A « Musa » puetica d’Olivier Ancey

A « Musa » puetica d’Olivier Ancey

Prufessore di Corsu è di ceppu niulincu (Lozzi), Olivier Ancey hè sopratuttu cunnisciutu per esse un paghjellaghjuè un impruvisatore famosu. Hà esciutu, qualchì tempu fà, a so seconda opera puetica « Musa », à l’edizione Òmara. Ottant’unu puesie sparte in qualchì tematica. L’occasionedi sfuglià appena u so percorsu…



Ci sò omi, in a sucetà corsa, ch’anu riesciutu, à traversu u socampà, à lià eri è oghje, ch’ella sia in a vita d’ogni ghjornu oin u so mistieru. Assai cunnisciutu è ricunnisciutu in l’universu di u cantu tradiziunale, a puesia è a lingua corsa, Olivier Ancey ne face parte. Natu in Parrighji, hè sempre statu, cum’è tanti corsi, arradicatu à a so terra. « In Lozzi, paese di i mo vechji, spiega u pueta, era sempre ind’un ambiunustrale durante e mo vacanze. Hè quì, ch’aghju intesu e prime paghjelle è impruvisate. »



Una passione zitellina

Ghjuntu in Aiacciu inde l’anni settanta cù a so famiglia, seguita a so scularità, chjappa u so bascigliè è si piglia di passione per u cantu in paghjella. « Aghju amparatu à cantà, aghjusta l’omu, a paghjella hè veramente un usu particulare. Ma tutti i so scritti ghjunghjenu da canzone, lamenti, serenat, chjam​a è ripondi ecc. Si canta di tuttu in paghjella ma anu ritenutu solu e strufate e più belle…Hè cusì ch’eo mi sòmessu, à pocu à pocu, à impruvisà. »

In sti tempi di riacquistu induve sò nati tanti gruppi, face parte d’una di ste strutture. Ma li manca sempre qualcosa. « Ci era, d’una certa manera, una rumpitura cù l’anziani è ciò ch’euvulia amparà, praticà è più tardi, tramandà. E per quessa chèstu percorsu cù i gruppi ùn hà tantu duratu. »



Insignamentu, paghjella è chjama è rispondi

Dopu à studii di corsu è un capes, diventa prufessore di lingua nustrale è cerca à fà di u corsu, un spaziu di creazione, tramandera è scontru. È cuntinueghja, in i campi di fiera è spazii dedicati, à fà campà l’usu di u « chjama è rispondi » à mezu persone monda più anziane. À tempu, scrive puesie. « Quand’ella vene a musa, posu è scrivu ma ùn mi pongumicca a questione di scrive o micca. Ùn hè un bisognu. Hèqualcosa chì casca… »

D’issa passione, nascerà una prima racolta di puesie « Tarra madre » (2010). À tempu, dà scritti à assai gruppi è cantadoricorsi.



« Musa », un essere cumunu »

Strada facenda, si mette quindeci anni dopu, à una seconda racolta, « Musa », publicata à l’edizione « Òmara » di Marcu Biancarelli. Un’opera d’ottantunu puesie nutrite di parechjeinfluenze ma sopratuttu di u percorsu di l’autore. « L’architettura hè assai travagliata è spiccata in duie parte : ci hè « Musa » chì pò esse l’estru pueticu ma dinò una parte intima, « Figliola di l’onde », chì risponde, d’una certamanera, à « Tarra madre » di u primu libru, un messaghjuuniversale, « Requiescant in pace », chì hà una funzionecunsulatrice è memuriale-sò puesie ch’aghju fattu per ghjentedi a mo famiglia (babbu, un cunginu carnale, amichi, Stefanu Casalta, Petru Guelfucci…) è per disgrazia ci n’hèabbastanza per fà ne un capitulu. A seconda parte hè mizana, « Cherchju » fatta nantu à i mudelli di i sunetti shakespearianichì sò scritti cuncepiti in quartine è disticu (4-4-4-2). Dopu, entrimu in l’adattazzione di i sunetti di Shakespeare cù« Sponde landane ». In fine, l’ultima parte, sò puesie di l’India, (Tamul), una puesia di l’interiorità. »

Cù sta nova opera, l’autore ci mostra a so capacità à andà à sfruttà in parechji sistemi puetichi è parechje tradizzione. Hèun spaziu d’arradichera, d’apertura induve si ritruva ciò ch’ènoi t’avemu di più intimu nentru à noi : l’essere cumunu à tutti.

F.P.