A squadra corsa "svantagiati " piglia u so volu
Nata una settimana fà da un'adunita trà parechje structture, a prima squadra corsa " svantagiati " dedicata à u ballò.......
A squadra corsa « svantagiati » piglia u so volu
Nata una settimana fà da un’adunita trà parechje strutture, a prima squadra corsa « svantagiati » dedicata à u ballò vole sviluppà si à longu andà. Cù u scopu maiò di serve d’esempiu à d’altri paesi…
Ind’una sucetà corsa induve a ghjente s’impegna à prò di i più debuli, dà à u sport i sò valori i più sputichi hè un attu suciale maiò ma sopratuttu umanu. Quì è cullandi, l’evenimenti nascenu è l’associ crescenu dinù. Si pò trattà, per indettu di « tous pour chacun », chì s’impegna dighjà dapoi parechji anni per avè, d’altronde, messu in piazza, qualchì tempu fà, una squadra di ballò arrimbata à l’O. Alatese. Wandis Le Hui, educatore, membru di u scagnu di l’OA è respunsevule d’issa squadra « ghjocu à ballò per tutti » hè diventatu referente di a Lega Corsa. Hè cusì, ch’ellu hà avutu l’idea, qualchì tempu fà, di travaglià intornu à una squadra corsa dedicata à l’atleti svantagiati. « Aghju pigliatu cuntattu cù Dédé Di Scala, capimachja di a famosa struttura, spiega l’educatore, hè statu subbitu interessatu. »
Participà à cumpetizione
Di fattu, l’affare s’hè accunciata abbastanza lestru. Dédé di Scala hè ghjuntu participà à una reunione cù i membri di l’O Alatese intornu à u so presidente Hector Cabella. Hè a squadra piglia dighjà forma.
« U scopu hè prima di tutti, di permette à iss’atleti quì di pudè ghjucà, aghjusta u respunsevule, ma à più o menu longu andà, vulemu participà à cumpetizione ch’ù seremu micca ind’una logica di passatempu. »
Tutti svantagiati, l’atleti ghjunghjenu da parechji orizonti. « Ùn si tratta nè di l’atleti in sedia à rote nè di i cechi ch’elli t’anu dighjà cumpetizione. L’altri ponu esse svantagiati di manera fisica o psiculogica. Certi, anu dighjà un nivellu bonu di ballò...Vulemu avanzà à pocu à pocu ma à passi sicuri, cunviti ch’è noi semu di qualità di i nostri atleti. »
A squadra tecnica si cumpone di qualchì ghjente rinumata (Florian Renucci, Jean-Paul Zonza, Damien Tiberi, Joey Secchi, Félix Bonardi) chì anu tutti una certa sperienza da mette à u serviziu cullettivu ma, à tempu issa vulintà di fà qualcosa di novu à prò ghjustappuntu di i più debuli.
Yannick Cahuzac è Yohan Cavalli cum’è cumpari
Sapendu, d’altronde, chè a squadra t’averà dui cumpari rinumati (Yannick Cahuzac per u Cismonte è Yohan Cavalli per u Pumonte), saria dighjà abbastanza arrimbata nantu à l’estru ricercatu. Per principià, un primu staziu serà urganizatu da quì à pocu da i respunsevuli cù ghjucadori à partesi da sedeci anni2028. « U scopu hè di pudè cuntà nantu à sedeci ghjucadori. Avemu da cummencià ghjuchendu à sette, eppo à nove. Dopu, si viderà s’è noi pudemu ghjucà à ondeci nantu à u terrenu maiò. Puderemu principià cù l’altra squadra corsa, ghjuchendu nanzu à ella per fà ci cunnosce. Ma, à longu andà, vulemu da veru serve d’esempiu à d’altri paesi è perchè micca sulcà qualcosa daretu à noi è permette d’avè una cumpetizione internaziunale. I Ghjochi Ulimpichi ? Ùn ci pensemu micca per avà, masimu ch’ellu ci hè dighjà una squadra naziunale. Ma à longu andà, perchè micca ?
Nanzu di pensà à i Ghjochi di Parrighji (2024) o di Los Angeles (2028), l’imbusca maiò serà di ricunnosce iss’atleti quì à parità cù l’altri. È di mustrà, à tempu, ch’è noi ci semu appena alluntanati dapoi anni è anni da i valori schietti di u sport…
Ph.P.
Squadra Corsa « svantagiati »
Respunsevuli di a selezzione:
Wandis Le Hui
Jean-Paul Zonza
Addestratori :
Sébastien Rocca
Damien Tramoni
Jean-Louis Moreno
Joey Secchi.
Duttore :
Dominique Luzi
Podologu :
Sébastien Bartoli
Fisiuterapisti :
Mathias Koin
Florian Renucci
Michel Raybier
Jean-Charles Bacquet
Respunsevuli di a cumunicazione :
Félix Bonardi
Florian Escamilla...
Nata una settimana fà da un’adunita trà parechje strutture, a prima squadra corsa « svantagiati » dedicata à u ballò vole sviluppà si à longu andà. Cù u scopu maiò di serve d’esempiu à d’altri paesi…
Ind’una sucetà corsa induve a ghjente s’impegna à prò di i più debuli, dà à u sport i sò valori i più sputichi hè un attu suciale maiò ma sopratuttu umanu. Quì è cullandi, l’evenimenti nascenu è l’associ crescenu dinù. Si pò trattà, per indettu di « tous pour chacun », chì s’impegna dighjà dapoi parechji anni per avè, d’altronde, messu in piazza, qualchì tempu fà, una squadra di ballò arrimbata à l’O. Alatese. Wandis Le Hui, educatore, membru di u scagnu di l’OA è respunsevule d’issa squadra « ghjocu à ballò per tutti » hè diventatu referente di a Lega Corsa. Hè cusì, ch’ellu hà avutu l’idea, qualchì tempu fà, di travaglià intornu à una squadra corsa dedicata à l’atleti svantagiati. « Aghju pigliatu cuntattu cù Dédé Di Scala, capimachja di a famosa struttura, spiega l’educatore, hè statu subbitu interessatu. »
Participà à cumpetizione
Di fattu, l’affare s’hè accunciata abbastanza lestru. Dédé di Scala hè ghjuntu participà à una reunione cù i membri di l’O Alatese intornu à u so presidente Hector Cabella. Hè a squadra piglia dighjà forma.
« U scopu hè prima di tutti, di permette à iss’atleti quì di pudè ghjucà, aghjusta u respunsevule, ma à più o menu longu andà, vulemu participà à cumpetizione ch’ù seremu micca ind’una logica di passatempu. »
Tutti svantagiati, l’atleti ghjunghjenu da parechji orizonti. « Ùn si tratta nè di l’atleti in sedia à rote nè di i cechi ch’elli t’anu dighjà cumpetizione. L’altri ponu esse svantagiati di manera fisica o psiculogica. Certi, anu dighjà un nivellu bonu di ballò...Vulemu avanzà à pocu à pocu ma à passi sicuri, cunviti ch’è noi semu di qualità di i nostri atleti. »
A squadra tecnica si cumpone di qualchì ghjente rinumata (Florian Renucci, Jean-Paul Zonza, Damien Tiberi, Joey Secchi, Félix Bonardi) chì anu tutti una certa sperienza da mette à u serviziu cullettivu ma, à tempu issa vulintà di fà qualcosa di novu à prò ghjustappuntu di i più debuli.
Yannick Cahuzac è Yohan Cavalli cum’è cumpari
Sapendu, d’altronde, chè a squadra t’averà dui cumpari rinumati (Yannick Cahuzac per u Cismonte è Yohan Cavalli per u Pumonte), saria dighjà abbastanza arrimbata nantu à l’estru ricercatu. Per principià, un primu staziu serà urganizatu da quì à pocu da i respunsevuli cù ghjucadori à partesi da sedeci anni2028. « U scopu hè di pudè cuntà nantu à sedeci ghjucadori. Avemu da cummencià ghjuchendu à sette, eppo à nove. Dopu, si viderà s’è noi pudemu ghjucà à ondeci nantu à u terrenu maiò. Puderemu principià cù l’altra squadra corsa, ghjuchendu nanzu à ella per fà ci cunnosce. Ma, à longu andà, vulemu da veru serve d’esempiu à d’altri paesi è perchè micca sulcà qualcosa daretu à noi è permette d’avè una cumpetizione internaziunale. I Ghjochi Ulimpichi ? Ùn ci pensemu micca per avà, masimu ch’ellu ci hè dighjà una squadra naziunale. Ma à longu andà, perchè micca ?
Nanzu di pensà à i Ghjochi di Parrighji (2024) o di Los Angeles (2028), l’imbusca maiò serà di ricunnosce iss’atleti quì à parità cù l’altri. È di mustrà, à tempu, ch’è noi ci semu appena alluntanati dapoi anni è anni da i valori schietti di u sport…
Ph.P.
Squadra Corsa « svantagiati »
Respunsevuli di a selezzione:
Wandis Le Hui
Jean-Paul Zonza
Addestratori :
Sébastien Rocca
Damien Tramoni
Jean-Louis Moreno
Joey Secchi.
Duttore :
Dominique Luzi
Podologu :
Sébastien Bartoli
Fisiuterapisti :
Mathias Koin
Florian Renucci
Michel Raybier
Jean-Charles Bacquet
Respunsevuli di a cumunicazione :
Félix Bonardi
Florian Escamilla...
