà à a fine di u mese di maghju…
Durante seculi è seculi, i Corsi campavanu in leia cù a natura, à u so ritimu è cù u rispettu di i so ciculi. Ma a revuluzione industriale, e duie guerre è a partenza in cità è altrò, anu fattu perde assai à i nostri paesi. Fà rinvivisceiss’usu, eccu u scopu di l’associu « A Frassitana » natud’aostu scorsu. « Di fattu, spiega Marie Antona, presidente di a struttura, avemi ritruvatu un vechju affissu di u 1950 induvasi trattava, ghjust’à puntu, di a fiera di a Trinità. Avemivulstutu rilancià la. »
Particularità, a fiera, chì marcava dunque a muntagnera, hè, à tempu, a festa patrunale di u paese. A squadra di l’associu(sei membri in tuttu) hà travagliatu durante qualchì mese per cuncepisce una fiera è appruntà, dinò a Santa Trinità, u 31 di maghju. «Duranti parechji anni, aghjusta Marie Antona, ci era sopratuttu a festa patrunali ma pocu affari fora di a messaè di a prucessiò. Pà noi, l’idea di rilancià i dui, hè unamanera di dà vita à i nosci paesi. »
Spechju di i sapè fà taravesi
Altra particularità, l’urganizatori anu vulsutu mette in vale l’artisgiani è pruduttori di l’Urnanu è u Taravu. Issu spechjudi i sapè fà taravesi hà da permette à u publicu, à l’occasionedi a nova edizione-i 30 è 31 di maghju- di scopre cultellaghji(Anthony Fois è David Vitiello), vignaghjoli (u vinuPratavone), urtulani, farrali (a famiglia Tinneroni), ghjente chì travavaglianu u coghju (Dumè Santoni), u savò, u brocciu (Anaïs Franceschi), chì facenu licori, a biera (« Bocca » di Cuzzà), Diana Saliceti (spassighjata à cavallu), spassighjatain muntagna cù l’associu « I trè paesi », ci serà dinò LeaFranceschi per un attellu dedicatu à u tattuaggiu è tanti altri-trentadui in tuttu- tutti di ceppu taravese-« Avemi tinutul’affissu di u 1950 ritruvatu cù u me cuginu in un ti, ripiglia a presidente, pà noi, hè una manera fà una leia trà eri, oghji è dumani. »
Lià fede è tradizione
S’è l’associu ùn hà pussutu, per avà, mantene l’usu di a muntagnera- i pastori partenu d’altrò- a leia cù d’altri paesidi u circondu permette, dighjà di fà un passu maiò ver di u mantenimentu di l’usi è tradizione antiche di u Taravu. D’altronde, l’urganizatori anu favurizatu a leia trà fede è tradizione postu chè a messa serà celebrata u 31 di maghju, ghjornu di a Santa Trinità, in prisenza di trè cunfraternite : Santu Antonu di i chjarasgi (Serra di Ferru), San Chirgu di u Taravu (Cuzzà) è Santa Croci di u Furciolu. Issa leia tràreligione è paganisimu-laicità- impedisce l’associu di tuccàsuvvenzione publiche. « Avemi un bugettu di 15000 euri da accuncià tuttu. Hè statu più difficiuli senza aiutu ma l’impurtanti hè di pudè fà chì a manifestazioni possi ripigliàfiatu. Si vidarà pà un altru annu. »
Per ciò chì tocca à l’aspettu musicale, a scola di cantu di Campu principierà a serata di u 30, nanzu à un cuncertu di u gruppu « Primavera. » Ma cù a ricchezza musicale di u rughjone (canti sacri è prufani), a squadra di « A Frassitana » riflette dighjà à l’urganisazione d’un’altra ghjurnata dedicata à i canti taravesi. Frà tempu, li ferma un mese per appruntà u ritornu di a fiera di a trinità.
F.P.
photo :Associu " A frassitana "
Sparita durante guasgi cinquanta anni, a fiera di a trinità, chì marcava tempi fà in Frassetu, a perioda di e muntagnere, rinvivisce cù u travagliu di l’associu « A Frassitana ». Una prima edizione si tenerà à a fine di u mese di maghju…
Durante seculi è seculi, i Corsi campavanu in leia cù a natura, à u so ritimu è cù u rispettu di i so ciculi. Ma a revuluzione industriale, e duie guerre è a partenza in cità è altrò, anu fattu perde assai à i nostri paesi. Fà rinvivisceiss’usu, eccu u scopu di l’associu « A Frassitana » natud’aostu scorsu. « Di fattu, spiega Marie Antona, presidente di a struttura, avemi ritruvatu un vechju affissu di u 1950 induvasi trattava, ghjust’à puntu, di a fiera di a Trinità. Avemivulstutu rilancià la. »
Particularità, a fiera, chì marcava dunque a muntagnera, hè, à tempu, a festa patrunale di u paese. A squadra di l’associu(sei membri in tuttu) hà travagliatu durante qualchì mese per cuncepisce una fiera è appruntà, dinò a Santa Trinità, u 31 di maghju. «Duranti parechji anni, aghjusta Marie Antona, ci era sopratuttu a festa patrunali ma pocu affari fora di a messaè di a prucessiò. Pà noi, l’idea di rilancià i dui, hè unamanera di dà vita à i nosci paesi. »
Spechju di i sapè fà taravesi
Altra particularità, l’urganizatori anu vulsutu mette in vale l’artisgiani è pruduttori di l’Urnanu è u Taravu. Issu spechjudi i sapè fà taravesi hà da permette à u publicu, à l’occasionedi a nova edizione-i 30 è 31 di maghju- di scopre cultellaghji(Anthony Fois è David Vitiello), vignaghjoli (u vinuPratavone), urtulani, farrali (a famiglia Tinneroni), ghjente chì travavaglianu u coghju (Dumè Santoni), u savò, u brocciu (Anaïs Franceschi), chì facenu licori, a biera (« Bocca » di Cuzzà), Diana Saliceti (spassighjata à cavallu), spassighjatain muntagna cù l’associu « I trè paesi », ci serà dinò LeaFranceschi per un attellu dedicatu à u tattuaggiu è tanti altri-trentadui in tuttu- tutti di ceppu taravese-« Avemi tinutul’affissu di u 1950 ritruvatu cù u me cuginu in un ti, ripiglia a presidente, pà noi, hè una manera fà una leia trà eri, oghji è dumani. »
Lià fede è tradizione
S’è l’associu ùn hà pussutu, per avà, mantene l’usu di a muntagnera- i pastori partenu d’altrò- a leia cù d’altri paesidi u circondu permette, dighjà di fà un passu maiò ver di u mantenimentu di l’usi è tradizione antiche di u Taravu. D’altronde, l’urganizatori anu favurizatu a leia trà fede è tradizione postu chè a messa serà celebrata u 31 di maghju, ghjornu di a Santa Trinità, in prisenza di trè cunfraternite : Santu Antonu di i chjarasgi (Serra di Ferru), San Chirgu di u Taravu (Cuzzà) è Santa Croci di u Furciolu. Issa leia tràreligione è paganisimu-laicità- impedisce l’associu di tuccàsuvvenzione publiche. « Avemi un bugettu di 15000 euri da accuncià tuttu. Hè statu più difficiuli senza aiutu ma l’impurtanti hè di pudè fà chì a manifestazioni possi ripigliàfiatu. Si vidarà pà un altru annu. »
Per ciò chì tocca à l’aspettu musicale, a scola di cantu di Campu principierà a serata di u 30, nanzu à un cuncertu di u gruppu « Primavera. » Ma cù a ricchezza musicale di u rughjone (canti sacri è prufani), a squadra di « A Frassitana » riflette dighjà à l’urganisazione d’un’altra ghjurnata dedicata à i canti taravesi. Frà tempu, li ferma un mese per appruntà u ritornu di a fiera di a trinità.
F.P.
photo :Associu " A frassitana "