Spiritu sacru, terza edizioni : canti corsi è d’altrò
A squadra di RCF Corsica urganizeghja stu sabbatu, a terza edizioni di u so festivali di cantu sacru.
Spiritusacru, terza edizioni : canticorsi è d’altrò
A squadra di RCF Corsica urganizeghja stu sabbatu, a terza edizioni di u so festivali di cantu sacru. Quist’annu, a tematica scelta hè « Canti corsi è d’altrò ». Trè cunfraterniti è i gruppi Quintina è Spartimu cumponini a prugrammazioni di st’edizioni.
Sò avà trè anni chì RFC Corsica, sustenuta da u Viscuvatu d’Aghjacciu, urganizeghja u festivali di cantusacru. L’occasioni di racoglia fondi da pudè campà è sviluppà si. È à tempu, di metta in vali a pulifunia sacra di Corsica, Pumonti è Cismonti è masimui cunfraternitidi l’isula, ancu s’eddi ùn cantani micca tutti. « U primuscopu era di fà valè u travaddu di a noscia radiu, spiegaLetitizia Pietri, direttrici, è di lià, à tempu, i noscibisogni è a cultura corsa à traversu à u cantu chì pigliauna piazza impurtanti ind’a noscia piccula struttura. »
Una tematica tutti l’anni
L’idea hà fattu a so strada sbucchendu, dui anni fà, nantu à un primu cuncertu in a catedrali Santa Maria Assunta d’Aghjacciu cù una parti classica è unamischiata trà trè cunfraterniti è u Coru di Sartè. « Un primu cuncertu chì fù una riescita, aghjusta a direttrici, avia rispostu à ciò ch’aspittaiami cù una beddamanifestazioni, a ghjenti cuntenta è a messa in vali di u nosciu patrimoniu musicali tradiziunali. »
L’annu scorsu, a tematica scelta fù « Evviva Maria ». L’occasione di senta a curali di a catedrali d’Aghjacciu, qualchì cantu liricu, cunfraterniti ghjunti da Vicu, Sartè, u Taravu, Aghjacciu, Carmin Belgodere è Laurence a somoglia per canti, cetera è viulinu.
Quistu annu, u gruppu feminili Quintina, chì hà esciutuu so primu dischettu di maghju è u gruppu maschilimonda cunnisciutu Spartimu faranu a seconda parti di u festivali chì, sta volta, s’hà da tena in a ghjesgia San Roccu. A prima parti serà custituita di a cunfraternitàSan Ghjuvan Battista d’Aghjacciu chì prisentarà cantitradiziunali è creazioni, una cunfraternita di Carghjesicù canti grecchi è i cantori di San Roccu cù canti sardi.
Scrivasi à longu andà
« Quandu avemi avutu l’accunsentu di u gruppuSpartimu, spiega Claudine Lanfranchi, presidenti di a radiu, avemu cuncepitu l’urganisazioni di u festivaliintornu à i canti d’altrò. I donni di Quintina si scrivinidinò in sta dimarchja quì. Per ciò chì tocca à i cunfraterni, a dinamica hè a listessa. »
Per RCF Corsica, chì t’hà iss’ultimi tempi, difficultà, stu cuncertu-più cà un festivali- hè un appoghju maiòchì parmetta, à tempu, di dà una visibilità à a radiu è di pona un sguardu nantu à a centinaia di cunfraternitich’edda conta l’isula cù middai di cunfrateddi è strutturichì nascini sottu à a dinamica di u Cardinali Bustillo. Quiddi cerca, dinò à adunscia tutti i cunfraterniti di l’isula u 17 d’uttrovi da creà una « casa di i cunfraternitié pà dà à issi strutturi un rolu suciali ancupiù impurtanti.
RCF Corsica si scrivi dinò in sta dimarchja quì vulendupurtà u so cuncertu à longu andà. Fendu una leia cùd’altri di u Mediterraneu (Sardegna, Sicilia, Meziornu di a Francia, Uccitania…). Aspittendu, a squadra ci dàappuntamentu stu sabbatu per una terza edizioni di Spiritu Sacru.
F.P.
crédit photo : PH.P