Frequenza Nostra festighjeghja a notte di a lettura
In u quadru di a cinquesima edizione di a " Notte di a lettura " una manifestazione ......
Frequenza Nostra festighjeghja a notte di a lettura
In u quadru di a cinquesima edizione di a « Notte di a lettura »-una manifestazione naziunale- a radiu di vicinanza hà prupostu da u 24 à u 27 di ghjennaghju scorsu, un evenimentu culturale maiò. L’occasione, in sti tempi di bughjura à issu nivellu quì, di scambià, sparte è sprimesi…
Ind’un’epica induve cultura, ci n’hè pocu è micca, urganizà un evenimentu à prò, ghjustappuntu di a spressione artistica hè qualcosa di strasordinariu chì ci porta monda, pocu impreme a « nuturietà » o a ricunnscenza di a ghjente. In sti tempi di bughjura culturale, fà participà, in più, zitelli è ghjovani, saria, à tempu, un attu suciale maiò.
Di regula, a notte di a lettura-una manifestazione nata cinque anni fà da u Ministeru di a Cultura-, permette à tutti di participà à attelli di lettura in parechji lochi, musei, bibbiuteche…
Lochi culturali chjosi dapoi guasgi un annu !
Ma issa cinquesima edizione, induve ci vulia à scrivesi di dicembre scorsa, ùn era, à dilla franca, cum’è l’altre. Per via, di sicuru, di a crisa sanitaria. Cusì, ghjè à mezu à una situazione mai vista sin’à d’avà ch’ella accade postu chè musei, sale di sinemà, teatri, cuncerti, bibbiuteche è altri lochi culturali o patrimuniali sò chjosi dapoi guasgi un annu !
A radiu Frequenza nostra, dedicata à a vicinanza, s’hè scritta à a manifestazione. « Una logica, spieganu i so respunsevuli, face parte di i nostri scopi, masimu à mezu à s’epica quì. A lettura mette in vale à tuttu u mondu ! »
Intornu à a tematica « libri di u mondu », parechje persone, chjuchi è maiò-da sette à novanta anni, anu participatu à l’edizione da u 21 à u 24 di ghjennaghju scorsu. Puesie, pezze di teatru, scenarii di sinemà, rumanzi, tutti i genari sò stati adduprati da a ghjente.
« Cum’è per d’altre manifestazione, e scole primarie d’Aiacciu s’eranu scritte à sti ghjorni. À mezu à quelli chì sò ghjunti sopra piazza, ci hè vulsutu à mantene u filu sanitariu... »
Una manifestazione à mese
Fora di e scole, e mediatecche è bibbiutecche si sò dinò impegnate. Ma quallà, in a galleria di i Salini, più di cinquanta persone anu purtatu so petra. Lighjendu in francese, corsu, spagnolu, talianu, inglese...Cù, ci vole à dilla dinò, l’aiutu di a squadra teatrale « La Cible ». «Fù un successu maiò. Da quattru ore dopu meziornu sin’à a un’ora di mane, tuttu u mondu s’hè impegnatu. Trà quelli in presenza è quelli registrati, eranu guasgi centu... »
A squadra di Frequenza Nostra, impegnata à prò di a viginanza è intornu à tutte e tematiche, ùn si vole micca piantà quì. « Ci vole à dà a voglia à a ghjente d’investisce u spaziu di a lettura. Oghje, i ghjovani è ancu i maiò, ùn leghjenu micca abbastanza. Hè per quessu ch’una manifestazione à l’annu, ùn basta micca. Ne vulemu fà una ogni mese. »
Fora d’un spaziu dedicatu, di tantu in tantu à a lettura, a radiu vole cuntinuà nantu à stu versu quì. Cusì, a prussima ghjurnata dedicata à a lettura si ferà à a fine di ferraghju. L’occasione, per tutti, di pudè scambià è sparte un mumentu culturale…
In u quadru di a cinquesima edizione di a « Notte di a lettura »-una manifestazione naziunale- a radiu di vicinanza hà prupostu da u 24 à u 27 di ghjennaghju scorsu, un evenimentu culturale maiò. L’occasione, in sti tempi di bughjura à issu nivellu quì, di scambià, sparte è sprimesi…
Ind’un’epica induve cultura, ci n’hè pocu è micca, urganizà un evenimentu à prò, ghjustappuntu di a spressione artistica hè qualcosa di strasordinariu chì ci porta monda, pocu impreme a « nuturietà » o a ricunnscenza di a ghjente. In sti tempi di bughjura culturale, fà participà, in più, zitelli è ghjovani, saria, à tempu, un attu suciale maiò.
Di regula, a notte di a lettura-una manifestazione nata cinque anni fà da u Ministeru di a Cultura-, permette à tutti di participà à attelli di lettura in parechji lochi, musei, bibbiuteche…
Lochi culturali chjosi dapoi guasgi un annu !
Ma issa cinquesima edizione, induve ci vulia à scrivesi di dicembre scorsa, ùn era, à dilla franca, cum’è l’altre. Per via, di sicuru, di a crisa sanitaria. Cusì, ghjè à mezu à una situazione mai vista sin’à d’avà ch’ella accade postu chè musei, sale di sinemà, teatri, cuncerti, bibbiuteche è altri lochi culturali o patrimuniali sò chjosi dapoi guasgi un annu !
A radiu Frequenza nostra, dedicata à a vicinanza, s’hè scritta à a manifestazione. « Una logica, spieganu i so respunsevuli, face parte di i nostri scopi, masimu à mezu à s’epica quì. A lettura mette in vale à tuttu u mondu ! »
Intornu à a tematica « libri di u mondu », parechje persone, chjuchi è maiò-da sette à novanta anni, anu participatu à l’edizione da u 21 à u 24 di ghjennaghju scorsu. Puesie, pezze di teatru, scenarii di sinemà, rumanzi, tutti i genari sò stati adduprati da a ghjente.
« Cum’è per d’altre manifestazione, e scole primarie d’Aiacciu s’eranu scritte à sti ghjorni. À mezu à quelli chì sò ghjunti sopra piazza, ci hè vulsutu à mantene u filu sanitariu... »
Una manifestazione à mese
Fora di e scole, e mediatecche è bibbiutecche si sò dinò impegnate. Ma quallà, in a galleria di i Salini, più di cinquanta persone anu purtatu so petra. Lighjendu in francese, corsu, spagnolu, talianu, inglese...Cù, ci vole à dilla dinò, l’aiutu di a squadra teatrale « La Cible ». «Fù un successu maiò. Da quattru ore dopu meziornu sin’à a un’ora di mane, tuttu u mondu s’hè impegnatu. Trà quelli in presenza è quelli registrati, eranu guasgi centu... »
A squadra di Frequenza Nostra, impegnata à prò di a viginanza è intornu à tutte e tematiche, ùn si vole micca piantà quì. « Ci vole à dà a voglia à a ghjente d’investisce u spaziu di a lettura. Oghje, i ghjovani è ancu i maiò, ùn leghjenu micca abbastanza. Hè per quessu ch’una manifestazione à l’annu, ùn basta micca. Ne vulemu fà una ogni mese. »
Fora d’un spaziu dedicatu, di tantu in tantu à a lettura, a radiu vole cuntinuà nantu à stu versu quì. Cusì, a prussima ghjurnata dedicata à a lettura si ferà à a fine di ferraghju. L’occasione, per tutti, di pudè scambià è sparte un mumentu culturale…
