Filu d’amparera : lingua, cultura è passione !

Filu d’amparera : lingua, cultura è passione !

L’associu gestitu da Rinatu Coti è Ghjuvan Petru Godinat urganizeghja, issi novi è deci di settembre, duie ghjurnate aperte à u publicu da appruntà a staghjone 2026-2027. L’occasione di sfruttà appenauna struttura chì esiste dapoi più di vinti anni.

Dapoi a so ufficialisazione, in u 2005-l’associu Filud’amparera face a so strada, stallatu in u quartieruMaglioli-anzianu Masseria. Una struttura chì travaglia à a trasmissione di a lingua corsa, u cantu, u teatru è a musica. « Ghjè cum’eddu a dici u nomi, un filu chì si trasmetta, spiega Rinatu Coti, presidente, è aldilà di a lingua è a cultura, ci hè una leia suciali impurtanti. »



Vintitrè ori di corsi à settimana

Dapoi più di vinti anni, l’associu prupone guasgi unavintena d’atelli, tutti dedicati à i chjuchi, ghjovani è maiò, masci è femine, omi è donne : pianò, ghitarra, cantu (chjuchi, mezani, maiò, omi è donne, misti) teatru, puesia, scrittura, lingua corsa (principianti, mezani è cunfirmati)… Ogni furmatore appronta u so travagliu è u sparghje tutta l’annata. Ghjuvan Petru Godinat, capimachja di a struttura, hè incaricatu di tuttu ciò chìtocca à u cantu. « Travagliemu nantu à u cantutradiziunale per i maiò, pulifunie è munudie ma dinòcreazione o adattazione. Per zitelli, partimu da u svegliu musicale, cù Vannina (membre di i Maestrelli), è andemu sin’à i ghjovani. E canzone sò scritte da RinatuCoti secondu à a tematica scelta, e mettu dopu inmusica. »Un inseme chì riprisenta vintitrè ore di corsiogni settimana-fora di e vacanze- in quattru sale. « A noscia struttura hè ricunnisciuta, aghjusta u presidente, da a Direzzione di l’Impiegu, di u Travagliu, di e Sulidarità è di a prutezzione di e Pupulazione(DDCSPP), è dinò di l’Educazioni Naziunali. Ciò chìmoscia u seriu ch’è no t’avemi à mantena stu filu. Ci sòdinò ponti trà a Cità d’Aiacciu, a Capa è u mondururali. Ci hè l’accessu à a cultura pà tutti. È a nosciamissioni è di favurizà issa leia trà issi spazii, masimuind’u quartieru pupulari. »



Cetera è viulinu tradiziunale

Cusì, i studenti travaglianu tuttu l’annu da u luni à u vennari durante dece mesi-senza cuntà e vacanze per i sculari è studienti. Eppo, di ghjugnu, ci hè sempre unarestituzione di tuttu ciò ch’elli anu amparatu, in a ghjesgia Sant’Antone d’Aiacciu è, à tempu, a sala di a Scenina chì d’altronde, urganizeghja residenza d’artistiè cuncerti. Dapoi l’annu scorsu, l’associu hà aghjustatuu teatru per i zitelli. È ghjè per fà a prumuzione di l’inseme è prisentà d’altri attelli (viulinu tradiziunale è cetera) chè a struttura urganizeghja, i novi è dece di settembre, duie ghjurnate aperte à tutti. A ghjente-chjuchi è maiò, puderà scuntrà a squadra pedagogica, scopre-o micca per quelli chì i cunnoscenu- a struttura, i lochi, l’attelli è, perchè micca scrivesi o riscrivesi per l’annu à vene. Sapendu chè-hè dinò a filusufia di a struttura-, e categurie suciale e più in difficultà averanuun prezzu particulare. Per u reste, a tarificazione hèdiversa-da 200 à 400 euri à l’annu è sin’à 765 per i corsidi pianò è ghitarra individuali. Dapoi tuttu stu tempu, « U filu d’amparera » hè cresciutu assai. Pò cuntà, oghjenantu à quattru centu aderenti è guasgi duicentustazianti in tutti l’attelli. Una struttura da scopre per quelli ch’ùn la cunnoscenu micca.

F.P.
crédit photo /Philippe Peraut