Marc'Andria Castellani conta a storia di Corsi à l'auditori
«Storia», un’emissione settimanale messa in piazza qualchì tempu fà da Marc’Andria Castellani, permette à l’auditori di a Frequenza Mora di pudè sapè ne di più nantu à u passatu di l’isula…
Marc’Andria Castellani conta a storia di Corsica à l’auditori
« Storia », un’emissione settimanale messa in piazza qualchì tempu fà da Marc’Andria Castellani, permette à l’auditori di a Frequenza Mora di pudè sapè ne di più nantu à u passatu di l’isula…
Animatore abbastanza cunnisciutu oghje nantu i media (RCFM particularmente), Marc’Andria Castellani face a so strada. Cusì, è dopu à l’animazione spurtive a dumenicata o u famosu « un ghjornu, una canzona », s’hè messu di maghju scorsu, à ...a storia.
« Di fattu, spiega l’animatore, Olivier Balbinot, direttore di a prugammazione vulia fà qualcosa intornu à a storia dapoi qualchì tempu. M’hà chjamatu à a fine di u cunfinamentu,per dumandà mi s’eu vulia mette in piazza un’emissione. À dilla franca, ùn aghju micca fattu studii di storia, ma aghju lettu assai è sò passiunatu di’issa tematica quì. A storia è a lingua sò i dui elementi chì facenu un populu. Tandu, aghju accettatu a pruposta... »
Parlà di storia, hè un fattu, ma ci hè vulsutu, nanzu à tuttu, à cuncepisce l’emissione. Prima, a direzzione dumanda registramenti di dui minuti. « Ùn si pudia cuntà nunda, era troppu cortu. Simu pertuti nantu à un’emissione trà vinti è trenta minuti ogni sabbatu, è, à tempu, stratti di dui mn in a settimana. »
« A storia » hè cuncepita, basta, tandu, à travaglià u cuntenutu. « Aghju vistu subbitu, chè issu travagliu riprisentava monda, è aldilà di ciò ch’eu pensava. M’hè tuccatu à fà ricerche, leghje libri, scuntrà ghjente (Filippu Colombani, Olivier Jéhasse, Paulu Turchi, G.Maria Arrighi)... »
Da Aleria à Aleria
In tuttu, ogni emissione riprisente 50 ore di travagliu. L’animatore leghje tuttu nantu à a tematica o u persunaghju cuncernatu circhendu, ogni volta, à parte da nanzu per mette in piazza un ramu storicu precisu. À mezu, sturiette è analisi... « Leghju monda ma ogni volta, ciò ch’eu dicu hè verificatu da i sturiani. »
L’idea di principiu di Marc’Andria Castellani hè di sviluppà l’emissione da Aleria à Aleria. « Da l’Imperu Rumanu sin’à l’affare d’Aleria in u 1975. Ghjè un scopu impurtante ma si puderà fà.»
L’emissione hè stata principiata di lugliu cù Samperu Corsu (ch’elle si ponu bulicà e tematiche). Imperu rumanu, Pisa, a banca di San Ghjorghju, i Cinarchesi, e revuluzione corse, a guerra d’indipendenza, l’anni 30, a seconda guerra mundiale, l’animatore hà dighjà fattu una vintena d’emissione. « N’aghju torna una decina à fà per compie. Ci hè qualchì perioda à travaglià (da à fine di l’indipendenza sin’à u 1930…). »
A narrazzione à l’usu « sagà », permette, cù illustrazione musicale scelte di manera precisa, di « chjappà » a ghjente. « A storia di Corsica hè una vera sagà ! Da i Cinarchesi sin’à Clemente Paoli, passendu per Vincitellu d’Istria è Samperu, ci sò guerrieri, traditori è suldati...Per a musica, scegliu BO di filmoni americani è à tempu canzone o pulifunie corse... »
Passiunatu di musica, arradicatu à a lingua corsa, Marc’Andria Castellani l’hè dinò di storia. « Senza storia, ùn si pò fà nunda, hè impurtantissimu di rendela à i Corsi, masimu chè, per a maiò parte, ùn la cunnoscenu micca. Cercu, à u me puchissimu nivellu, di mette in piazza arnesi per difende l’elementi fundadori di u populu (Musica, storia, lingua…). Oghje, i ghjovani sò techji di cunsumerisimu. Cù l’accessu à a cunniscenza ch’è noi t’avemu oghje, ponu rimpatruniscesi issa storia,è ghjè una vera mudernità... »
L’emissione cuntinueghja à fà a so strada. Nanzu, s’è tuttu si passa bè, di fà ne una cù sturiani per sfruttà appena tuttu ciò chì hè statu fattu sin’à d’avà…
F.P.
« Storia », un’emissione settimanale messa in piazza qualchì tempu fà da Marc’Andria Castellani, permette à l’auditori di a Frequenza Mora di pudè sapè ne di più nantu à u passatu di l’isula…
Animatore abbastanza cunnisciutu oghje nantu i media (RCFM particularmente), Marc’Andria Castellani face a so strada. Cusì, è dopu à l’animazione spurtive a dumenicata o u famosu « un ghjornu, una canzona », s’hè messu di maghju scorsu, à ...a storia.
« Di fattu, spiega l’animatore, Olivier Balbinot, direttore di a prugammazione vulia fà qualcosa intornu à a storia dapoi qualchì tempu. M’hà chjamatu à a fine di u cunfinamentu,per dumandà mi s’eu vulia mette in piazza un’emissione. À dilla franca, ùn aghju micca fattu studii di storia, ma aghju lettu assai è sò passiunatu di’issa tematica quì. A storia è a lingua sò i dui elementi chì facenu un populu. Tandu, aghju accettatu a pruposta... »
Parlà di storia, hè un fattu, ma ci hè vulsutu, nanzu à tuttu, à cuncepisce l’emissione. Prima, a direzzione dumanda registramenti di dui minuti. « Ùn si pudia cuntà nunda, era troppu cortu. Simu pertuti nantu à un’emissione trà vinti è trenta minuti ogni sabbatu, è, à tempu, stratti di dui mn in a settimana. »
« A storia » hè cuncepita, basta, tandu, à travaglià u cuntenutu. « Aghju vistu subbitu, chè issu travagliu riprisentava monda, è aldilà di ciò ch’eu pensava. M’hè tuccatu à fà ricerche, leghje libri, scuntrà ghjente (Filippu Colombani, Olivier Jéhasse, Paulu Turchi, G.Maria Arrighi)... »
Da Aleria à Aleria
In tuttu, ogni emissione riprisente 50 ore di travagliu. L’animatore leghje tuttu nantu à a tematica o u persunaghju cuncernatu circhendu, ogni volta, à parte da nanzu per mette in piazza un ramu storicu precisu. À mezu, sturiette è analisi... « Leghju monda ma ogni volta, ciò ch’eu dicu hè verificatu da i sturiani. »
L’idea di principiu di Marc’Andria Castellani hè di sviluppà l’emissione da Aleria à Aleria. « Da l’Imperu Rumanu sin’à l’affare d’Aleria in u 1975. Ghjè un scopu impurtante ma si puderà fà.»
L’emissione hè stata principiata di lugliu cù Samperu Corsu (ch’elle si ponu bulicà e tematiche). Imperu rumanu, Pisa, a banca di San Ghjorghju, i Cinarchesi, e revuluzione corse, a guerra d’indipendenza, l’anni 30, a seconda guerra mundiale, l’animatore hà dighjà fattu una vintena d’emissione. « N’aghju torna una decina à fà per compie. Ci hè qualchì perioda à travaglià (da à fine di l’indipendenza sin’à u 1930…). »
A narrazzione à l’usu « sagà », permette, cù illustrazione musicale scelte di manera precisa, di « chjappà » a ghjente. « A storia di Corsica hè una vera sagà ! Da i Cinarchesi sin’à Clemente Paoli, passendu per Vincitellu d’Istria è Samperu, ci sò guerrieri, traditori è suldati...Per a musica, scegliu BO di filmoni americani è à tempu canzone o pulifunie corse... »
Passiunatu di musica, arradicatu à a lingua corsa, Marc’Andria Castellani l’hè dinò di storia. « Senza storia, ùn si pò fà nunda, hè impurtantissimu di rendela à i Corsi, masimu chè, per a maiò parte, ùn la cunnoscenu micca. Cercu, à u me puchissimu nivellu, di mette in piazza arnesi per difende l’elementi fundadori di u populu (Musica, storia, lingua…). Oghje, i ghjovani sò techji di cunsumerisimu. Cù l’accessu à a cunniscenza ch’è noi t’avemu oghje, ponu rimpatruniscesi issa storia,è ghjè una vera mudernità... »
L’emissione cuntinueghja à fà a so strada. Nanzu, s’è tuttu si passa bè, di fà ne una cù sturiani per sfruttà appena tuttu ciò chì hè statu fattu sin’à d’avà…
F.P.
