L’epupea di a bucciata aiaccina cuntata da Jean-Luc Pietri

L’epupea di a bucciataaiaccinacuntata da Jean-Luc Pietri

Hè esciutu, pochi tempi fà, u primu libru di Jean-Luc Pietri : « Belle en l’air , l’épopée fantastique de la pétanque ajaccienne... » Un mezu seculu di a bucciata da i primi ghjochi sin’à u sviluppu d’una vera disciplina.



Quale hè ch’ùn cunnosce à Jean-Luc Pietri in a citàimperiale… È ancu altrò ? Cumenti spurtivi durante parechjianni, chronache nantu à l’onde o a stampa scritta, cantadore di a famosa « Goffa Lolita » in umaggiu à un amicu sparitu, ghjucadore di bucce cunnsciutu è ricunnisciutu, hà parechjecorde à u so arcu. Hè sta disciplina quì ch’ellu hà vulsutumette in vale cù a scrittura-a prima volta inde st’eserciziu quì-di u libru « Belle en l’air, l’épopée de la pétanque ajaccienne ». Un tutale di centutrenta pagine induve l’autorepiglia a penna per cuntà ci, à modu soiu è cù u talente ch’è no i li cunniscimu, un mezu seculu di a bucciata aiaccina.



Un patrimoniu spurtivu aiaccinu

Ma, à tempu, ci conta l’Aiacciu da l’anni cinquanta sin’àoghje à traversu tanti persunaghji famosi più o menu cunnisciuti. « Si tratta, à spessu di ghjocu à ballò in Aiacciu, spiega l’autore, ma a bucciata face dinò parte di u nostrupatrimoniu spurtivu. Quale hè ch’ùn ghjoca micca à e bucce ?

Si tratta, in u so libru, di a bucciata ma un percorsu chìcummencia cù una passione nata à a fine di l’anni settanta. Cum’è tanti aiaccinu, Jean-Luc zifra, à tempu, una licenza à l’ACA è u famosu club di a « bucciata di Mezzavia. » è si ghjoca in Aiacciu, in Guagnu è u Salge, i so dui paesi. « Ghjèa storia di a disciplina cù i primi ghjucadori in l’annicinquanta in u quartieru di San Ghjasè ch’aghju trattatu, aghjusta u passiunatu, vicinu à u stadiu Miniconi, u bar Denis è, à pocu à pocu u sviluppu in tutti i lochi d’Aiacciu… »



Da i primi passi à una disciplina strutturata

A bucciata, hè nanzu à tuttu un’affare di leia suciale, d’amicizia, di scontru è di u piacè di u ghjocu. Ma daretu, si piattava à l’epica, una disciplina oghje ricunnisciuta cùtercani-i Francesi seranu i più rinumati-U so libru, Jean-Luc l’hà cuncepitu cum’è una partita di bucce : ondeci capituli, seiin referenza à un scontru, è l’altri in umaggiu à l’omi, e donne, u sviluppu di u regulamente, i premii…dopu à un uchjata à tutti i so cumpagni di strada di a stampa scritta. U lettorepuderà scopre, « La boule d’or » di l’anni cinquanta cùpersunnalità cunnisciute è rinumate cum’è i fratelli Vannucci, Jo Tarassenko, Gaspard Sini… « U scopu di stu libru, ripigliau so autore, hè di rende umaggiu à tutti quelli, tercani o amatori, omi o donne, ch’anu fattu campà a bucciata duranteanni è anni. »

Da a piazza Cesare Campinchi sin’à oghje è i gran premiiinternaziunale chì accoglienu, oghje, i ghjucadori di u mondusanu, Jean-Luc Pietri ci conta l’évuluzione di ciò chì eraun’attività è, chì, à pocu à pocu, hè diventata una disciplina, guasgi artistica cù ghjucadori famosi chì anu fattu sventulà a bandera corsa quì è altrò. U tuttu illustratu di trè centu ritrattichì ci facenu sfuglià un mezu seculu di a cità imperiale. Si tratta dinò inde stu libru di l’esisgenze di ciò chì hè diventatuuna disciplina, oghje strutturata ch’ùn deve micca perde a soanima. Dinò di e strutture chì mancanu, di a furmazione. E, forse d’una ricunniscenza ulimpica chì li permetteria di francàun passu novu. Aspettendu, « Belle en l’air », un uchjata à Jérôme Casanova, si vole cum’è u spechju d’un’attivitàspurtiva arrimbata à una manera d’esse aiaccina. L’autore hàscrittu è pruduttu, ellu stessu u libru. Ne face dinò a cummercialisazione. Sola per a passione ch’è no li cunniscimu. Aspettendu, perchè micca una seguitaind’un’altra tematica, quale hè chì sà ?

F.P.
Crédit photo : F.P