5a currinlingua ! corre à prò di a lingua corsa
U Cullettivu Parlemu Corsu urganzeghja, u 17 d’ottobre, a cinquesima edizione di a Currinlingua.
5a currinlingua ! corre à prò di a lingua corsa
U Cullettivu Parlemu Corsu urganzeghja, u 17 d’ottobre, a cinquesima edizione di a Currinlingua. Una prumuzione per a nostra lingua…
Dopu à un annu d’interruzzione, a squadra di u Cullettivu Parlemu Corsu hà ripigliatu a so strada per urganizà a cinquesima edizione di a Currilingua. Una manifestazione arrimbata nantu à ciò chì si face altrò(paese bascu per indettu), induve si corre à prò di a lingua corsa è si racoglie soldi, ghjust’à puntu per sustene prughjetti.
Da Cavru à Aghjacciu
« Cumenciu in u 2021 da u Borgu, spiega Micheli Leccia, capimachja di u Cullettivu, ci erami piantati duiannif à, in Cavru dopu à parechji edizioni in Aleria, Bunifaziu-a più longa di guasgi 100 chilometri-Sartè, Pitretu…Quist’annu, emi da parta da Cavru pà falàsin’à Aghjacciu. Cù 39 chilometri in tuttu. »
U cuncettu hè abbastanza simplice : corre à prò di a lingua corsa. Vale à dì, pagà una scrizzione di centu euri(parsona, associu, elettu ma di manera individuale, squadra spurtiva, ecc…). Una corsa sulidaria chìpermette, dopu à u cullettivu d’avè fondi è di purtàprughjetti o finanzà quelli d’altre strutture.
«I prughjetta dighjà sustinuti sò purtati da associa, aghjusta Micheli Leccia, (fioramossa, Scola Corsa, Basta à parlà, i Scontri di Cathy, Morra Murrina…) o purtati da no stessi (Rubutiscola, Chì si faci ?, Furmanima. Da nutà cì quistu annu, unipochi di solda, i daremi dinò a « Scola Corsa », vistu i difficultà ch’eddahà pussutu scuntrà. »
Fà nasce una fede per a lingua corsa
Dapoi l’iniziu, u cullettivu hà pussutu racoglie guasgi40000 euri. Ma aldilà d’iss’aspettu suldarinu, s’agisce di creà una dinamica è di fà nasce una fede per a nostralingua. È ci tocca à ricunnosce chè di stu puntu di vistu, a Currilingua hè dighjà una vittoria.
Per a cinquesima edizione, a ghjente-ne semu dighjà à più di novanta- hà da parte da Cavru, falà in EccicaSuarella, francà un ponte à a Vanna, cullà appena versuOcana, rifalà in Bastelicaccia per un arrestu, è ripiglià a strada sin’à Aiacciu, l’entrata, nanzu à un percorsu d’un locu simbolicu à l’altru : a gara, a prifettura, l’assembleadi Corsica, a statula di Fred Scamaroni, u retturatu, u liceu Fesch, a statula di Paoli, a catedrale, u mercatu, u palazzu di i Cungressi, u museu Fesch è a piazza di a merria per compie. « Si pò nutà l’impegnu maiori di tutti ‘ssi cumuni paisani, tutti pronta à dacci solda, parsoni par corra è appruntà cullazioni. »
Dui testimogni fatti in coghju è in legnu
Dopu à Ghjuvan Carlu Papi, hè Diana Salicetta chì seràa cummare di a manifestazione. In fine, nantu à piazza di a merria, ci serà un tendone è un spuntinu cù tutti i participanti à mezu à un’animazione musicale di i participanti. « Aspittemu mori aienti, ripiglia u capimachja di u cullettivu, è ben intesu, u finali in un’ambianza fistiva. Di regula, duvarianu participàpulitichi, u vicariu, u cardinali, parechji scoli, associa, cummercianti… »
Dui testimogni-hè dinò un cuncettu di a corsa-sò staticuncepiti in coghju è legnu, da l’artisgianu Dumè Santoni. L’occasione, per quelli chì volenu fà un sforzuà prò di a lingua corsa, di dà una manu è di participà. Sapendu chè si parteria, l’annu prussimu sin’àCarghjese nanzu di riculà ver di u nordu di l’isula…